Тоололго 23:19 - Библи

¹⁹ худал зүйл хэлэжэ байха хүн бэшэл Бурхан. Ушар болоод лэ һанаһанаа хубилгаха, уладай хүбүүн бэшэл Тэрэ. Айладаһан зарлигаа хубилгаха юм аал Тэрэ? Найдуулһанаа хубилгахагүйл Тэрэ. Айладаанаал Тэрэ айладаха, айладажа найдуулагшаяа Тэрэ бүтээхэл.

Тоололго 23:19 Referencias Cruzadas

Эхин 26:3

Гэбэшье мүнөө нэгэ хэдыхэн саг эндээ бай. Би шамай хододоо анхаржа, үршөөн үреэжэ байхаб. Ажаһуугааша энэ бүхы орон газарыеш хойшонхи шинии үри һадаһадта үгэнэб. Урдань шинии эсэгэ Абраһаамые найдуулжа үргэһэн тангаригаа бэелүүлхэб.

Эхин 28:15

Хаанашье ябаа һааш, Би шамтай суг ябажа, аршалхаб. Энэ орон нютаг руу дахин асархаб. Айладхаһанаа бэелүүлтэрээ Би шамайе орхихогүйб.

3 Хаан түрэнүүд 14:11

Еробоһаамай гэр бүлын хэн нэгэнэй хото дотор наһа барабал, тэрэниие нохойнууд таһа татан эдихэ, хээрэ хэн нэгэнэйнь үхэбэл, огторгойн жэгүүртэн тэрэниие тоншожо эдихэ. Юуб гэбэл, иигэжэ Би, Эзэн, айладаа мүн!»

4 Хаан түрэнүүд 15:12

Еһүүгээр дамжуулжа арад зондо тунхаглаһан Эзэнэй айладажа: «Шинии уг гарбал дүрбэдэхи үе хүрэтэр, хүбүүн, аша, гуша, дүшэнэр Израилиин хан шэрээдэ һууха», – гэжэ хэлэһэн үгэ бэелүүлэгдэбэ.

4 Хаан түрэнүүд 7:2

Бэеынь хамгаалагшадай дарга хааниие гарһаань дүнгөөд, үдэшэжэ ябахадаа: – Тэнгэриин хаабариие Эзэнэй нээгээшье хада, шинии айладхал бэелүүлэгдэхэгүй! – гэжэ Бурханай хүндэ хэлэбэ. – Ши хоёр нюдөөрөө харахаш, зүгөөр ши тэрээнһээ ама хүрэхэгүйш! – гэжэ Элишаа тэрээндэ хэлэбэ.

1 Угай бэшэг 17:17

Бурхан, энэшье Танда бага шэнгеэр һанагдаал! Өөрынгөө богоолой уг удамай ерээдүй тушаа үшөө айладхаат. Минии агууехэ хүн байһандал Та намайе анхарнат, Эзэн Бурхамни!

Псалманууд 110:4

Тэрэ гайхамшагта хэрэгүүдээ дурдуулдаг болгоо, ח Хээт Эзэн хадаа нигүүлэсхы ба үршөөлтэй мүн. ט Тээт

Псалманууд 77:9

Эпрааимай хүбүүд һурша номоор зэбсэгжэһэн харбаашад бэлэй, гэбэшье тэдэшье байлдаанай үдэр тэрьедэхэ баатай болоо һэн.

Исай 21:17

Кэдаарай баатар харбаашадһаа үсөөхэниинь лэ амиды үлэхэ». Иигэжэ Израилиин Эзэн Бурхан айладаа юм.

Исай 31:2

Эзэн Бурхан сэсэн мэргэн ухаатай! Гай тодхор Тэрэ татаха. Нүгэл хэгшэдые, мүн тэдээндэ туһалагшадые хэһээхэ гэжэ шиидээл хадаа Тэрэ хэһээхэ, үгэеэ һөөргэнь абахагүй.

Исай 40:8

Зүб даа, үбһэ ногоон хатана, сэсэг хагдарна, харин манай Бурханай үгэ хэтэ мүнхэдөө оршон байха!»

Исай 46:11

Зүүн зүгһөө хүниие дуудахадам, тэрэ мяхаша шубуундал добтолон орохо. Түсэблэһэнөө Би заабол гүйсэдхэхэб. Айладхаһанаа заабол дүүргэхэб!

Исай 55:11

Минии айладаһан үгэ Намдаа һөөргөө бусадаггүй, һанаһан юумыемни бүтээдэг, Минии эльгээһэн зорилгонуудые дүүргэдэг.

Ерэмияа 4:28

Хосорһон зонойнгоо хойноһоо улад гашуудан уйлаха, огторгой гүн харанхы болохо. Би айладхааб, Би шиидээб, хожом тэрээн тушаа гэмшэхэгүйб, һөөргөө эрьежэ байхагүйб!

