Тоололго 19:13 - Библи

¹³ Үхэһэн хүнэй бэе барижа бузартай болоһон хүн үнэһэтэй уһаар бэеэ сүршүүлэнгүй нангин майханда ороо һаа, нангин майханиие бузарлаха. Нангин майхан бузарлагшые намнажа үлдэгты арад зонһоонь. Ушар юуб гэхэдэ, тэрэ хүн бэеэ арюудхаагүй, бузарлагданхай зандаа ябана.

Тоололго 19:13 Referencias Cruzadas

Египедһээ гаралга 30:33

Өөртөө гү, али ондоо хүндэ иимэ бүридэлтэй тоһо найруулһан гү, али түрхиһэн хүн усадхагдаха, угсаата арадайнгаа тооһоо гаргагдаха».

Һургаал 14:32

Нүгэлтэн муу үйлынгөө түлөө хойшо хаягдадаг. Үнэн шударга хүн үхөөшье һаа, найдаха найдалтай.

Эзэкээл 44:26

Иимэ ушарай гарабал, санаартан арюудхалгын ёһолол хэжэ, бэеэ сэбэрлэхэ, арюудхаха ёһотой. Удаань үшөө долоон хоног хүлеэгөөд,

Левит 15:31

Израильшуудые бузарһаа зайлуулагты. Тэдэ бузартажа бү үхэг, тэдэнэй дунда байһан Минии гэр байра бү бузарлаг.

Левит 20:3

Би уурлан тэдээн руу эрьехэб, нюураараа тэрэ хүниие харахаб, тэрэниие хюдажа алахаб. Тэрэ хүн хадаа Моолохто үхибүүдһээнь үгэжэ, нангин байрыем бузарлаа, нангин нэрыемни гутаагаа.

Левит 22:3

Тэдээндэ хэлэ: хэрбээ хэн нэгэн танай угһаа бузартай байгаад, израильшуудай Эзэндэ зорюулһан нангин зүйлнүүдтэ дүтэлөө һаань, Минии үмэнэһөө ами наһаниинь хосорхо. Би Эзэн гээшэб.

Левит 22:4

Хэн Аһарооной үри һадаһанһаа һэлхэ үбшэнтэйб, али бэеһээнь эдеэрэ гаража ябадаг бэ, тэрэ арюун нангин мүргэлэй эдеэ бэеынгээ арюун болотор эдихэ ёһогүй. Хэн нэгэнэй үхэһэн бузартай юумэндэ хүрөө һаань гү, али үрэһэнэйнь ехээр гараа һаань гү;

Левит 5:17

Юумэ мэдэхэгүй дээрэһээ Эзэнэй зарлигуудые эбдэжэ, хэхэгүй юумэ хэбэл, тэрэ хүн гэмтэй, нүгэлтэй болохо.

Левит 5:3

Хэрбээ хүнэй ямаршье бузар булай юумэндэ эндүүржэ хүрөөд, ойлгомторгүй ябаад, һүүлдэнь мэдээ һаа, тэрэ хүн гэмтэй.

Левит 5:6

нүгэл хэһэнэйнгээ түлөө Эзэндэ жэжэ малһаа хони гү, али ямаа асараад, нүгэл сагааруулгын үргэл үргэг. Санаарта нүгэлыень арюудхаха.

Левит 7:20

Хэрбэеэ бузартай хүнэй Эзэнэй амгалан байдалай түлөө үргэлэй мяханһаа ама хүрөө һаань, тэрэ хүн арад түмэнэйнгөө тоодо тоологдохоёо болихо.

Левит 7:21

Хэрбэеэ али нэгэнэй бузартаад, хүнэй муухай юумэндэ хүрөөд, үгы һаа, малай бузарта гү, үгышье һаа бузартай хорхой шабхайда гар хүрөөд, Эзэнэй амгалан байдалай түлөө үргэлэй мяханһаа ама хүрөө һаань, тэрэ хүн арад түмэнэйнгөө тоодо тоологдохоёо болихо.

Тоололго 15:30

Хэрбэеэ нютагай зоной нэгэн гү, али хариһаа нүүжэ ерүүл зоной нэгэн зорюута Хуулида харша ябадал хээ һаа, хооһон сүл губи руу сүлэгдэхэ гү, али хюдан усадхагдаха ёһотой.

Тоололго 19:14

Энэ хадаа өөрынгөө майхан соо үхэһэн хэн нэгэн тухай хуули. Хэрбэеэ өөрынгөө майхан соо хэн нэгэнэй үхөө һаань, хамта тэрээнтэй байгшад долоон хоногто бузартай ябаха.

