Тоололго 22:5 - Библи

⁵ Тэрэ Евфрат мүрэнэй эрье дээрэхи Пэтоор хотодо ажаһуудаг Бэһоорой хүбүүн Балаһаамда, тэндэхи арадта иимэ захяатайгаар элшэн сайдаа эльгээбэ: – Энэ арад Египедһээ ерэжэ, эндэхи бүхы газар дайдыемни бүрхөөбэ. Энэ арад минии хотон хүреэнүүдэй хажууда хотон хүреэнүүдээ табибад.

Тоололго 22:5 Referencias Cruzadas

Эхин 13:16

Шинии үри һадаһадые элһэн мэтэ олон болгохоб. Сүл губиин элһэ тоолохын аргагүй мэтэ шинии үри һадаһад тоогүй олон болохо.

Псалманууд 105:24

Тэдэ хүсэмөөр һайхан газарые буруушааба, үгэдэнь этигэбэгүй.

Египедһээ гаралга 10:15

Газарай нюруу огто харагдахаяа болибо. Таршаа шумуул дайдын бүхы ногоо, бүхы модо жэмэс эдижэ һалгааба. Египет орондо ногоо набша гэхэ юумэн үгы болобо.

Михей 6:5

Минии арад түмэн! Моһаабай хаан Балаагай юу хэхэеэ түсэблэжэ байһые, Бэһоорой хүбүүн Балаһаамай тэрээндэ юун гэжэ харюусаһые, Шиттиимһээ Гилгаал хүрэтэр юун боложо байһые һаныш даа. Минии зүб хэрэгүүдые ойлгохын тула эдэ бүгэдые һана!»

Тоололго 23:7

Балаһаам Балаагта иимэ өөрын һургаал үгүүлэлые дуугаран хэлэбэ: – Моһаабай хаан Балаак, алас дурнын хадануудһаа, Араамһаа намайе эндэ асараад, аргагүй ехээр иигэжэ бааланал: Ерээд эндэ Яковые тарнидажа үгэ, ерээд эндэ Израильда муу юумэ айлада!

Тоололго 31:8

Тэдэнэй дунда мидиануудай табан хаашуул Эвии, Рээкэм, Хуур, Цуур болон Рээба гэгшэд алуулба. Мүн баһа эритэ һэлмээр сабшуулжа, Бэһоорой хүбүүн Балаһаам алуулба.

Хуули дабталга 23:4

Юуб гэхэдэ, таанадай Египедһээ гараад ябаха үедэ тэдэнэр хара уһа, хилээмэ таанадһаа харамнаа бэлэй. Үшөө таанадта хараал шэнгээхыень Месопотамиин Пэтоор хотын Бэһоорой хүбүүн Балаһаамые тэдэнэр хүлһэлөө һэн.

Хуули дабталга 23:5

Теэд Эзэн Бурхантнай Балаһаамай үгэ дуулаагүй, тэрэнэй хараалые танда үреэл болгон хубилгаа, юундэб гэхэдэ, Эзэн Бурхантнай танда дуратай.

Нүүнэй Иисүүс 13:22

Баһал Израилиин хүбүүдэй һэлмээр алаһан мэдэлшэ Бэһоорой хүбүүн Балаһаамай газар хилэ байгаа.

Нүүнэй Иисүүс 24:9

Моһаабай хаан, Циппоорой хүбүүн Балаак буһалгаатаад, Израилиин урдаһаа дайгаар ошоо. Тиигээд Бэһоорой хүбүүн Балаһаамые эльгээжэ, таанарта хараал хүртөөхыень уряалаа.

Иудын хандалга 1:11

Тэдэнэр Хаяанай замаар ябана, Балаһаамда адли алта мүнгэндэ шунан, зониие буруудхана, Коорахта адли зүрюу зан гаргаад, хосорно. Тэдэнэр гай зоболон амсахал.

Гэршэлгэ 2:14

Теэд таанадые зэмэлхэ зарим юумэн Намда бии: Балаһаамай һургаалые баримталагша хүнүүд таанарай дунда байдаг. Балаһаам хадаа Израилиин зониие нүгэл шэбэлдэ оруулха, хуурмаг бурхануудта үргэһэн эдеэнһээ амсуулха, зальхай һамуу ябадалтай болгохо тухай Балаак хааниие һургаа һэн.