Тоололго 5:26 - Библи

²⁶ Санаарта үргэлэй тэмдэг хуби болгон орооһон үргэлһөөнь нэгэ адха абаад, тэрэнээ үргэлэй шэрээ дээрэ табижа шатааг. Тиигээд онсо тусгаар уһа уухыень тэрэ эхэнэртэ үгэг.

Тоололго 5:26 Referencias Cruzadas

Левит 2:2

Аһарооной санаарта хүбүүдтэ асараг лэ. Санаартан дүүрэн адха оливын тоһотой, гүгэлтэй гурил абаад, үргэлэй шэрээ дээрэ галдаг. Энэ хадаа үргэлэй тэмдэг хуби гээшэ, Эзэндэ таатай һайхан үргэл, хуншуу үнэр гээшэ.

Левит 2:9

Тэрэ үргэлһөөшни санаартан нэгэ хэдыень үргэлэй тэмдэг хуби гэжэ абаад, үргэлэй шэрээ дээрэ шатааха ёһотой: энэ хадаа Эзэндэ таатай һайхан үргэл, хуншуу үнэр гээшэ.

Левит 5:12

Тэрээнээ санаартада асархадань, тэрэнь дүүрэн адха гурил абаад, үргэлэй тэмдэг хуби гээд, Эзэндэ зорюулһан бэлэгүүдтэй хамта үргэлэй шэрээ дээрэ шатааха. Энэ хадаа нүгэл сагааруулгын үргэл болоно.

Левит 6:15

Тиигээд санаарта нэгэ адха шэниисын талха, оливын тоһо, байһан бүхы гүгэл абаад, үргэлэй шэрээ дээрэ шатааха. Энэ хадаа үргэлэй тэмдэг хуби гээшэ, Эзэндэ таатай һайхан үргэл, хуншуу үнэр гээшэ.

Тоололго 5:25

Санаарта тэрэ эхэнэрэй гарһаа атаа жүтөөнэй үргэлыень абажа, үргэлэй шэрээгэй урда абаашаад, дээрэнь табиг.