Тоололго 23:13 - Библи

¹³ Балаак Балаһаамые иигэжэ гуйба: – Ошолсо намтай ондоо газарта, ши тэдэниие бултыень харахагүйш, зоной хубииень лэ тэндэһээ харахаш. Тиигээшье һаа, намда тэдэниие тарнидажа үгэ.

Тоололго 23:13 Referencias Cruzadas

3 Хаан түрэнүүд 20:23

Араамай хаанай түшэмэлнүүд хаандаа иигэжэ хэлэбэ: – Израилиин бурхад хадаа хада уулын бурхад, тиимэһээ тэдэ маанадые диилээ. Харин тала газарта тэдэнтэй тулалдаа һаа, заабол диилэхэбди.

3 Хаан түрэнүүд 20:28

Бурханай хүн Израилиин хаанда дүтэлжэ, иигэжэ хэлэбэ: – Эзэн иигэжэ айладана: «Намайе тала газарай бэшэ, хада уулын бурхан гэжэ араамшуудай хэлэһэндэнь Би шамда илалта үршөөхэб, ши иимэ ехэ сэрэг диилэхэш. Таанад Намайе Эзэн гээд ойлгохот».

Михей 6:5

Минии арад түмэн! Моһаабай хаан Балаагай юу хэхэеэ түсэблэжэ байһые, Бэһоорой хүбүүн Балаһаамай тэрээндэ юун гэжэ харюусаһые, Шиттиимһээ Гилгаал хүрэтэр юун боложо байһые һаныш даа. Минии зүб хэрэгүүдые ойлгохын тула эдэ бүгэдые һана!»

Тоололго 22:41

Үглөө үглөөгүүрынь Балаак Балаһаамые дахуулаад, Бамоот-Бааһалда асарба. Тэндэһээ Балаһаам израильшуудай хотон хүреэнэй багахан хубиие обёорон хараба.

Тоололго 22:6

Түргөөр ерэ намда, энэ арадые хараалай муу хараалаар тарнида. Ушар юуб гэхэдэ, энэ арад намһаа хүсэтэй. Хараалай муу хараалаар тарнидабалшни, би тэдэниие үгы хэхэ шадал оложо магад, энэ газарһаа үлдэжэ болохоб. Хэниие ши үреэнэш, тэрээндэ һайн, хэниие ши хараанаш, тэрээндэ муу байдаг гэжэ би мэдэнэб.

Тоололго 23:12

Балаһаам Балаагта: – Эзэнэй айладаһан үгэдэ этигэнэгүй гүш ши минии хэлэхэдэ?! – гэжэ харюусаа һэн.

Тоололго 23:14

Балаак тэрэниие дахуулаад, Пиисгаа хадын оройдохи харуулай газарта абаашаад, тахилай долоон шэрээ барюулба. Үргэлэй шэрээ бүхэндэ нэгэ эрэ тугал, нэгэ эрэ хони асаруулба.

Нүүнэй Иисүүс 24:9

Моһаабай хаан, Циппоорой хүбүүн Балаак буһалгаатаад, Израилиин урдаһаа дайгаар ошоо. Тиигээд Бэһоорой хүбүүн Балаһаамые эльгээжэ, таанарта хараал хүртөөхыень уряалаа.