Даниил 4:28

Дууһан хэлэжэ үрдеэдүй байтарнь тэнгэриһээ иимэ абяан дуулдаба: – Навуходоносор хаан, шагныш! Хан түрэшни шинии бэшэ болобо.

Һошээ 11:9

Уур сухал дундаа иимэ юумэ хэхэгүйб, Израилиин арад түмэниие усадхахагүйб, юуб гэбэл, Би хүн бэшэ, таанадай дунда арюун Бурхан гээшэб! Би хото руу орохогүйб!

Михей 7:20

Эртэ урда сагта манай элинсэг хулинсагта тангариглан найдуулһанаа бэелүүлжэ, Яковай болон Абраһаамай үри һадаһадта – Өөрын арад зондо Та үнэн сэхэеэ, үршөөл хайраяа бэлэглэхэт.

Аввакуум 2:3

Тогтоогдоһон саг тушаа үзэгдэл юм. Теэд тэрэнэй удаараашье һаань, хүлеэгөөрэй, заабол бэелдэхэ. Тэрэ болюулагдахагүй, заабол ерэхэ.

Малаахи 3:6

«Юуб гэхэдэ, хубилдаггүй Эзэнби, тиимэһээ Яковай хүбүүд һүнэхэгүй.

Тоололго 14:35

Би, Эзэн, айладажа байнаб, Минии урдаһаа эсэргүүсэн бодогшо энэ муухай бүлэг зониие иигэжэ заабол хэһээхэб. Энэ сүл губида тэдэ хосорхо, тэндэ үхэхэ.

Тоололго 23:18

Балаһаам өөрынгөө һургаал үгүүлэлые дуугаран иигэжэ хэлэбэ: – Хүл дээрээ зогсо, Балаак, ханамжатайгаар шагна, Циппоорой хүбүүн,

Лука 21:33

Огторгой тэнгэри, газар дэлхэйшье һүнэн һалаха, харин Минии хэлэһэн үгэнүүд мүнхэ оршохо.

Римэйхиндэ 11:29

Ушарынь юуб гэбэл, Бурхан шэлэжэ абаһан, буян хэшэгтээ хүртөөһэн хүнүүд тухайгаа һаналаа хубилгадаггүй.

Римэйхиндэ 9:6

Бурхан амалһан юумэеэ дүүргээгүй гэжэ хэлэхын аргагүй. Һүүлэй һүүлдэ Израилиин арад зон бултадаа Бурханай бодото хүнүүд бэшэ.

Тимофейдэ 2-дохи 2:13

Амалһан юумэеэ дүүргэдэггүй байхадамнай, Тэрэ айладхаһан лэ юумэеэ ходо дүүргэдэг, ушарынь тайлбарилжа хэлэбэл, Тэрэ Өөрыгөө хубилгаха аргагүй юм».

Еврейнүүдтэ 6:18

Бурханай худалаар хэлэжэ болохогүй, хубилдаггүй хоёр юумэн бии. Тиимэһээ бидэ урдамнай оршожо байһан найдуулга хатуугаар адхаад, ехэтэ урмашажа, Бурхантай хамтархадаа хоргодохо газар олобобди.

Еврейнүүдтэ 7:21

Харин Иисүүс болбол Бурханай Тэрээндэ үгэһэн тангаригай ёһоор санаарта болоо: «Эзэн „Ши хэтын хэтэдэ санаарта байхаш“ гээд тангариглаа, тиин айладхаһан үгөө бусаажа абахагүй».

Яковай хандалга 1:17

Бүхы үлзытэй, эгээн эрхим бэлэгүүд дээрэһээ, тэнгэриин одо мүшэдые, нара һарые бүтээһэн, хэзээдэшье хубилдаггүй, тэдэ ододто адли һүүдэр хэзээшье татадаггүй Бурханһаа үгтэдэг.

Яковай хандалга 4:5

«Зосоомнай оршоһон һүлдын үнэн сэхэ байхые Бурхан хүсэнэ», – гэжэ Нангин Бэшэг соо дэмы хэлэгдээгүй юм.

Нүүнэй Иисүүс 21:45

Израилиин гэртэ Эзэнэй хэлэһэн бүхы һайн үгэнүүдһээ нэгэшье үгэ дүүргэгдөөгүй үлөөгүй, хамаг юумэн хүсэлдөө.

1 Хаан түрэнүүд 15:29

Юрэдөө, Израилиин Мүнхэ Бурхан айладхаһан үгэеэ эбдэдэггүй, хэһэн хэрэг тухайгаа гэмшэдэггүй. Юуб гэхэдэ, Тэрэ хүнтэй адли бэшэ, гэмшэхэ бэшэ, – гэбэ.

1 Хаан түрэнүүд 3:12

Тэрэ үдэр Би Элиин гэр бүлэ тухай Өөрынгөө хэлэһэн юумые бултыень эхинһээнь эсэс хүрэтэр гүйсэдхэхэб.