Тоололго 3:10 - Библи

¹⁰ Аһароон болон тэрэнэй хүбүүдтэ санаартанай уялга даалга. Ондоо хэн нэгэн энээниие хэхэеэ һэдэбэл, алуулагдаха.

Тоололго 3:10 Referencias Cruzadas

2 Хаан түрэнүүд 6:7

Эзэн тэрэ дары Уззаада уур хилэн боложо, Бурханһаа түбэгшөөхэгүй ябадалайнь түлөө тэндэнь һалгаажа, тэрэ Бурханай ханзын дэргэдэ гээгдэбэ.

3 Хаан түрэнүүд 12:31

Еробоһаам хада уулануудаар мүргэлэй газарнуудые байгуулба, Левиин обогой бэшэ санаартадые томилбо.

1 Угай бэшэг 6:32

Иерусалимда Соломооной Эзэнэй Һүмэ бодхоохын урда тэдэнэр Уулзалгын майхан һүмын урда дуушадаар алба хэдэг байгаа. Тэдэнэр өөрын онсо заабаряар албаяа ябуулдаг байһан.

Нэхэмьяа 6:11

Би иигэжэ хэлэбэб: – Нам шэнги хүн зугадаха болоно гү? Би өөрынгөө ами наһа абархын тула Һүмэ соо хорохо болоно гүб? Орохогүйб.

Египедһээ гаралга 29:9

Аһароондо болон хүбүүдтэнь бүһэ бүһэлжэ, толгойдонь боолтонуудые боохош. Санаартын нэрэ зэргэ Аһароон ба тэрэнэй хүбүүдтэ хэтэдээ үгтэхэ, тэдээндэ зорюулагдаһан ёһолол ши үнгэргэхэ болонош.

Эзэкээл 44:8

Нангин үргөө соо үнгэрдэг ёһололнуудые хинан байха ёһотой аад, таанад өөһэдынгөө орондо хариин зониие табижа, тэдэ ёһололнуудые хинан байгуулдаг һэнта.

Левит 22:10

Буса ондоо хүн арюун нангин эдеэ эдижэ болохогүй. Санаартын гэртэ байдаг һуулгамаршан хүн тэрэ нангин арюун эдеэ эдихэ ёһогүй.

Тоололго 1:51

Нүүхэдээ, левидүүд майхан һүмэеэ задалан хуряаг, байрлан тогтоһон газартаа майхан һүмэеэ татаг. Хэрбэеэ ондоо хүн эдэ бүгэдые хэбэл, үхэхэ.

Тоололго 16:10

Таанадые, левидүүдые, Эзэн Өөртөө дүтэлүүлээ. Тиихэдэнь мүнөө таанад улам саашаа нэтэржэ, тахилай санаартад болохоёо эрмэлзэбэт.

Тоололго 16:35

Эзэнһээ ялбама гал гаража, уталга асарһан 250 хүниие шатаан галдаба.

Тоололго 16:40

израильшуудай хэтын хэтэдэ һанажа ябахын тула һүлдэ тэмдэг болгожо хабтайлгуулба. Моисей Эзэнэй айладаһан захяаень дүүргэжэ, Аһарооной үринэрһээ бэшэ хэншье Эзэнэй урда уталга носоохо ёһогүй болобо. Хэрбэеэ ондоо хүн уталгые носоогоо һаа, Коорах болон тэрээнтэй үгэеэ үгэсэлдэгшэд мэтээр үхэхэ.

Тоололго 18:3

Эдэ хүнүүд шинии харгалзалга доро майхан һүмэ соохи ажалда хамһалсаг. Таанад болон тэдэнэр үхэхэгүй гэбэл, нангин шүтөөнүүдтэ болон үргэлэй шэрээдэ бү дүтэлэгты.

Тоололго 18:7

Гэбэшье ши, Аһароон, шинии үринэр гансал санаартын ажал хэхэт. Гансал таанад хүшэгын саана ородог, гансал таанад үргэлэй шэрээдэ дүтэлдэг байха ёһотойт. Санаартын нангин албые шамда Би бэлэг болгон үгэнэб. Шамһаа ондоо хэн нэгэн Нангинай Нангин таһалгада ороо һаа, шархияа хатааха тэрэ дары!

Тоололго 3:11

Эзэн Моисейдэ иигэжэ үгүүлбэ:

Тоололго 3:38

Майхан һүмын үүдэн талада, наранай гарадаг зүгтэ Моисей Аһароон хоёрой, тэдэнэй хүбүүдэй хотон хүреэнүүд баригдаха ёһотой. Тэдэнэй харууһалган доро израильшуудай энэ Нангин һүмэ үгтэнэ. Хэрбэеэ эндэ ондоо хүнүүд оробол, тэдэнэр алуулагдаха ёһотой.

Римэйхиндэ 12:7

Бусад зондо алба хэхэ табилантай һаа, алба хэхэ ёһотойбди; һургаха табилантай һаа, һургаха ёһотойбди;

Эфесэйхиндэ 2:19

Тиимэһээ таанад, еврей бэшэ зон, хариин гү, али ерүүл зон бэшэт, харин Бурханай хүнүүдтэй нэгэ хотын зон гээшэт, Бурханай бүлын гэшүүд гээшэт.

Хуули дабталга 18:5

Юуб гэхэдэ, Өөрынь урда зогсожо, хэтын хэтэдэ алба хэхыень Левий гэгшын үри һадаһадые бүхы обогуудһаатнай Эзэн Бурхантнай шэлээ ха юм.

Еврейнүүдтэ 8:4

Хэрбээ Тэрэмнай газар дэлхэй дээрэ байбал, санаарташье бэшэ байха һэн, юундэб гэхэдэ, газар дэлхэйн санаартад Хуулиин ёһоор лэ үргэлнүүдые асардаг.

Ударидагшад 17:5

Михаа бурхануудай дүрсэнүүдтэ һүгэдэн мүргэдэг гэртэй болобо. Тэрэ эфод болон терафим хэжэ, хүбүүдэйнгөө нэгэндэ һахил хүртөөлгөөд, тэрэниие өөрынгөө санаарта болгобо.

1 Хаан түрэнүүд 6:19

Бэт-Шээмэшэй далан хүниие ханза нээжэ хараһанайнь тула Эзэн хюдан усадхаба. Арад зониие угаа ехээр хюдаһандань зон гашуудан уйлалдаа һэн.