Тоололго 22:32 - Библи

³² Эзэнэй Эльгээмэл тэрээндэ: – Ши юунэй түлөө гурба дахин элжэгэеэ сохибош? Шамда һаалта хэхэ гэжэ Би харгы замыешни хаагааб. Юундэб гэхэдэ, шинии хэрэг Намда һайшаагданагүй.

Тоололго 22:32 Referencias Cruzadas

Псалманууд 145:9

Эзэн ерүүл зониие аршалдаг, үншэн хэнзэдэ, бэлбэһэн эхэнэртэ туһалдаг, харин хорото муу зониие төөрюулдэг.

Псалманууд 147:9

Тэрэ ондоо ямаршье үндэһэтэдтэ иимэ юумэ хээгүй, тэдэ тогтоолнуудыеньшье мэдэхэгүй. Эзэниие магтагты!

Псалманууд 36:6

Тэрэ шинии зүб шударгые гэрэл мэтээр, шударга хэрэгыеш үдын гэрэл мэтээр элирхэй болгохол. ד Даалэт

Һургаал 14:2

Зүб ябадалта хүн Эзэнһээ бэшэрдэг хүн сэхэ харгытай, Тэрэниие тоодоггүй хүн замһаа хадуурна.

Һургаал 16:2

Хүнэй хамаг зам өөрынь нюдэндэ зүб үзэгдэдэгшье һаа, Эзэн хүнэй сэдьхэл бодол туршадаг.

Һургаал 28:18

Гэм нүгэлгүй хүн абарагдаха болоно. Харин буруу харгыгаар ябадаг хүн нэгэтэ унажа магадгүй.

Һургаал 28:6

Худал харгытай баянһаа үнэн шударга үгытэйнь дээрэ.

Иона 4:11

Зүүн, баруунаашье, зүб, буруугаашье мэдэхэгүй зуун хори мянга гаран зонтой агууехэ хото Нинэвээе, олон үхэр малые Намһаа бэшэ хэн хайрлаха байгааб?!

Михей 6:5

Минии арад түмэн! Моһаабай хаан Балаагай юу хэхэеэ түсэблэжэ байһые, Бэһоорой хүбүүн Балаһаамай тэрээндэ юун гэжэ харюусаһые, Шиттиимһээ Гилгаал хүрэтэр юун боложо байһые һаныш даа. Минии зүб хэрэгүүдые ойлгохын тула эдэ бүгэдые һана!»

Тоололго 22:20

Һүни Бурхан Балаһаамда үзэгдөөд, иигэжэ айладаба: – Эдэ хүнүүдэй дахин шамайе гуйжа абаашаха гээ һаань, тэдээнтэй хамта ошолсо. Гэбэшье Минии шамда айладаашаар юумэ хээрэй.

Тоололго 22:22

Балаһаамай тэдээнтэй ошоходонь, Бурхан сухалдажа, Эльгээмэлээ тэрээндэ эльгээбэ. Тэрэ Эльгээмэл Балаһаамай харгыень хаажа, сэхэ урдань зогсобо. Балаһаам өөрынгөө элжэгэн дээрэ һуунхай, тэрээнтэй суг хамта хоёр зарасань ябалсана.

Тоололго 22:28

Эзэн элжэгэнэйнь амые нээжэ, Балаһаамда хүнэй хэлээр иигэжэ хэлүүлбэ: – Шамда ямар муу юумэ би хээбиб? Ши намайе юундэ гурба дахин сохибош?

Тоололго 22:33

Элжэгэншни Намайе хараад, Намһаа тэрьедэжэ, харгыһаа гурба дахин хадуураал! Хэрбэеэ Намһаа тэрэнэйш тэхэреэгүй һаа, шамайе Би алаха байгааб. Харин элжэгые амиды үлөөхэ байгааб! – гэжэ айладаба.

Тоололго 22:35

Эзэнэй Эльгээмэл Балаһаамда: – Ши эдэнэртэй суг хамта ошолдо. Болгоомжолжо ябахые оролдо. Би шамда юун гэжэ айладанабиб, эгээл тэрэниием эдээндэ хэлэхэш, – гэжэ айладаба. Балаһаам Балаагай эльгээһэн тайжануудтай суг хамта харгы замаа үргэлжэлүүлэн, саашаа ошобо.

Хэрэгүүд 13:10

– Ши, худал хуурмагай бэелэл, шолмосой хүбүүн, али бүхы үнэн юумэнэй дайсан! Эзэнэй арюун сэхэ замые саашадаашье хазагайруулжа ябахаб гэжэ һанана гүш?

Хуули дабталга 23:4

Юуб гэхэдэ, таанадай Египедһээ гараад ябаха үедэ тэдэнэр хара уһа, хилээмэ таанадһаа харамнаа бэлэй. Үшөө таанадта хараал шэнгээхыень Месопотамиин Пэтоор хотын Бэһоорой хүбүүн Балаһаамые тэдэнэр хүлһэлөө һэн.

Хуули дабталга 25:4

Таряа тээрмэдэжэ байһан сарай эдихэдэнь, һаалта бү хэ.