Тоололго 20:17 - Библи

¹⁷ Танай газар дээгүүр бидэнэй ошохые бидэндэ зүбшөөгыт. Танай таряалан дээгүүр, үзэмэй сэсэрлиг соогууртнай ошохогүйбди, танай худагуудһаа уһа уухагүйбди. Танай орон нютаг үнгэртэрөө зүүлжээшье, баруулжаашье хадуурхагүйбди. Танай хан түрын гол харгыгаар ошохобди.

Тоололго 20:17 Referencias Cruzadas

2 Угай бэшэг 20:10

Мүнөө хадаа Аммооной, Моһаабай болон Сэһиирэй хадаар ажаһуудаг сэрэгүүд маанадта добтолон оробо. Манай үбгэ эсэгэнэрэй Египет орон нютагһаа гараад ябажа байхада тэдэнэй газар дээгүүр гарахыень Та зүбшөөгөөгүй бэлэйт. Тиимэһээ үбгэ эсэгэнэрнай хажуугаарнь үнгэржэ, тэдэниие хюдаагүй бэлэйл.

Тоололго 21:1

Израильшууд Атариимһаа эндэ ерэжэ ябана гэжэ үмэнэ зүгтэ ажаһуудаг ханаһаануудай хаан Араад дуулаад, израильшуудта добтолжо, хэдэн хүнүүдыень мэдэлдээ абаба.

Хуули дабталга 2:27

«Танай газараар бидэнэй гарахые зүбшөөгыт, бидэ хажуу тээшээ хадуурангүй, харгыгаар сэхэ ябахабди.

Хуули дабталга 2:28

Эдеэ хоол таанадһаа мүнгөөр худалдан абажа эдихэбди, ууха уһа мүн лэ бидэндэ худалдахадатнай уухабди, гансал хүлөөрөө газарытнай гэшхэн гарахыемнай зүбшөөгыт.

Хуули дабталга 2:29

Сэһииртэ ажаһуудаг Эсаавай уг удам, Аарта ажаһуудаг Моһаабай улад зон бидэндэ эдэ бүгэдые зүбшөөгөө бэлэй. Эзэн Бурханайнгаа үршөөһэн газар руу Иордан гол гаталан орохо һанаатайбди. Танай газараар гарахыемнай зүбшөөгыт».