Тоололго 23:21 - Библи

²¹ Яковта тэрьедэлгэ харагданагүйл! Израильда гай тодхор болохогүйл! Тэдээнтэй хамтал Эзэн Бурхан! Тэдээнтэй хамтал Хаан гээд зар тунхагтай!

Тоололго 23:21 Referencias Cruzadas

2 Угай бэшэг 13:12

Харыт, маанадые ударидан, бидэнтэй хамта Бурхан байна, урдаһаатнай байлдаа эрхилһэнэй дохёо үгэдэг үхэр бүреэнүүдтэеэ хамта Бурханай санаартад бии. Израилиин улад зон! Элинсэг хулинсагайнгаа Эзэн Бурханай урдаһаа байлдаа бү үүдхэгты. Юуб гэбэл, амжалта туйлахагүйт.

Псалманууд 103:12

Тэдээн дээгүүр огторгойн шубууд байрлажа, мүшэрэй дунда дуулан жэргэнэ.

Псалманууд 118:15

Танай захиралтанууд тушаа бодомжолноб, харгы замуудыетнай харанаб.

Псалманууд 135:21

Газарыень Тэрэ эзэлүүлээ. Юуб гэбэл, энэрэл хайрань хэтэ мүнхын.

Псалманууд 23:4

Гэм зэмэ хээгүй, муу юумэ бодоогүй, бурханай дүрсэнүүдтэ мүргөөгүй, худал тангариг үргөөгүйл хүн!

Псалманууд 32:2

Ятагын ирагуу хүгжэмөөр Эзэндэ талархалаа үргэгты, арбан утаһан морин хуураар Тэрээндэ магтаал дуулагты.

Псалманууд 32:5

Тэрэ зүб болон шударга байдалда дуратай, дэлхэй энэрэл хайраарнь дүүрэнхэйл.

Псалманууд 46:7

Бурханда магтаал үргэгты, магтаал үргэгты! Хаандамнай магтаал үргэгты, магтаал үргэгты!

Псалманууд 97:1

[Псалма.] Эзэндэ шэнэ дуу дуулагты, юуб гэбэл, Тэрэ гайхамшаг хэрэгүүдые хээ. Баруун гарынь, арюун шандааһаниинь илалта Тэрээндэ туйлуулаа.

Псалманууд 99:2

Эзэндэ баяртай алба хыт, Тэрээнэй урда хүхилдэн ерэгты!

Египедһээ гаралга 13:21

Эзэн Өөрөө тэдэнэй урда ябаа: үдэр, һүнигүй ябахынь тула үдэртөө зам заажа, үүлэн бахана мэтэ, һүниндөө зам гэрэлтүүлжэ, гал бахана мэтэ.

Египедһээ гаралга 3:12

– Би шамтай суг хажуудаш байхаб. Минии шамайе эльгээһэнэй дүлгэ тэмдэг иигэжэ тудаха: Египедһээ арадыем гаргаһанайш хойно энэ хада дээрэ Бурханда зальбаран, ёһолол бүтээхэ сагтнай ерэхэ, – гэжэ Бурхан харюусаба.

Египедһээ гаралга 34:9

дуугарба: – Эзэн минии! Танай урда таарамжатай байбални, мантай ябалсыт, Эзэн минии! Энэ арад угсаатан үсэд хүжүүн, тиигэбэшье манай нүгэл болон гэмтэ хазагай ябадалые хүлисыт даа! Маанадые Өөрын үбэ эзэмшэл болгыт!

Исай 1:18

Эзэн иигэжэ айладхана: «Эбээрээ хэлсэе. Таанадай улайтараа нүгэлөөр бузарлагдаһаншье һаатнай, Би саһан мэтэ сагаан болотортнай угааха бэлэйб. Хүрин улаан болотороо нүгэлдэ баригдаһаншье һаатнай, сагаан нооһон мэтэ болотортнай угаан сэбэрлэхэ һэм.

