Тоололго 21:8 - Библи

⁸ Эзэн Моисейдэ иигэжэ айладаба: – Толотомо могой өөртөө бүтээгээд, тэрэнээ тугайнгаа эшэ дээрэ тодхо. Хэн нэгые могойн хадхабал, хадхуулагша тэрэ хүн һүр тэмдэг харахадаа, хосоронгүй, амиды үлэхэ.

Тоололго 21:8 Referencias Cruzadas

4 Хаан түрэнүүд 18:4

Тэрэ обоонуудай тахилган болюулба, нангинаар шүтэдэг шулуунуудые буталба, Ашэраагай модон сэргэнүүдые таһар сабшан унагааба, Моисейн бүтээһэн зэд могойе үгы хэбэ. Израильшууд тэрэ үдэр болотор могойн урда үргэлнүүдые шатаадаг, тэрэнээ Нэхуштаан гэжэ нэрэлдэг байгаа.

Псалманууд 145:8

Эзэн һохор зондо хараа үршөөдэг, Эзэн һэхэрэн бүхыгшэдые бодхоодог, Эзэн зүб шударга зондо дурладаг.

Исай 14:29

Пилишт орон нютагай улад зон, таанадые сохижо байһан ташуур хухараа гэжэ бү баярлагты. Юуб гэхэдэ, нэгэ могойн үхэхэдэ, үшөө ехэ хорото могой орондонь ерэдэг гээшэл. Тэрэнэй үндэгэнһөө ниидэдэг гал могой гарахал.

Исай 30:6

Урда зүгэй элһэн сүл губиин амитад тушаа Эзэнэй буулгаһан айладхал энэ: Арсаланай, хорото могойн, луугай һуурижаһан аймшагтай орон нютагаар элшэнэр аяншална. Элжэгэдтээ, тэмээнүүдтээ хүндэ ашаа тээн, тэдэ ондоо арад зондо бэлэг-сэлэг абаашахаяа һэдэнэ. Теэд тэрэ арад өөһэдтэнь ямаршье туһа хүргэхэгүй.

Исай 45:22

Дэлхэйн бүхы зон, Нам руу эрьежэ абарагдагты! Би болбол ори ганса Бурхан гээшэб!

Иоанн 3:14

Моисей сүл губяар ябахадаа, зэдээр бүтээһэн могой өөдэнь үргөө юм, тэрээндэл адляар Хүн түрэлхитэнэй Хүбүүн өөдөө үргэгдэхэ ёһотой.