Тоололго 3:15 - Библи

¹⁵ – Левиин обогой бүхы уг болон гэр бүлэнүүдые бүридхэн тооло. Бүхы эрэшүүлыень, мүн нэгэ һаратайһаа дээшэ наһатай болоһон хүбүүн үхибүүдыень бүридхэн тооло.

Тоололго 3:15 Referencias Cruzadas

Һургаал 8:17

Дура һаналтай хүндэ дура һаналаа харюудань мэдүүлхэб, намайе бэдэрдэг хүн намайе олохо.

Ерэмияа 2:2

Иерусалимай хүн бүхэндэ иимэ зар соносхол дуулгахыемни захирба: Таанадай эдир залуу байхадаа Намда үнэн сэхэ байһые, гүлмэр залуухан һамгандал, Намда дураяа бэлэглэдэгые, элһэн сүл губяар, талха таряанай ургадаггүй газар нютагаар Намайе дахан ябаһыетнай һанажа байнаб.

Ерэмияа 31:3

Би тэдээндэ холоһоо үзэгдөө бэлэйб. Израилиин арад зон, Би таанадта хэтэ мүнхэдөө дурланхайб, тиимэһээл хайра энэрэлээ та бүгэдэндэ үзүүлнэб.

Тоололго 1:3

Аһароон та хоёр Израилиин сэрэгэй алба хэжэ шадаха, хори наһанһаа дээшэ наһатай бүхы эрэшүүлэй тоое, сэрэгэй бүлэг бүлэгөөрнь тоологты.

Тоололго 1:47

Левиин обогой уг гарбалтай эрэшүүл израильшуудай хамтын тоо бүридхэлдэ ороогүй.

Тоололго 26:57

Мүн баһа левит обогой зон тоологдоо. Левиин обогой урагууд: Гэршоонһоо – Гэршооной ураг, Кэһаадһаа – Кэһаадай ураг, Мэрарииһээ – Мэрариин ураг эхилнэ.

Тоололго 26:62

Нэгэ һараһаа дээшэ наһатай бүхы левит эрэшүүлэй тоое бүридхэн абахадань, тэдэнэр 23 000 хүн болобо. Гэбэшье тэдэнэр израильшуудай хамтын тоо бүридхэлдэнь ороогүй, Эзэнэй үгэһэн хубита газарта хүртөөгүй юм.

Тоололго 3:16

Моисей Аһароон хоёр Эзэнэй захиралта дүүргэжэ, тэдэниие бүридхэн тоолобо.

Тоололго 3:22

Тэдэнэй бүхы эрэшүүлэй болон нэгэ һаратайһаа дээшэ бүхы хүбүүн үхибүүдэйнь хамтын тоо 7 500 болоно.

Тоололго 3:28

Тэдэнэй бүхы эрэшүүлэйнь, мүн нэгэ һаратайһаа дээшэ бүхы хүбүүн үхибүүдэйнь хамтын тоо 8 600 болоно. Эдэнэр нангин байра аршалан харууһална.

Тоололго 3:34

Тэрэнэй бүхы эрэшүүлэйнь, мүн нэгэ һаратайһаа дээшэ наһатай хүбүүн үхибүүдэй хамтын тоо 6 200 болоно.

Тоололго 3:43

Нэгэ һаратайһаа дээшэ наһатай түрүүшын бүхы хүбүүн үхибүүдыень нэрэ нэрээрнь бүридхэн тоолоходонь, 22 273 хүбүүд болобо.

Марк 10:14

Тиигэхыень хараад, Иисүүс уурлажа: – Үхибүүдые наашань табигты, Намда ерэхэдэнь һаалта бү хэгты. Эдэ үхибүүдтэл адли зон Бурханай хаан түрын мэдэлдэ юм.

Тимофейдэ 2-дохи 3:15

шинии үхибүүн байха сагһаа мэдэдэг Нангин Бэшэг шамайе һургажа, сэсэн ухаатай болгоно. Тиин тэрэ ухаан Иисүүс Христоосто этигэһэн һүзэгэйшни ашаар шамайе абарна.