Тоололго 32:32 - Библи

³² бидэ мүрэн гаталхабди. Бидэнэр Эзэнэй урда ябажа, Ханаһаанай газар дээрэ гарахабди. Харин бидэндэ хүртэхэ хубитамнай Иордан мүрэнэй зүүн тээхи газар болог.

Тоололго 32:32 Referencias Cruzadas

Левит 14:34

– Эзэлүүритнай болгожо Минии үгэһэн Ханаһаанай газарта таанадай ороходо, Би танай эзэлүүриин газарай гэрнүүдтэ бури дэлгэрүүлхэб.

Тоололго 32:19

Манай хубита газар Иорданай зүүн тээ үлэхэ. Бидэнэр Иордан мүрэнэй баруун талада өөһэдтөө газар эрихэгүйбди, – гэжэ хэлэбэ.

Тоололго 32:31

– Эзэнэй захиралтые энэ дары бүтээхэбди, – гэжэ Гаадай, Рэүбээнэй обогойхид бата найдамтайгаар хэлэбэ, –

Тоололго 32:33

Моисей тэрэ газар Гаадай болон Рэүбээнэй обогуудта, мүн Иосифой хүбүүн Мэнашшээгэй обогой хахадтань үгэбэ. Тэрэ газарай хотонууд болон һуурин тосхонууд Эмоорой хаан Сиһооной хан түрын, Башаанай хаан Оогой хан түрын мэдэлэй байгаа. Эдэ бүхы орон нютагууд тэдээндэ үгтэбэ.

Тоололго 34:15

Иордан мүрэнэй зүүн талада, Ерихооной шанха урда байгаа газар тэдэ абанхай.

Хуули дабталга 1:1

Иордан голой саада тээ, элһэн сүл губида, Арабаада, Суупай хажууда, Параан, Тоопэл, Лаваан, Хацэроот, Диизаһаб хотонуудай хоорондо байхадаа, Моисейн бүхы Израилиин улад зондо хэлэһэн үгэнүүд иимэ.

Хуули дабталга 29:8

Тиигээд тэдэнэй газар абажа, Рэүбээн, Гаад гэгшэдэй обогуудта, мүн Мэнашшээ гэгшын обогой хахадтань үгөө бэлэйбди.

Хуули дабталга 3:12

Тэрэ үедэ газар дайдые эзэлхэдээ, Арноон нюруу дээгүүр байгааша Ароһээр хотоһоо эхилээд, хадалиг Галаад орон нютагай хахадыень хотонуудтайнь хамта би Рэүбээнэй, мүн Гаадай обогуудта үгөөб.

Нүүнэй Иисүүс 12:1

Израилиин хүбүүдэй хюдан даража, Иорданай нүгөө талада наранһаа зүүн тээшэ, Арнооной урадхалһаа Хэрмоон хада хүрэтэр, зүүн тээшэнхи бүхы тала өөрын эдлэл болгожо абаһан газарнуудайнь хаашуул энэ:

Нүүнэй Иисүүс 12:6

Эзэнэй богоол Моисей ба Израилиин хүбүүд тэдээниие алаа; тиигээд Эзэнэй богоол Моисей газарыень Рэүбээнэй ба Гаадай обогуудай ба Мэнашшээгэй обогой хахадай уламжалха эдлэл болгожо үгөө.