Тоололго 19:18

Нүгэл хээгүй хэн нэгэн эссообой мүшэр абаг, тэрэ мүшэрөө арюудхадаг уһан соо хэг. Тиигээд тэрээгээрээ майхандань, тэрээн соо байһан амһартануудта болон хүнүүдтэ сүршэг, алуулагшын гү, үхэгшын гү яһанда, хуурсагта гар хүрэгшэдэ арюудхадаг уһанһаа сүршэн сасаг.

Тоололго 19:19

Бузарлаагүй хүн тэрэ уһаар сүршэжэ, бузарлагшые гурбадахи, долоодохи үдэрнүүдтэ иигэжэ арюудхаг. Тэрэ хүн долоодохи үдэрөөл сэбэр болохо. Тэрэ хүн нангин уһаар хубсаһаяа, бэеэ угааг. Тиихэдээ тэрэ хүн үдэшэ багта арюун сэбэр болохо.

Тоололго 19:20

Хэрбэеэ хэн нэгэн бузарлаад, нангин уһаар бэеэ арюудхангүй, нангин майханда ороо һаа, нангин майханда бузар халдааха. Бузараа арюудхаагүй хүниие израильшуудай дундаһаа үлдэжэ ябуулагты. Нангин уһаар сүршүүлээгүй һаа, тэрэ хүн наранай оротор бузарланхай зандаа ябаха.

Тоололго 19:9

Нүгэл хээгүй хэн нэгэн нурма үнэһыень суглуулаад, хотон хүреэнһөө холо, сэбэр газарта абаашажа табиг. Улаан шарагшанай үнэһэниинь улад зондо үлэхэ. Хүниие сэбэрлэхэ ушарта, хүнэй нүгэл наманшалхада, улаан шарагшанай үнэһэн уһан соо хэгдэжэ, улад зондо хэрэглэгдэхэ.

Тоололго 8:7

Тэдэниие нүгэлһөө арюудхан сэбэрлэхын тула иимэ юумэ хэхэ хэрэгтэй: онсо тусгаар уһаар тэдэниие сүршэжэ сэбэрлэ. Тэдэнэр үһэ абадаг хутагын эреэр өөһэдынгөө бүхы бэе хюһаг, хубсаһаа угааг. Тиихэдээ тэдэнэр арюудхагдаха.

Тоололго 9:13

Хэрбэеэ арюун сэбэр байбашье, аян замда ябаагүйшье һаа, харин Паасха һайндэрлээгүй хүн Эзэнэй урда зэмэтэй болохо. Тиимэ зон Паасха һайндэрлээгүй, хууляар зарлигтаһан Паасхын тэрэ үдэр Эзэндэ үргэлөө үргөөгүй һаа, арад зонойнгоо дундаһаа үлдүүлхэ ёһотой.

Иоанн 8:24

«Таанар нүгэлнүүдтэйгөө үхэхэт!» гэжэ Би таанарта хэлээб. «Би байгааб, байнашьеб» гэхэдэмни үнэншөөгүй һаа, бултадаа нүгэлтэйгөө үхэхэт! – гэжэ Иисүүс харюусаба.

Еврейнүүдтэ 10:29

Зүгөөр Бурханай Хүбүүндэ зэбүүрхэдэг, өөһэдыень нүгэлнүүдһээнь арилгаһан Бурханай хэлсээнэй шуһые нангин гэжэ тоодоггүй хүнүүд, үршөөл хайрын Һүлдые доромжолдог хүнүүд тэрээнһээ долоон доро хэһээлтэдэ хүртэхэ ёһотой!

Еврейнүүдтэ 9:10

Энэнь Бурханай шэнэ тогтоол зарлаха үе саг хүрэтэр эдихэ, ууха, янза бүриин арюудхалга сэбэрлэлгын гадна талын заншалнуудтай холбоотой шухала бэшэ юумэнүүд байгаа.

Гэршэлгэ 21:8

Аймхай дүүлэгэрнүүд, Иисүүстэ һүзэглэдэггүй хүнүүд, бузар муухай нүгэл хэгшэд, алууршад дээрмэшэд, зальхай ябадалтан, эльбэ хэгшэд, онгондо шүтэгшэд, элдэб худалшад гал, хүхэрөөр дүлэтэн носогшо нуур руу хаюулха. Энэнь хоёрдохи үхэлгэ мүн.

Гэршэлгэ 22:11

Муу хүн муу юумэеэ хэжэ үргэлжэлүүлэг! Жэрхэмшэг муухай хүн тэрэл муухай юумэеэ хэг, һайн хүн һайе хэжэл байг, арюун гэгээн хүн тэрэл зандаа арюун ябаг».

Гэршэлгэ 22:15

Теэд нохосууд, эди шэдитэн, зальхай забхай ябадалтан, алуурша этэгээдүүд, онгонуудта шүтэгшэд, худал хуурмаг ябадалда дуратайшуул, тиимэ юумэ хэгшэд – хотын гадаа тээ үлэхэ.