Исай 12:6

Сионой ажаһуугшад, баясагты, шангаар дуулагты! Израилиин арюун Бурхан танай дунда агууехэ!»

Исай 33:21

Тэндэ бидэнтэй хамта агууехэ Эзэн заларха, тэрэ газарта урасхалнууд, үргэн гол мүрэнүүд байха, гэбэшье тэндэ уһа һэлигшэдтэй онгосонууд тамаран ерэхэгүй, мантан уһанай онгосо тиишээ тамаран орожо шадахагүй.

Исай 33:22

Эзэн манай Удамарша, манай Шүүгшэ, манай Хаан! Тэрэ бидэниие абарха!

Исай 38:17

Би өөрын жаргалай түлөө ехэ зоболон амасааб. Та намайе бүхы аюулһаа абарнат, нүгэлыем хүлисэнэт.

Исай 41:10

Бү айгты, Би таанадтаяа хамтаб! Би таанадай Бурхамби, тиимэһээ бү һанаагаа зобогты! Би таанадые хүсэтэй болгожо, туһалхаб! Таанадые хамгаалжа, абархаб!

Исай 8:10

Байлдаа яажа ябуулхаяа түсэблэгты! Гэбэшье тэдэ түсэбүүдтнай бүтэхэгүй. Захиралта үгэнүүдые сэрэгтэ хэлэгты! Гэбэшье эдэ бүгэдэ ямаршье туһагүй, юуб гэхэдэ, Бурхан бидэнтэй хамта!

Ерэмияа 50:20

Тэрэ үе сагта Израильда ямаршье нүгэл, Иудын хан түрэдэ ямаршье гэм буруу олдохогүй. Юуб гэхэдэ, амиды мэндэ үлөөһэн зониие Би хүлисэхэб. Энэ болбол Би, Эзэн, айладхана мүн!

Эзэкээл 48:35

Бүхыдөө хотын хана арбан найман мянган тохой ута байха. Хото болбол «Эзэн эндэ бии!» гэдэг шэнэ нэрэтэй болохо юм.

Ёһээл 2:27

Иигэжэ таанад Намайе Израилиин дунда байхыем харахат, таанадай гансахан Бурхан, Эзэн мүн гэжэ ойлгохот.

Левит 9:24

Гэнтэ Эзэнһээ гал ялабхин бадараад, үргэлэй шэрээ дээрэ байгша түгэс шатаалта үргэл ба өөхэ шатаажархиба, энээнииень арад зон хараад, баярлаһандаа хашхаралдан, уруугаа харан унаба.

Тоололго 14:18

«Тэсэбэритэй, үршөөл хайраяа заяадаг Би, Эзэн, хуули эбдэгшэдые, гэм хэгшэдые хүлисэдэгби. Гэбэшье хэһэн зэмэтэ ябадалайнь түлөө хүүгэдынь, ашанарынь, гушанарыньшье хэһээгдэхэ».

Тоололго 14:19

Египедһээ энэ хүрэтэр ерэтэрнь тэдэниие хүлисэдэгтэл адляар энэ арадтаа агууехэ үршөөл хайраяа үзүүлэн, эдэнэй хэһэн нүгэлые хүлисыт!

Тоололго 16:3

Тэдэнэр булта Моисей Аһароон хоёрто ерээд, иигэжэ хэлэбэд: – Болигты бидэндэ һургаал заабари хэлэхэеэ! Бидэнэр булта нангин бүлгэм гээшэбди! Маанадай дунда Эзэн байна! Таанад Эзэнэй арадһаа юугээрээ үлүү дээрэ болошоо юмта?

Тоололго 9:22

Хэрбэеэ майхан һүмэ дээрэ тэрэ үүлэнэй хэдэн үдэр гү, али нэгэ һарашье тогтоо һаань, израильшууд тэрэ үүлэнэй тамаран саашаа ошохыень хүлеэжэ, тогтон байрлаһан газартаа байна. Гэбэшье тэрэ үүлэнэй дэгдэн саашаа тамархадань, аян замаа үргэлжэлүүлхэ гэжэ тэдэнэр, майхануудаа хуряагаад, тогтон байрлаһан газарһаа ябанад.

