Тоололго 6:4 - Библи

⁴ Өөрыгөө Эзэндэ зорюулһан тэрэ хүн саг болзоройнгоо үнгэртэр уһан үзэм жэмэсэй үрэһэнһөө эхилээд, хальһан хүрэтэршье хэһэн унда бү ууг, тэрээгээр хэһэн эдеэ хоол бү эдиг.

Тоололго 6:4 Referencias Cruzadas

Тоололго 6:21

Энэ хадаа өөрыгөө Эзэндэ зорюулжа тангариг үгэхэ гэжэ шиидэгшын хуули болон бэлэг үргэлнүүдынь гээшэ. Энээнһээ гадна тэрэ хүн шадал соогоо Эзэндэ үшөө ямар бэ даа үргэл үгэхэ, Эзэндэ үшөө ехэ тангариг үгэхэ гэбэл, тэрэ хүн тэдэнээ бэелүүлхэ ёһотой. Тиигээд тэрэ хүн өөрыгөө Эзэндэ зорюулалгын тангариглалай хуулиин эдэ бүхы ёһололнуудые болон үргэлнүүдые түгэс дүүрэн бэелүүлэг.

Тоололго 6:3

үзэмэй дараһан архи, жэмэсээр хэһэн шара унда бү ууг, үзэмэй дараһан архиһаа, мүн һогтоодог унданһаа хэһэн эдеэ хоол хатааһан гү, али хатаагаагүй уһан жэмэс бү эдиг.

Тоололго 6:5

Өөрыгөө Эзэндэ зорюулһан болзор саг соо тэрэ хүн үһэеэ бү хайшалуулаг. Эзэндэ өөрыгөө зорюулһан саг болзоройнгоо үнгэртэр тэрэ хүн эдэ бүхы юумэнүүдые эдихэ, уухаяа сээрлэжэ, һахал һамбайгаа ургуулаг.

Ударидагшад 13:14

Уһан үзэмэй эшэһээ гараһан бүхы юумэнүүдые бү эдиг, үзэмэй дараһан архи болон һогтоодог шара ундаа бү ууг, бузартажа муу болоһон эдеэ хоол бү эдиг. Шинии һамган Минии хориһон эдэ бүхы юумэнүүдһээ сээрлэг.