Тоололго 35:19 - Библи

¹⁹ Шуһанай түлөө үһөө нэхэгшэ нэгэн алууршаниие намнан барижа хамаагүй алахадань болохо.

Тоололго 35:19 Referencias Cruzadas

Эхин 4:14

Энэ орон нютагһаа, Өөрһөө намайе намнанат. Тиигэбэл, орон нютаггүй зольбо болохоб, дайралдаһан лэ хүн намайе алаха бшуу.

2 Хаан түрэнүүд 14:11

Тэрэ эхэнэр иигэжэ хэлэбэ ха: – Хаан, шуһанай түлөө үһөөгөө абагшадай олошорхогүйн тула та өөрын Эзэн Бурханай нэрээр тангариглыт. Тиихэдэтнай минии хүбүүе һалгаахагүйл. – Эзэнэй урда тангаригланаб, хүбүүнтэйшни ямаршье муу юумэн болохогүй! – гэжэ хаан хэлэбэ.

2 Хаан түрэнүүд 14:7

Мүнөө бүхы түрэлхид минии урдаһаа тулажа, «ахаяа алаһан хүниие бидэндэ үгэ. Алаһан ахынь түлөө тэрэниие алахамнай» гэлдэнэ. Тэдэ иигэжэ минии ори гансахан ошо унтаргаажа, газар дээрэ үбгэнэймни нэрыешье, уг удамыеньшье үлөөхэгүйнь, – гэжэ тэрэ эхэнэр хэлэбэ.

2 Хаан түрэнүүд 3:27

Иигээд Абнээрэй Хэброондо асарагдахада, Ёһааб тэрээнтэй хүнгүйгөөр хөөрэлдэхэеэ бартаанууд тээшэ абаашаад, гэдэһэ руунь хадхажа алаба. Ёһаабай дүү Асаһээлые алаһанайнгаа түлөө иигэжэ Абнээр наһа бараа бэлэй.

2 Хаан түрэнүүд 3:30

Асаһээл дүүень Гибэһоондохи тулалдаанда Абнээрэй алаһандань Ёһааб ба тэрэнэй дүү Абишай гэгшэ иигэжэ Абнээрые алаа бшуу.

Тоололго 35:12

Хүн үһөөгөө абаха гэгшэдһээ тэрьедэн, ами наһаяа абаржа, ниитэ эмхиин шүүхын шиидхэбэриин гаратар тэндэ хоргодог.

Тоололго 35:18

Хэрбэеэ хэн нэгэн хэнииешьеб модоор сохижо алабал, сохигшо модониинь хүниие аламаар томо байбалнь, тэрэ хүн алууршанда тоологдожо, толгойн саазада хүртэхэ ёһотой.

Тоололго 35:20

Хэрбэеэ хэн нэгэн хэнииешьеб үзэн ядахадаа зорюута түлхижэ гү, али зорюута юумэ шэдэжэ алабалнь, иимэ хүн алууршанда тоологдохо, өөрөө алуулха ёһотой. Үһөөгөө нэхэгшэд намнажа тэрэниие баряад алахадань болохо.

Тоололго 35:24

тиигэбэлнь, зоной ниитэ эмхи алууршан ба үһөө нэхэгшэ хоёрой хоорондохи асуудал шиидхэг.

Тоололго 35:27

үһөөгөө нэхэгшэтэй уулзаад, алуулбал, тэрэниие алагша хүн харюусалгада татагдахагүй.

Хуули дабталга 19:12

хотын аха захатан хойноһоонь эльгээжэ, тэрэниие асаруулха ёһотой. Удаань үһөөгөө абажа алахыень алуулһан хүнэй дүтын түрэлдэ тэрэ хүниие дамжуулха болоно.

Хуули дабталга 19:6

Ганса хото шэлэн орхёо һаатнай, тэрээн хүрэтэр зай холо байжа магад. Алуулһан хүнэй дүтын түрэл үһөөгөө абахаяа тэрэ сүйд хэһэн хүниие хүсэжэ баряад, уур сухал дундаа тэрэниие алажа магад. Теэд тэрэ алуулхаар юумэ хээгүй ха юм. Юуб гэхэдэ, гээгдэһэн хүнтэй бэе бэеэ үзэн ядажа һая наашашье байгаагүй.

Нүүнэй Иисүүс 20:3

Эндүүржэ, хорото һаналгүйгөөр хүниие алаһан хүн тэндэ хорохо ёһотой. Тэдэ хотонууд шуһанай түлөө үһөө нэхээшэдһээ хоргодохо шэбээ болог.

Нүүнэй Иисүүс 20:5

Шуһанай түлөө үһөө нэхэгшын мүрдэжэ ерэхэдэ, тэрээнэй гарта тэдэ алагшые үгэхэгүй. Юундэб гэхэдэ, тэрэ мэдэнгүй алаа, алуулагшые үзэн ядажа байгаагүй.

Ударидагшад 8:19

Гидоон тэдээндэ иигэжэ хэлэбэ: – Тэдэнэр минии эжын хүбүүд, минии түрэһэн аханар байгаа. Хэрбэеэ тэдэниие амиды үлөөһэн байбалтнай, мүнөө би таанадые алахагүй һэм гэжэ Эзэндэ тангаригланаб!