Матвей 1:23

«Басаган хээлитэй болоод, хүбүү түрэхэ, Тэрээниие Эммануил гэжэ нэрлэхэ», энэ нэрэнь Бурхан бидэнтэй хамта гэһэн удхатай.

Римэйхиндэ 6:14

Нүгэл танай ажамидаралые захирха ёһогүй. Таанад Хууляар бэшэ, харин Бурханай үршөөл хайраар ажамидарна ха юмта.

Римэйхиндэ 8:1

Иисүүс Христоостой нэгэдэн һууһан хүнүүд мүнөө зэмэлэгдэхэгүй.

Коринфынхидтэ 2-дохи 2:14

Христоостой хамтарһан маанадые илалтада хүргэжэ байдаг Бурханда баяр баясхалан хүргэнэб. Бурхан баһал Христоос тухай мэдээе хангалтай хоншуу үнэртэл адляар хаа хаанагүй маанадаар дамжуулан тараадаг.

Коринфынхидтэ 2-дохи 5:19

Бурхан Христоос соо оршожо, энэ дэлхэйн зонтой эбээ нэгэдхээ, нүгэлнүүдыень хүлисөө. Тиигээд эб нэгэдхэхэ тухай мэдээсэлээ маанадта даалгаа.

Коринфынхидтэ 2-дохи 6:16

Яажа Бурханай Һүмэ онгонуудта хамаатай байхаб? Бидэл амиды Бурханай Һүмэ гээшэбди. Бурхан Өөрөө иигэжэ хэлээ: «Өөрынгөө хүнүүдэй дунда Би гэр бодхоохоб, тиигээд тэдэнэйнгээ дунда оршожо байхаб, тэдэнэйнгээ Бурханиинь байхаб, харин тэдэнэр Минии арад болохо».

Хуули дабталга 31:23

Удаань Эзэн Нүүнэй хүбүүн Иисүүстэ захирба: – Хатуу шанга, эрэлхэг зоригтой бай, юуб гэхэдэ, Израилиин арад түмэниие Минии тангариглан найдуулһан газарта хүтэлэн абаашахаш. Би шамтай суг байхаб.

Хуули дабталга 32:5

Тэрэнэй арад зон гэжэ нэрлүүлхэ һэшхэлтнай хаанаб? Нүгэл шэбэлтнай угаа ехэ, таанад – мэхэшэд ба хара худалшад гээшэт!

Хуули дабталга 33:5

Израилиин удамаршадай, обогуудай хамта суглараад байха үедэ Хаан Ешүрүүнэй толгойлогшо болоо.

Хуули дабталга 9:24

Таанадые мэдэхэ болоһон сагһаам хойшо Эзэндэ һөөргэдэн байнат.

Ударидагшад 6:13

Гидоон тэрээндэ иигэжэ хэлэбэ: – Хүлисэгты, минии Эзэн. Хэрбэеэ бидэнтэй Эзэнэй байгаа болбол, юундэ бидэнэр ходол гай тодхорто оронобибди? «Эзэн бидэниие Египедһээ гаргаа» гэжэ бидэнэй үбгэ эсэгэнэрэй хөөрэлдэдэг Тэрэнэй эди шэдинүүдынь хаанаб? Мүнөө Эзэн бидэниие орхижо, мидиануудай гарта үгөөл!

1 Хаан түрэнүүд 25:28

Шэбэгшынгээ гэм зэмые хүлисыт. Эзэн заабол минии эзэнэй уг удам шанга болгохо, юуб гэхэдэ, минии эзэн Эзэнэй дайн дажарые ябуулна. Мүндэлһэн сагһаа эхилжэ, та муу юумэ хээгүйт, хэхэшьегүйт!