Тоололго 23:9 - Библи

⁹ Би байсын оройһоо тэрэниие шэртэнэб, би гүбээгэй оройһоо тэрэниие харанаб. Бусад арадуудтай тэдэ ниилэнгүй, бултадаа тэдэнэр аминдаа ажаһуунал.

Тоололго 23:9 Referencias Cruzadas

Эзраа 9:2

басагадаар һамга хэхэһээ гадна хүбүүдтээ һамга абхуулна, тиигэжэ нангин шуһамнай буса түрэлтэдтэй холисолдожо байна. Энэ хуули буса ябадалда аха захатан, нэрэтэй түрэтэйшүүл эхи табяа.

Эстээр 3:8

Энээнэй удаа Һамаан Ахашвероош хаанда орожо: – Манай улас түрын бүхы аймаг, бүхы үндэһэ яһатадай дунда таранхай нэгэл зүрюу һанаатай үндэһэтэн бии. Тэдэнэй хуули ёһонууд ондоо, тэдэ хаанай хуули зарлиг сахинагүй. Эзэн хаан, та тэдэниие хэһээнгүй миин бү орхиита.

Египедһээ гаралга 33:16

Угсаата арадтаа талархажа байһанайтнай гэршэ ямар бэ? Маанадтай ябаха гээшэтнайл болоно! Тиибэл, дэлхэйн ондоо арадуудһаа бидэниие үлүү тооһонойтнай гэршэ энэ мүн лэ даа.

Ерэмияа 46:28

Минии зараса Яков, бү ай, Би таанадтай байнам. Таанадые ондоо орон нютагаар тараагаа һэм, тэрэ нютагай үндэһэ яһатаниие хюдахаб. Таанадые үгы хэхэгүйб, гэбэшье хэһээлтэ амасуулхаб, үнэн зүбөөр хэрэг ябуулхаб! Энэ болбол Би, Эзэн, айладхана мүн!

Ерэмияа 49:31

Ерэжэ байна! Вавилоонойхид, хашалгүй, һанаа амар байгаа арад түмэндэ добтологты! Тэдэнэй хото ямаршье үүдэ үрхэгүй, суургагүй, ямаршье аршалалтагүй.

Амоос 9:9

Захиржа, Израилиие бүхы арадуудай дундуур сасахаб, һагшуураар һагшаһандал, нэгэшье шулуу үлөөнгүй һагшахаб.

Михей 7:14

Өөрынгөө арад түмэниие дахуулан ябыт, Эзэн! Өөрын уг залгамжалгын хуби зониие хони харюулдаг мэтээр очирто баягаараа харюулан байгыт! Тэдэ зон ой модон соо амяараа ажаһууна, теэд эртэ урда сагтал адляар, тэдэ үрэжэлтэ Башаан болон Галаадта ажаһууг лэ!

Коринфынхидтэ 2-дохи 6:17

«Тиимэһээ тэдэ һүзэггүй зоной оршолониие орхижо, тэдэ зонһоо холодогты. Бузар юумэндэ бү хүрэгты, тиигэбэл Би таанадые һайшаахаб.

Хуули дабталга 32:8

Дээдэ Бурхан газар дэлхэйе арадуудта хуби болгон хубаарилхадаа, хүн түрэлтэниие сасан тараахадаа, Израилиин улад зоной аша туһада арадуудай харьяата газарай хилэнүүдые табяа.

Хуули дабталга 33:28

Израиль аюулгүй амгалан ажаһууна, Яков орооһо таряагаар, жэмэсэй архяар баян, бороо хурын ородог газар дээрэ гансаараа хашалгүй ажаһууна.

Тидтэ 2:14

Христоос маанадые бузар муухай нүгэлнүүдһээмнай аршалан, мэдэлдэнь байдаг, үлзытэй хэрэгүүдые хэхэ гэжэ зүдхэдэг сэбэр арад болгохын тула Өөрыгөө бидэнэй түлөө үргөө.

Пётрой 1-дэхи хандалга 2:9

Тиихэдэ таанад шэлэгдэжэ абтаһан угсаатан гээшэт, Хаанай санаартад, нангин арад, Бурханай хүнүүд болонот, шэб харанхыһаа таанадые гайхалтай гэрэл туяадаа дуудаһан Бурханай агууехэ үйлэ хэрэгүүд тухай номнохоор шэлэгдэһэн хүнүүд гээшэт.