Тоололго 25:2 - Библи

² Моһааб басагад өөһэдынгөө бурхадта үргэл үргэхэдөө, Израилиин эрэшүүлые уриба. Израильшууд үргэлэй мяха эдижэ, тэдэнэй бурхадта мүргэбэ.

Тоололго 25:2 Referencias Cruzadas

3 Хаан түрэнүүд 19:18

Гэбэшье Би долоо мянган хүниие Израильда амиды мэндэ үлөөгөөб. Тэдэ бултадаа Баалда һүгэдөөгүй, тэрэниие үнсэн таалаагүй, – гэжэ Эзэн айладаба.

Псалманууд 106:28

Теэд тэдэ зобожо-тулижа Эзэниие дуудаба, тиихэдэнь Тэрэ гай гамшагһаа гаргаба.

Египедһээ гаралга 20:5

Тэдээндэ бү һүгэдэ, бү мүргэ. Юуб гэхэдэ, Би, Эзэн Бурханшни, жүтөөрхэн сахидаг Бурхан гээшэб. Намайе хэрэгсээнгүй ябаһан эсэгэнэрэй түлөө үри хүүгэдыень, аша гушанарыень гурбадахи, дүрбэдэхи үе хүрэтэрынь хэһээдэгби.

Египедһээ гаралга 22:20

Мал амитантай хурисагшын ами хороохо ёһотой.

Египедһээ гаралга 23:24

Харин таанад тэдэнэй бурхадта һүгэдэжэ бү байгты, заншалыень бү абагты. Бурхадыень үгы хэгты, шүтөөн болохо шулуунуудыень бута сохигты!

Египедһээ гаралга 32:6

Хойто үглөөгүүрнь тэдэ түгэс шатаалта үргэл ба амгалан байдалай түлөө үргэл үргэбэ. Һүүлээрнь эдихэ, уухаяа һууба, найрлажа хүхижэ оробо.

Ерэмияа 40:11

Тэрэ үедэ Моһаабта, Аммоондо, Эдоомдо болон бусад орон нютагуудаар байгша иудей зон зарим еврейнүүдэй нютагтаа үлэхыень Вавилооной хаанай зүбшөөһые, Шапаанай аша, Ахикаамай хүбүүн Гэдаалияае ахалагшаар томилһые дуулаһан байгаа.

Һошээ 9:10

Эзэн иигэжэ айладана: – Израилиие анха түрүүн Минии олоходо, тэрэ сүл губида үзэмэй модондол, инжирэй модондо түрүүшын жэмэс мэтэ байгаа бэлэйл. Теэд тэрэ Пэһоорой Баалда эрьен ошожо, жэгшүүритэй муухай онгонуудта дуратай боложо, мүргэжэ эхилээ, тиигээд тэдээндээ адли болоо.

Михей 6:5

Минии арад түмэн! Моһаабай хаан Балаагай юу хэхэеэ түсэблэжэ байһые, Бэһоорой хүбүүн Балаһаамай тэрээндэ юун гэжэ харюусаһые, Шиттиимһээ Гилгаал хүрэтэр юун боложо байһые һаныш даа. Минии зүб хэрэгүүдые ойлгохын тула эдэ бүгэдые һана!»

Коринфынхидтэ 1-дэхи 10:20

Үгыл даа, бусад арадуудай онгонуудта үргэдэг юумэнүүд Бурханда бэшэ, харин ада шүдхэрнүүдтэ зорюулаатай гэжэ би хэлэхэ һанаатайб. Тиимэһээ таанадай ада шүдхэрнүүдтэй нэгэдэхые хүсэнэгүйб.

Хуули дабталга 32:38

Танай асарһан үргэлэй өөхэ тэдэ эдеэ, үргэлэй үзэмэй дараһан архи уугаа, бодожо тэдэнэр таанадта туһалаг лэ! Таанадые аршалаг лэ!

Нүүнэй Иисүүс 22:17

Мүнөө хүрэтэр манһаа арилгагдаагүй Пэһоорой хуули буса ябадал бага гү? Тэрээнэй түлөө Эзэнэй олон зон гэмтээ.

Нүүнэй Иисүүс 23:16

Эзэнтэй, танай Бурхантай баталһан хэлсээгээ эбдээ һаатнай, Тэрэнэй захяа заабаринуудые сахяагүй һаатнай, ондоо бурхадта алба хэжэ, тэдээндэ мүргөө һаатнай, Эзэнэй уур хилэн танай тархида шатажа, Эзэнэй танда үгэһэн энэ һайн газарһаа таанар үгы болон арилхат.

Нүүнэй Иисүүс 23:7

Танай урда үлэһэн тэдэ арадуудтай бү худхалдагты, тэдээнэй бурхадай нэрые бү дурдагты, тэдээгээр бү тангариглагты, тэдээндэ бү алба хэгты, һүгэдэн бү дохигты.

Гэршэлгэ 2:14

Теэд таанадые зэмэлхэ зарим юумэн Намда бии: Балаһаамай һургаалые баримталагша хүнүүд таанарай дунда байдаг. Балаһаам хадаа Израилиин зониие нүгэл шэбэлдэ оруулха, хуурмаг бурхануудта үргэһэн эдеэнһээ амсуулха, зальхай һамуу ябадалтай болгохо тухай Балаак хааниие һургаа һэн.