Тоололго 24:24 - Библи

²⁴ Онгосонууд Киттиимһээ ерэхэ. Одоол тиихэдэнь Ассири болон Ээбэр диилдэжэ, булта хосорхо!

Тоололго 24:24 Referencias Cruzadas

Эхин 10:4

Яваанай хүбүүд: Элишаа, Таршииш, Киттиим, Доданиим.

Эхин 14:13

Тэрэ үедэ Абрам еврей эмоор обог зонтой хамта Мамрээ гэдэг хүнэй сарса модото харьяата газартань ажаһуужа байгаа. Энэ хугасаа соо тэрэ Мамрээтэй, Эшхоол, Анээр гэдэг дүүнэртэйнь анда нүхэд болоһон юм. Нэгэтэ Содом хотоһоо арай амиды тэрьедэһэн нэгэ хүн Абрамда ерээд, юун болоһон тухай дуулгаба.

Исай 10:12

«Сион уула дээрэ болон Иерусалимда Өөрынгөө хэрэг хэжэ дүүргэхэдөө, бардам һайрхуу зантай Ассириин хааниие хэһээхэб», – гэжэ Эзэн айладхана.

Исай 10:5

Эзэн иигэжэ айладхаба: «Оо, Ассири! Сухалым хүргөөһэн зониие Ассириин гараар, ташуур мэтээр тэрэниие хэрэглэн, хэһээхэм.

Исай 23:1

Тиир тушаа зүн. Шангаар уйлалдыт, хүсэтэ онгосоор Таршиишһээ бусажа байгааша зон! Танай бусадаг Тиир хото үгы хэгдээ, орохо гэр байранууд һандарал болонхой! Киттиимэй нютагһаа тамаран бусахадаа иимэ һураг суу таанад дуулаат.

Эзэкээл 27:6

Башаанай сарса модоор һэльбэнүүдыеш хээ. Киттиимһээ асарагдаһан нарһан модоор шалануудшни хэгдэжэ, заанай һоёогоор гоёогдоо.

Даниил 10:20

Тиихэдэм тэрэ: – Минии шам руу юунэй түлөө ерэһые ойлгожо байна гүш? Үнэн бэшэгтэ юун гэжэ бэшээтэйе би шамда дуулгахаб. Мүнөө би һөөргэлжэ, Персиин удамаршатай дайлалдахаб. Дүүргэхэдэм, Грециин удамарша бии болохо. Танай сахюусан Михаээлһээ бэшэ хэншье намда туһалнагүй.

Даниил 11:30

Тиишээ Киттиимэй онгосонууд ерэхэ, тиихэдэнь тэрэ айжа, һөөргэлхэ. Тэрэ нангин хэлсээнэй шажан мүргэлдэ уурлажа, үгы хэхэ талаар хэрэг ябуулха. Энэ шажанһаа буруу харагшадай зүбшэл заабари даган,

Даниил 11:45

Тэрэ далайн болон нангин үргөөгэй оршодог хада уулын хоорондо хаанта майхангуудаа татаха. Теэд эсэсынь ерэжэ, хэншье тэрээндэ туһалхагүй.

Даниил 2:35

Тэрэ дары түмэр, шабар, гуулин, мүнгэн, алтан бутаржа, нажарай сагта гүмнээ дээрэ хиидэдэг мэхиинэ мэтэ болоод, һалхинда туугдажа, һэе мүргүй үгы болобо. Мантан хүрэг дээрэ унааша тэрэ шулуун агуу хада боложо, бүхы газар дэлхэйе эзэлбэ.

Даниил 2:45

Тиимэһээл хэнэйшье гар хүрөөгүй байхада хабсагайһаа шулуунай өөрөө хамхаран унахые, түмэр, гуулин, шабар, мүнгэ, алта буталхые та хараа бэлэйт. Ерээдүй сагта юун болохо байһые агууехэ Бурхан иигэжэ үндэр түрэлтэ хаанда мэдүүлээ гээшэ. Танай зүүдэн зүйтэй, тайлбаринь зүб!

Даниил 8:21

Һаглагар тэхэ хадаа Грециин хаан, нюдэдэйнь хоорондо байгааша мантан эбэр – түрүүшын хааниинь.

Тоололго 24:20

Балаһаам амалээгүүдые хараад, иигэжэ өөрынгөө һургаал үгүүлбэ: – Бүхы арадуудһаа амалээгүүд хүсэтэйшье һаа, баймга тэдэнэр булта хосорхо!

Тоололго 24:23

Тиигээд Балаһаам саашань һургаал үгүүлэлээ үргэлжэлүүлэн, иигэжэ хэлэбэ: – Ай, таанадтай Эзэнэй тулалдахада, таанадай хэн амиды үлэхэб даа?!

Матвей 24:15

– Даниил лүндэншын хэлэһэнэй ёһоор, нэгэтэ нангин газарта хооһоролго һүйдхэлдэ хүргэдэг «жэрхэштэй юумэнэй» байхые үзэхэт. Эдэ мүрнүүдые уншажа байһан хүн бүхэн ушар удхыень ойлгохыень хэшээг лэ.

Лука 20:24

– Намда динари мүнгэ харуулагты, тэрээн дээрэ хэнэй дүрэ зураатай, хэнэй нэрэ бэшээтэй байнаб? – гэжэ һураба. – Римэй хаанай, – гэжэ тэдэнь харюусаба.

Иоанн 11:48

Иимэ юумэ саашадаашье харуулха арга Тэрээндэ олгоо һаамнай, бултадаа Тэрээндэ этигэдэг болохонь. Тиихэдэнь Римэйхид ерээд, Һүмыемнай, бүхы зонииемнай үгы хэхэл, – гэжэ тэдэ хэлсэбэ.