Тоололго 32:23 - Библи

²³ Эдэ бүгэдые бэелүүлээгүй һаа, Эзэндэ нүгэл хээд, хэһэн нүгэлэйнгөө түлөө хэһээлтэдэ таанад орохот.

Тоололго 32:23 Referencias Cruzadas

Эхин 13:13

Содомой улад муу аяг зантай зон байгаа, Эзэниие оройдоошье ойндоо оруулдаггүй, хүндэлдэггүй һэн.

Эхин 4:7

Хэрбээ зохистой хэрэг хэһэн һаа, ши энеэжэ байха һэнши. Харин шинии зохисгүй хэрэг хэһэн ушарһаа нүгэл хэхэ гэһэн хүсэлшни үүдэнэй хажууда отожо, зэрлиг амитан мэтэ шамайе хүлеэжэ байна. Гэбэшье ши тэрэ хүсэлөө дабан диилээрэй.

Эхин 44:16

– Эрхим хүндэтэ эзэн! Бидэ юун гэжэ хэлэхэбибди даа. Өөһэдынгөө гэмгүйе яажа гэршэлхэбибди? Бурхан маанадта гэм зэмэ олоод, мүнөө зарга шиидхэжэ байна. Эрхим хүндэтэ эзэмнай, ядуухан бидэтнай аяга хулгайлһан, хулгайлаагүйтэеэ бултадаа танай богоол болобобди, – гэжэ Иуда харюусаба.

2 Хаан түрэнүүд 3:39

Би хаан түрэдэ тоһоор түрхюулэн ёһолуулһаншье һаа, мүнөөдөө үшөөл хүсэгүйб, харин Цэруяагай хүбүүд угаа хэрзэгы хатуу. Эзэн мууе үйлэдэгшэдэ хэһэн хэмээрнь тэрэнииень амасуулхань болтогой!

3 Хаан түрэнүүд 2:32

Давид эсэгымни мэдээгүй байтар Ёһааб ямаршье зэмэгүй, өөрһөөнь һураггүй эрхим хоёр хүниие – Нээрэй хүбүүн, Израилиин жанжин Абнээрые, мүн тиихэдэ Етээрэй хүбүүн, Иудын жанжин Амасаае һэлмээр сабшан алаа һэм шуу. Эзэн энэ шуһые өөрынь толгой дээрэ буулгаха.

3 Хаан түрэнүүд 2:33

Тэрэ шуһан Ёһаабай болон үри һадаһанайнь толгой дээрэ хэтэ мүнхэдөө тудан байхань болтогой! Харин хан шэрээ эзэлдэг Давидай үри һадаһадта Эзэн хэтэ мүнхэдөө амгалан байдал үршөөхэнь болтогой! – гэбэ.

Псалманууд 139:11

Аһажа байгаа нүүрһэн өөһэд дээрэнь унаг! Тэдэ гал руу, гаража шадахагүй нүхэн руу хаягдаг, бэшэ бү бодог!

Псалманууд 90:8

Ши гансал нюдөөрөө хараад лэ, нүгэлтэй муу зондо хүрэдэг хэһээлтые харахаш!

Һургаал 13:21

Гай тодхор нүгэлтэниие дахадаг. Үнэн шударга хүнэй шагнал дэбжэлтэ мүн.

Һургаал 24:16

Юундэб гэхэдэ, үнэн шударга хүн долоо бүдэрөөшье һаа, бодохо, харин нүгэлтэд нэгэ бүдэрбэл, өөдэлхэгүй.

Һургаал 5:22

Хара нүгэлтын хуулигүй ябадал өөрыень барижа байдаг, өөрын нүгэл хилэнсэгэй уяанда тэрэ хүлеэтэй байдаг.

Исай 3:11

Хара һанаатан золгүй байха. Ондоо зондо юу хээ һэм – тон тиимэ юумэн тэдээндэ өөһэдтэнь хүрэхэ.

Исай 59:12

Эзэн Бурхамнай, Танай урдаһаа маанадай хэһэн гэм зэмэ олон, манай нүгэлнүүд өөһэдыемнай муу болгон гэршэлнэ. Бидэ тэдэниие һайн мэдэнэбди.

Иона 1:7

Онгосошод бэе бэедээ иигэжэ хэлэжэ эхилбэд: – Хэнһээ боложо энэ зоболон манай толгой дээрэ буубаб гэжэ мэдэхын тула жээрэб хаяя. Тиигээд жээрэб хаяба, тэрэнь Ионада тудалдаба.

Римэйхиндэ 2:9

Харата бузар юумэ үйлэдэжэ байһан хүн бүхэндэ, нэн түрүүн еврей хүндэ, баһа ондоошье яһатанай хүндэ зоболон ба бэрхэшээл тудаха.

Коринфынхидтэ 1-дэхи 4:5

Тиимэһээ тогтоогдоһон сагай болоогүйдэ хэнииешье бү шүүбэрилэ. Эзэн ерэхэдээ, шэб харанхыда хоргодоһон юумэнүүдые гэрэлтүүлхэ, хүнүүдэй далда һанаа зорилгые элирүүлхэ, тиихэдэ хүн бүхэн хэһэн зэргээрээ Бурханайл магтаалда хүртэхэ.

Нүүнэй Иисүүс 7:18

Бүлэдэ нэгэ нэгээрээ ерэхыень захираад, Зээрахай гуша, Забдиин аша, Хармиигай хүбүүн Ахааниие Иудын обогһоо заагаа.