Тоололго 19:20 - Библи

²⁰ Хэрбэеэ хэн нэгэн бузарлаад, нангин уһаар бэеэ арюудхангүй, нангин майханда ороо һаа, нангин майханда бузар халдааха. Бузараа арюудхаагүй хүниие израильшуудай дундаһаа үлдэжэ ябуулагты. Нангин уһаар сүршүүлээгүй һаа, тэрэ хүн наранай оротор бузарланхай зандаа ябаха.

Тоололго 19:20 Referencias Cruzadas

Эхин 17:14

Энэ ёһолол хэнгүй үнгэрһэн хүниие Би Минии бэшэ гэжэ тоолохоб, юундэб гэхэдэ, тэрэ хүн Минии хэлсээ эбдэһэн болохо.

Египедһээ гаралга 30:33

Өөртөө гү, али ондоо хүндэ иимэ бүридэлтэй тоһо найруулһан гү, али түрхиһэн хүн усадхагдаха, угсаата арадайнгаа тооһоо гаргагдаха».

Левит 15:31

Израильшуудые бузарһаа зайлуулагты. Тэдэ бузартажа бү үхэг, тэдэнэй дунда байһан Минии гэр байра бү бузарлаг.

Левит 17:16

Хэрбэеэ тэрэ хүн юумэеэ угаагаагүй һаа, бэеэ сэбэрлээгүй һаа, тэрэ өөрынгөө нүгэл өөр дээрээ даагаад ябаха.

Левит 22:4

Хэн Аһарооной үри һадаһанһаа һэлхэ үбшэнтэйб, али бэеһээнь эдеэрэ гаража ябадаг бэ, тэрэ арюун нангин мүргэлэй эдеэ бэеынгээ арюун болотор эдихэ ёһогүй. Хэн нэгэнэй үхэһэн бузартай юумэндэ хүрөө һаань гү, али үрэһэнэйнь ехээр гараа һаань гү;

Тоололго 15:30

Хэрбэеэ нютагай зоной нэгэн гү, али хариһаа нүүжэ ерүүл зоной нэгэн зорюута Хуулида харша ябадал хээ һаа, хооһон сүл губи руу сүлэгдэхэ гү, али хюдан усадхагдаха ёһотой.

Тоололго 19:13

Үхэһэн хүнэй бэе барижа бузартай болоһон хүн үнэһэтэй уһаар бэеэ сүршүүлэнгүй нангин майханда ороо һаа, нангин майханиие бузарлаха. Нангин майхан бузарлагшые намнажа үлдэгты арад зонһоонь. Ушар юуб гэхэдэ, тэрэ хүн бэеэ арюудхаагүй, бузарлагданхай зандаа ябана.

Тоололго 9:13

Хэрбэеэ арюун сэбэр байбашье, аян замда ябаагүйшье һаа, харин Паасха һайндэрлээгүй хүн Эзэнэй урда зэмэтэй болохо. Тиимэ зон Паасха һайндэрлээгүй, хууляар зарлигтаһан Паасхын тэрэ үдэр Эзэндэ үргэлөө үргөөгүй һаа, арад зонойнгоо дундаһаа үлдүүлхэ ёһотой.

Марк 16:16

Намда этигэһэн, уһан арюудхалгада хүртэһэн хүн бүхэн абарагдаха. Харин Намда этигэхэеэ арсаһан хүн бүхэн гэмнэгдэхэ.

Пётрой 2-дохи хандалга 3:14

Тиимэһээ, хайрата аха дүүнэрни, тэрэ Үдэрые хүлеэжэ байхадаа, Бурханай урда ямаршье бузаргүй, арюун сэбэр байхые, Бурхантай энхэ тайбан оршожо байхые оролдыт даа.

Гэршэлгэ 22:11

Муу хүн муу юумэеэ хэжэ үргэлжэлүүлэг! Жэрхэмшэг муухай хүн тэрэл муухай юумэеэ хэг, һайн хүн һайе хэжэл байг, арюун гэгээн хүн тэрэл зандаа арюун ябаг».