Тоололго 24:17 - Библи

¹⁷ Эзэн ерэхэ гэжэ харанаб, гэбэшье тон мүнөө бэшэ. Эзэн ерэхэ гэжэ харанаб, гэбэшье тон һаядаа бэшэ. Яковһаа одон толорон мандаха, Израильһаа засаг баригша бии болохо. Тэрэ засаг баригша Моһаабай тайжанарай толгой таһалха, Шээдэй үринэрые хюдаха.

Тоололго 24:17 Referencias Cruzadas

Эхин 49:10

Иудын үри һадаһад хододоо гартаа хаанай баяг бариха, уг удамынь хододоо зонхилогшод байха. Олон улас түрэнүүд шинии уг удамда албан татабари түлэжэ, урдаш һүгэдэн байха.

2 Хаан түрэнүүд 8:14

Тэрэ Эдоомдо өөрын сэрэг ноёдые һуурижуулба. Бүхы Эдоомоор тэдэ байрлажа, эдоомшууд бултадаа Давидай богоолнууд болобо. Давидай ябаһан газар бүхэндэнь Эзэн туһалан байгаа.

2 Хаан түрэнүүд 8:2

Давид моһаабуудые бута сохибо. Тэрэ тэдэниие газар дээрэ хэбтүүлээд, аргамжаар хэмжэбэ. Гурбанайнь хоёр хубиие алаба, нэгэ хубииень амиды үлөөбэ. Моһаабшууд Давидай засаг мэдэржэ, ясаг түлэдэг болобо.

4 Хаан түрэнүүд 3:5

Ахаабай наһа барахада, Моһаабай хаан Израилиин хаанда эсэргүүсэн бодобо.

1 Угай бэшэг 18:2

Давид моһаабуудые бута сохибо. Иигэжэ моһаабууд Давидай засаг мэдэржэ, ясаг түлэдэг болобо.

Псалманууд 110:2

Эзэнэй үйлэ хэрэгүүд агууехэ, ד Даалэт тэдээндэ баясагша бүхы зон тэдэниие ойлгохоо эрмэлзэнэ. ה Һээ

Псалманууд 45:6

Бурхан тэрэ хотын дунда оршоно, хото доһолхогүй, Бурхан тэрээндэ үүр сайхаһаа эхилээд туһалха.

Исай 15:1

Энэ болбол Моһааб тушаа зүгнэлгэ. Һүниин туршада дээрмэдүүлээд, Аар-Моһааб аниргүй болоо. Һүниин туршада дээрмэдүүлээд, Киир-Моһааб анираа хатаа.

Исай 9:7

Тэрэнэй засаглалга, түлөөлгэ бүри ехэ боложол байха. Хан түрэнь хододоо амгалан тайбан байха. Тэрэ Давид хаанай үри һадаһан. Энэ сагһаа эхилжэ хэтэ мүнхэдөө Тэрэ үнэн шударга, үнэн зүбые баримталан хүтэлбэрилхэ. Түмэн Сэрэгтэ Эзэн энээниие бэелүүлхэ ехэ һанаатай.

Ерэмияа 48:1

Моһааб тушаа Түмэн Сэрэгтэ Эзэн, Израилиин Бурхан иигэжэ айладхаа: Нэбоо хото золгүй, һандаргагдаа. Кириатааим эшхэбтэр зүйл боложо олзологдоо. Хэрэм бүхэлэлтэнүүд эшхэбтэр зүйл боложо унаа.

Ерэмияа 48:45

Тэрьедэжэ байгаашад хүсэгүй болоходоо Сиһоон хаанай хэзээ нэгэтэ зонхилжо байһан Хэшбоон хотодо хорохоёо һанаха, теэд гал дүлэн тэндэһээ гаража, Моһаабай хилэ дайдануудые, хадын оройнуудые хайран галдаха.

Захарияа 10:4

Углуугай шулуун, майханай гадаһан, тулалдаанай номо, сэрэг зонхилогшод – бултадаа эдэ Иудын оронһоо ерэхэ юм.

