Тоололго 3:13 - Библи

¹³ Ушар юуб гэхэдэ, алишье ууган хүбүүн ба малай түрүүшын бүхы түл – Минии. Египедэй ууган хүбүүдые болон малай түрүүшын түл үгы хэхэдээ, Би Израиль соо бүхы ууган хүбүүдые ба малай түрүүшын түлые илгааб Өөртөө. Тэдэ Минии юм. Би Эзэн мүн!

Тоололго 3:13 Referencias Cruzadas

Нэхэмьяа 10:36

Һургаал соо бэшэгдэһэнэй ёһоор, манай Эзэн Бурханай Һүмэдэ санаартадта, бидэ өөһэдынгөө ууган хүбүүдые, мүн тиихэдэ хони, үнеэнүүдэйнгөө түрүүшын түл асардаг байхабди.

Египедһээ гаралга 13:12

анха түрэһэн ууган хүбүүдээ Тэрээндэ зорюулан үгэхэ ёһотойш. Малай түрүүшын эрэ түл баһал Тэрэнэй болохо.

Египедһээ гаралга 13:15

Фараоной үсэд бодолоор маанадые табингүй тамалхадань, Эзэн Египедэй зоной ууган хүбүүдэй, малайнь түрүүшын түлнүүдэй ами хороогоо. Тэрэ гэһээр лэ анхан түрэһэн малай эрэ түл Эзэндэ үргэнэб, өөрын ууган хүбүүнэй түлөө түлөөһэ үгэдэг заншалтай хүмби.

Египедһээ гаралга 13:2

– Израилиин зоной дунда эхын умайһаа унаһан ехэ хүбүүе, малай түрүүшын түлые Намда зорюулдаг бологты: эдэш Минии болоно.

Египедһээ гаралга 22:29

Бурханиие бү муушала, арадайнгаа удамаршые хараажа бү бай.

Египедһээ гаралга 34:19

Эхын умайһаа унаһан түрүүшын хүбүүн ба жэжэ, бодо малай түрүүшын эрэ түл – Минии.

Эзэкээл 44:30

Ургаса хуряаха бүхэндөө зон эгээл түрүүшын ургасаһаа хуби санаартадта үгэхэ ёһотой. Зоной Намда үргэһэн бүхы бэлэгэй хубинь санаартадай болохо. Зон хилээмэ болгоходоо, түрүүшынгээ хүбриг санаартанда үгэдэг байха. Тиихэдэнь Би тэдэнэй гэр байрануудые үреэн үршөөн байхаб.

Левит 27:26

Малайнгаа түрүүшын түл Эзэнэй хадань зорюулжа болохогүй. Тугалшье байг, хурьганшье байг, тэдэ Эзэнэй ха юм.

Тоололго 18:15

Эхынгээ умайе анха түрүүн нээһэн хүншье байг, малшье байг, Эзэндэ үгтэдэг, шинии болохо ёһотой. Хүнэй түрүүшын хүбүүд түлбэритэ. Сээртэй малай түрүүшын түл түлбэритэ.

Тоололго 18:6

Ойлгоорой, Би израильшуудай дундаһаа левидүүдые, танай аха дүүнэрые, шэлэн абааб. Эзэндэ алба хэхыень, майхан һүмэ соо ажаллахыень таанадта мүнөө тэдэниие үгэнэб.

Тоололго 3:41

Би Эзэмби! Израильшуудай бүхы ууган хүбүүн үхибүүдэйнь орондо левидүүдые, израильшуудай үхэр малнуудайнь түрүүшын түлнүүдэйнь орондо левидүүдэй үхэр малнуудайнь бүхы түрүүшын түлнүүдыень Намда үгэ.

Тоололго 33:4

Тэрэ үе сагта египет зон бүхы ууган хүбүүдээ хүдөөлүүлжэ байба. Ушар юуб гэхэдэ, Эзэн тэдэнэй бурхадта уурлажа, тэдээндэ үхэл тахал эльгээжэ, ууган хүбүүдыень алаһан юм.

Еврейнүүдтэ 12:23

Нэрэнүүдынь тэнгэридэ бэшэгдэһэн Бурханай эгээн түрүүшын һүзэглэгшэдэй бүлгэмэй гэшүүдынь болон таанад ерээт. Таанад бүхы хүнүүдэй Зарга шүүгшэ болохо Бурханда, эрхим түгэс болоһон үнэн сэдьхэлтэнүүдэй һүлдэнүүдтэнь ерээт.