Тоололго 31:29 - Библи

²⁹ Энэ хадаа дайнай олзын сэрэгшэдэй хахадһаа Эзэндэ зорюулха хуби юм, санаарта Эльазаарта үргэхыень үгэ.

Тоололго 31:29 Referencias Cruzadas

Египедһээ гаралга 29:27

Эзэндэ гэжэ үргэһэн хониной үбсүү болон бэлэг гэжэ үргэһэн хүлые – Аһарооной болон хүбүүдэйнь һахил хүртөөлгын үргэлые – нангин гэжэ соносхохо ёһотойш.

Тоололго 18:26

– Ши левидүүдтэй хөөрэлдөөд, тэдээндэ иигэжэ хэлэ: израильшууд арбанай нэгэ хубиие – таанадта үгэдэг байха гэжэ Минии тодорхойлһон хубиие – үгэдэг байха, тэрэ арбанай нэгэ хубиһаа үшөө арбанай нэгые амяарлажа, Намда, Эзэндэ, үргэгты.

Тоололго 18:28

Израильшуудай асарһан тэдэ бэлэгүүдые үргэл болгожо, Эзэндэ үргэхэ ёһотойт. Тиихэдээ таанад өөһэдынгөө арбанай нэгэ хубиин арбанай нэгые Эзэндэ үргэбэ гээшэт. Тиигээд тэрэ арбанай нэгэ хубиһаа санаартан Аһароондо үгэхэ ёһотойт.

Тоололго 31:28

Дайнда ябагшадай олзоһоо Эзэнэй хуби гэжэ иигэжэ илгагты: табан зуун олзо басагадһаа нэгые, табан зуун толгой эбэртэ бодо малһаа нэгэ үхэрые, табан зуун толгой элжэгэнүүдһээ нэгэ элжэгые, мүн табан зуун толгой хонинһоо нэгэ толгой хониие.

Тоололго 31:30

Арад зондоо хубаари болгожо, тэн хахадыень үгэһэн олзоһоо хүнүүдшье, үхэрнүүдшье, элжэгэнүүдшье, хонидшье байг хамаагүй, тэдэнэй табин толгойн нэгыень левидүүдтэ үгэ. Ушар юуб гэхэдэ, левидүүд Эзэнэй майхан һүмэдэ алба хэнэ ха юм.

Хуули дабталга 12:12

Таанад үхи хүүгэдтэеэ хамта, зарасанартнай, хото һуурин соотнай байдаг левидүүд тэндэ ошожо, бултадаа Эзэн Бурханайнгаа урда хүхилдэгты. Левидүүд өөрын хуби газаргүй гээшые бү мартагты.

Хуули дабталга 12:19

Ойлгогты, өөрынгөө газар дайда дээрэ байгаа бүхы үе сагтаа левидүүдтэй бүхы юумээрээ хубаалдажа байгты.