Тоололго 22:22 - Библи

²² Балаһаамай тэдээнтэй ошоходонь, Бурхан сухалдажа, Эльгээмэлээ тэрээндэ эльгээбэ. Тэрэ Эльгээмэл Балаһаамай харгыень хаажа, сэхэ урдань зогсобо. Балаһаам өөрынгөө элжэгэн дээрэ һуунхай, тэрээнтэй суг хамта хоёр зарасань ябалсана.

Тоололго 22:22 Referencias Cruzadas

4 Хаан түрэнүүд 10:20

Еһүү арад зондо хандажа: – Баалай һайндэрэй нангин суглаа үнгэргэхые зарлагты! – гэжэ захирба. Энээн тухай соносхогдобо.

Египедһээ гаралга 23:20

Харагтыл даа, Би танай урда Эльгээмэлээ эльгээхэм. Тэрэ таанадые замдатнай һахижа, Минии бэлдэһэн газарта абаашаха.

Египедһээ гаралга 4:24

Харгыдаа хоножо байхадань, Эзэн ерэжэ, Моисейн ами хороохо һэдэлгэ хэбэ.

Гашуудал 2:4

Эзэн дайсандал һурша номоо татаа, дайсан мэтэ, һэлмэ гартаа баряа, нюдэндэ таатай бүхы юумэ усадхаа! Тэрэ Сионой басаганай майхан руу уур хилэнгээ гал дүлэн мэтэ адхаа!

Һошээ 1:4

Эзэн Һошээдэ хандан: – Тэрээндэ Езрээл гэжэ нэрэ үгэ. Юуб гэхэдэ, Езрээлдэ Еһүү хаанай хэһэн алалга-хюдалгын түлөө Би өөрынь үринэрые удахагүй үгы хэхэб!

Тоололго 22:23

Тэрэнэй элжэгэн хуйһаа һугалжа һэлмэеэ гартаа баряад, сэхэ урдань зогсоһон Эзэнэй Эльгээмэлые хараад, харгыһаа хажуу тээшээ гараба. Балаһаам элжэгэеэ сохижо, харгыда дахин оруулба. Тиигээд Эльгээмэл үзэм жэмэстэ модонуудай хоорондуур үнгэрөөд, хоёр талаһаа эгсэ ханатай, хажуу тээшээ гарахын аргагүй хадын харгын наридхада хүрэжэ ерэбэ.

Тоололго 22:32

Эзэнэй Эльгээмэл тэрээндэ: – Ши юунэй түлөө гурба дахин элжэгэеэ сохибош? Шамда һаалта хэхэ гэжэ Би харгы замыешни хаагааб. Юундэб гэхэдэ, шинии хэрэг Намда һайшаагданагүй.

Тоололго 22:35

Эзэнэй Эльгээмэл Балаһаамда: – Ши эдэнэртэй суг хамта ошолдо. Болгоомжолжо ябахые оролдо. Би шамда юун гэжэ айладанабиб, эгээл тэрэниием эдээндэ хэлэхэш, – гэжэ айладаба. Балаһаам Балаагай эльгээһэн тайжануудтай суг хамта харгы замаа үргэлжэлүүлэн, саашаа ошобо.