Захарияа 12:10

Давидай гэр, Иерусалимай зон сэдьхэл даруу номгон болохо, гэмээ наманшалан, нигүүлсэлтэ бодолоор хамаг зондо хандаха гэжэ оролдохо. Өөһэдөө жадаараа сүм хадхаһан хүнөө, Намайе тэдэ хараха, ууган хүбүүнэйнгөө түлөө гашуудажа байһан мэтэ гашуудаха.

Тоололго 21:29

Таанадта, Моһаабай хүнүүдтэ, тодхор болохо! Таанад, Хэмоошто шүтэгшэд, хосорхот! Таанадай бурхан эрэшүүлыетнай зугадалганда, таанадай басагадые эмооршуудай хаанай мэдэлдэ үгөөл.

Тоололго 24:16

Би Бурханай айладахые дууланаб. Дээдэ Бурханай һанал мэдэнэб. Түгэс Хүсэтын үзэгдэлые харанаб. Хүтэлбэрилгэ доронь оронхойб, нюдэмни нээлтэтэй.

Лука 1:78

Бурхамнай гүн ехэ хайраараа огторгойһоо шараһан Гэгээн Наран мэтээр

Еврейнүүдтэ 1:8

Гэхэдэ Хүбүүн тухайгаа Бурхан: «Хан шэрээшни Бурханай шэрээ мэтэ, хэтэ мүнхэдөө оршохо. Хаанта баягшни – зүб шударга ёһын баяг.

Еврейнүүдтэ 7:14

Эзэн болбол Иудын обогой гэжэ һайн мэдээжэ. Санаартад тухай асуудал хүндэхэдөө, Моисей энэ обог тухай юушье хэлээгүй.

Пётрой 2-дохи хандалга 1:19

Тиимэһээ таанад лүндэншэдэй айладхаһан юумэнүүдтэ бүришье ехээр этигэжэ байгты. Үдэр мандаад, үглөөнэй толон зүрхэ сэдьхэлдэтнай бадарха үе саг болотор харанхы газарта аһажа байһан зуладал адли лүндэншэдэй үгэнүүдтэ анхаралаа хандуулбал, таанад зүб юумэ хэхэт.

Иудын хандалга 1:11

Тэдэнэр Хаяанай замаар ябана, Балаһаамда адли алта мүнгэндэ шунан, зониие буруудхана, Коорахта адли зүрюу зан гаргаад, хосорно. Тэдэнэр гай зоболон амсахал.

Гэршэлгэ 1:7

Хаража байгты: үүлэн соогуур Тэрэ ерэхэ. Бүхы хүнүүд, мүн жадаар хадхаашадшье Тэрээниие хараха. Газар дэлхэйн бүхы арадууд Тэрээниие шаналан хайрлаха. Үнэхөөрөө тиихэ. Болтогой!

Гэршэлгэ 11:15

Долоодохи Эльгээмэл бүреэгээ дуугаргаба. Тиихэдэнь тэнгэридэ иигэжэ шангаар дуугарха абяанууд дуулдаба: – Дэлхэйн засаг түрэ Эзэн Бурханаймнай, Тэрэнэй Табисууртын засаг түрэ болоо. Тэрэ засаг түрые Бурхан хэтэ мүнхэдөө барижа байха.

Гэршэлгэ 22:16

Иимэ гэршэлгые таанадта һүзэглэгшэдэй бүлгэмүүдэй дамжуулхынь тула Өөрынгөө Эльгээмэлые Би, Иисүүс, ябуулааб. Би Давидай Үндэһэ, Һалааниинь гээшэб. Би үүрэй ялагар одон гээшэб.

1 Хаан түрэнүүд 14:38

Саул: – Арад түмэнэй ахалагшад, таанад бүгэдэ дүтэлэгты. Хэн мүнөөдэр нүгэл хээб гэжэ шалгажа мэдэгты.