Тоололго 4:15 - Библи

¹⁵ Отог хүреэнэйнгээ аян замда түхеэржэ бэлэн болотор, Аһароон ба тэрэнэй хүбүүд майхан һүмэеэ, тэрэнэйнгээ бүхы хэрэгсэлнүүдые орёожо бэлдэг. Багсалжа бэлэн болоходонь, тэдэнииень абажа ябахаяа, Кэһаадай гэр бүлынхид тэдээндэ дүтэлэг. Зүгөөр тэдэнэр үхэхэгүй гээ һаа, майхан һүмын нангин юумэнүүдтэ гар бү хүрэг.

Тоололго 4:15 Referencias Cruzadas

2 Хаан түрэнүүд 15:24

Цадоок болон тэрээнтэй байһан бүхы левидүүд Бурханай хэлсээнэй ханзые абажа ябаа. Тэдэ тус ханзые буулган табиба. Бүхы зоной Иерусалимһаа гаратар Абиатаар үргэл хэжэ байгаа.

2 Хаан түрэнүүд 6:13

Эзэнэй ханзые үргэн ябаһан зоной зургаан алхам алхаха бүхэндэнь Давид үхэр болон тарган тугалаар үргэл үргэн байба.

3 Хаан түрэнүүд 8:3

Израилиин бүхы ахамадуудай суглархада, санаартан хэлсээнэй ханза үргэжэ,

1 Угай бэшэг 15:15

Эзэнэй айладаһанай, Моисейн захирһанай ёһоор левидүүдэй хүбүүд Бурханай ханза ута урганууд дээрэ табяад, мүр дээрээ үргэн оруулба.

1 Угай бэшэг 15:2

Давид иигэжэ хэлэбэ: – Левидүүдһээ бэшэ хэншье Бурханай ханза зөөхэ ёһогүй; юуб гэхэдэ, Эзэн бултан сооһоо тэдэниие шэлэжэ, Өөртэнь хэтын хэтэдэ алба хэхыень уялгалаа.

1 Угай бэшэг 23:26

левидүүд майхан һүмэ, мүн эдээндэ хабаатай хэрэгсэлнүүдые үргэлхэ ёһогүй байһан.

Египедһээ гаралга 19:12

Хадые тойруулан зурлаа хээд, тэрэ зурлааһаа сааша гэшхэхэгүй, хада өөдэ гарахагүй, хадын хормойдо хүлөө табихагүй гэһэн хорюул табяарай. Хадын ойро хүлөө табиһан хүн амяа хороолгохо.

Египедһээ гаралга 19:21

Эзэн Моисейдэ айладаба: – Эзэндэ дүтэлжэ, Тэрэниие харахамнай гэжэ бү оролдуужаг. Доошоо буугаад, зониие һэргылэн хэлэхэ болобош: үгыем дуулаагүй һаа, амияа хороолгохо.

Египедһээ гаралга 27:7

Үргэлэй шэрээ зөөхэ хэрэгтэй болоо һаань, тэдэ һургаагуудаа хажуу тээхи сахаригуудта оруулхат.

Левит 16:13

Эзэнэй үмэнэ сан санзай ууюулхадань, хэлсээнэй ханзын дээрэхи арюудхалгын хушалта дээгүүр утаан дэлгэрхэ, ууяха ёһотой, үгы һаа, тэрэтнай үхэжэ болохо.

Тоололго 1:50

гэбэшье левидүүдтэ Гэршэлгын майхан һүмэ, тэрэ һүмэдэ хабаатай бүхы юумэнүүдые болон хэрэгсэлнүүдые даалга. Тэдэнэр майхан һүмэ, тэрэнэй бүхы хэрэгсэлнүүдые абажа ябаг, тэрээниие хамгаалжа, майхан һүмэ тойрон хотон хүреэнүүдээ бариг.

Тоололго 1:51

Нүүхэдээ, левидүүд майхан һүмэеэ задалан хуряаг, байрлан тогтоһон газартаа майхан һүмэеэ татаг. Хэрбэеэ ондоо хүн эдэ бүгэдые хэбэл, үхэхэ.

Тоололго 10:21

Тэдэнэй хойноһоо нангин шүтөөнөө үргэлһэн Кэһаадай обогойхид ошобо. Тэдэнэй ерэтэр нангин һүмэ баригдажа үрдихэ ёһотой байгаа.

Тоололго 18:3

Эдэ хүнүүд шинии харгалзалга доро майхан һүмэ соохи ажалда хамһалсаг. Таанад болон тэдэнэр үхэхэгүй гэбэл, нангин шүтөөнүүдтэ болон үргэлэй шэрээдэ бү дүтэлэгты.

Тоололго 3:38

Майхан һүмын үүдэн талада, наранай гарадаг зүгтэ Моисей Аһароон хоёрой, тэдэнэй хүбүүдэй хотон хүреэнүүд баригдаха ёһотой. Тэдэнэй харууһалган доро израильшуудай энэ Нангин һүмэ үгтэнэ. Хэрбэеэ эндэ ондоо хүнүүд оробол, тэдэнэр алуулагдаха ёһотой.

Тоололго 4:14

Тиигээд тэрээн дээрэ үргэлэй ёһололдо хэрэглэгдэдэг бүхы амһартануудые: согой амһартануудые, мяханай һэрээ, хүрзэхэнүүдые, шуһа сүршэдэг аягануудые, үргэлэй шэрээдэ хэрэглэгдэдэг бүхы амһартануудые булгайр арһаар хушажа табяад, һургааг-харбиинхануудые табиг.

Тоололго 4:19

тэдэнэй үхэхэгүйн тула иимэ юумэ хэгты: Аһароон ба тэрэнэй хүбүүд майхан һүмэдэ орожо, Кэһаадай үенүүдэйнь эрэшүүл бүхэндэ хэхэ ажалыень, үргэлэн абажа ябаха юумэнүүдыень хэлэжэ заажа үгүүжэг.

Тоололго 4:20

Харин өөһэдөө тэдэнэр үхэхэ гээгүй һаа, майхан һүмэеэ хуряажа ба хушажа байхадаа, Нангинай Нангин таһалгада орохо ёһогүй.

Тоололго 7:9

Теэд Кэһаадай хүбүүдтэ тэдэ бэлэгүүдһээ юуншье хүртэбэгүй. Ушар юуб гэхэдэ, тэдэнэр Нангин һүмэеэ ээм мүрэ дээрээ үргэлөөд ябаха ёһотой.

Хуули дабталга 31:9

Моисей Бурханай һургаал заабари бэшэжэ, Эзэнтэй баталһан хэлсээнэй ханза абаад ябадаг Левиин обогой санаартадта, мүн Израилиин бүхы аха захатанда тэрэниие үгэбэ.

Нүүнэй Иисүүс 4:10

Ханза үргэжэ ябаһан санаартан Моисейн захяагай ёһоор зондо хэлээрэй гэжэ Эзэнэй Иисүүстэ захирһанай ёһоор бүхы юумэнэй дууһатар Иорданай урда зогсожо байгаа; арад зон яаран голые гаталжа байгаа.

1 Хаан түрэнүүд 6:19

Бэт-Шээмэшэй далан хүниие ханза нээжэ хараһанайнь тула Эзэн хюдан усадхаба. Арад зониие угаа ехээр хюдаһандань зон гашуудан уйлалдаа һэн.