Тоололго 6:20 - Библи

²⁰ Тиихэдэнь санаарта тэдэ үргэлнүүдыень үргэл хэдэг үргэлэй шэрээдэ абаашаад, сээжэ болон ээм мүрэ хоёройнгоо хоорондо даллаг. Энэ хадаа нүгэл хэгшэдые санаартын арюудхалга болоно. Һүүлдэнь эдэ үргэлнүүд санаартын болодог юм. Энэ ёһололой һүүлээр өөрыгөө Эзэндэ зорюулагша үзэмэй дараһан архи уухадань болохо.

Тоололго 6:20 Referencias Cruzadas

Экклезиаст 9:7

Зай иигээд яба, үйлэ хэрэгүүдыш Бурханай һайшаажа байгаа хадань, эдеэ талхаяа дорюун зоогло, сэдьхэл сэнгэлэн үзэмэй дараһан архияа уу.

Исай 25:6

Түмэн Сэрэгтэ Эзэн энэ уула дээрэ бүхы арадуудта найр наада бэлдэхэ – баян дэлгэр шэрээтэй, эрхим үзэмэй дараһан архитай. Тэндэ хурса һайн хоол, шанар һайтай үзэмэй дараһан архи байха.

Исай 35:10

Тэдэ Иерусалим руу баяртайгаар хашхаралдан ерэхэ. Уй гашуудал, һанаа алдалга оро һэегүй үгы боложо, баяртай, аза жаргалтай тэдэ хэтэ мүнхэдөө болохо.

Левит 10:15

Эзэнэй урда шинии үргэхын тула тэдэ үргэлэй өөхэнтэй хамта бэлэг гэжэ үргэгдэхэ ууса болон бэлэг гэжэ дэлгэн дэегдэхэ үбсүүе үгэхэ ёһотой. Энэ хадаа Эзэнэй захиралтаар шинии болон шинии хүбүүдэй хэтэ мүнхын нэрэтэ хуби болоно гээшэ.

Левит 23:11

Тэрэ боолто таряаетнай танай амгалан байдалай түлөө Эзэнэй үмэнэ үргэхэ. Һайндэрэй үглөөдэрынь тэрэ боолтотой таряае санаарта үргэхэ ёһотой.

Левит 7:30

Тэрэ хүн Эзэндэ үргэл болгон, өөхэ үбсүүтэйнь Эзэнэй үмэнэ өөрынгөө гараар дэен дэлгэн асарха ёһотой.

Левит 7:31

Өөхыень санаарта үргэлэй шэрээ дээрэ шатааха, харин үбсүүниинь Аһароонтоной болохо ёһотой.

Левит 7:32

Амгалан байдалай түлөө өөрын үргэлнүүдһээ баруун гуяыень бэлэг болгон, санаартада үгэдэг байгты.

Левит 7:34

Юундэб гэхэдэ, Би израильшуудай амгалан байдалай түлөө үргэлнүүдһээ бэлэг болгон үргэгдэхэ үбсүү болон бэлэг болгон үргэгдэхэ гуя абаад, Аһароон санаартада, тэрээнэй хүбүүдтэнь хуби болгон, израильшуудай зүгһөө мүнхэ тогтоолоор баринаб.

Левит 9:21

Аһароон Моисейн захиралтаар, үбсүүень, баруун гуяыень дэен дэлгэгдэхэ үргэл болгон, Эзэнэй урда дэен дэлгэбэ.

Захарияа 10:7

Эпрааим хүсэрхэг эрэ боложо, үзэмэй дараһан архи ууһан мэтэ баясаха. Хүүгэдынь энээниие харахадаа хүхижэ, тэдэнэй зүрхэ сэдьхэлые Эзэн баярлан хөөрүүлхэ.

Захарияа 9:15

Түмэн Сэрэгтэ Эзэн тэдэниие хамгаална. Сэрэгшэд шулуу шэдэжэ, дайсанаа унагаана. Тахилай тогооной үзэмэй дараһан архяар дүүрэһэн мэтэ шуһан урдаха.

Захарияа 9:17

Үршөөл хайрань ямар ехэб даа. Үрэжэлтэ таряан долгисохо, шэнэ үзэмэй сэсэрлиг салгидаха, хүбүүд басагад баясан хүгжэхэ!

Тоололго 18:18

Эдэ малай мяхан, сээжэһээ халта дээшэнь даллан үргэдэг сээжэ үбсүүн болон баруун далань шинии болохо.

Тоололго 5:25

Санаарта тэрэ эхэнэрэй гарһаа атаа жүтөөнэй үргэлыень абажа, үргэлэй шэрээгэй урда абаашаад, дээрэнь табиг.

Тоололго 6:21

Энэ хадаа өөрыгөө Эзэндэ зорюулжа тангариг үгэхэ гэжэ шиидэгшын хуули болон бэлэг үргэлнүүдынь гээшэ. Энээнһээ гадна тэрэ хүн шадал соогоо Эзэндэ үшөө ямар бэ даа үргэл үгэхэ, Эзэндэ үшөө ехэ тангариг үгэхэ гэбэл, тэрэ хүн тэдэнээ бэелүүлхэ ёһотой. Тиигээд тэрэ хүн өөрыгөө Эзэндэ зорюулалгын тангариглалай хуулиин эдэ бүхы ёһололнуудые болон үргэлнүүдые түгэс дүүрэн бэелүүлэг.

Матвей 26:29

Энээнһээ хойшо Минии Эсэгын хаан орондо таанартай хамта шэнэ үзэмэй дараһан архи амсаха үдэрэй болотор Би үзэмэй архи уухагүйб гэжэ таанарта хэлэхэб, – гэбэ.

Марк 14:25

Бурханай хаан түрэдэ шэнэ үзэмэй дараһан архи ууха үдэрэй болотор Би архи уухагүйб, – гэжэ Иисүүс хэлэбэ.

Иоанн 19:30

Иисүүс тэрэ уксусыень амсаад: – Бүтэбэ даа! – гэжэ хэлэбэ. Тиин тархяа тонгойлгон, ами табиба.