Тоололго 18:8 - Библи

⁸ Эзэн Аһароондо иигэжэ айладаба: – Улад зоной Намда асарһан нангин бүхы үргэл бэлэгүүдыень Би шамда Өөрөө даалганаб. Би шамда нангин тэдэ бэлэгүүдые үгэнэб. Ши, шинии үринэр үргэлэй тэдэ бэлэгүүдһээ өөһэдынгөө хубитые абахат. Абадаг тэрэ хубитнай хэтын хэтэдэ таанадай болохо.

Тоололго 18:8 Referencias Cruzadas

4 Хаан түрэнүүд 12:16

Гэм ба нүгэл сагааруулгын үргэлдэ үргэдэг тахилай мүнгэн Эзэнэй һүмын һанда оруулагдадаггүй, харин тэдэ мүнгэн санаартадта зорюулагдана.

2 Угай бэшэг 31:4

Санаартадай болон левидүүдэй Эзэндэ албаяа һаадгүй хэжэ байхын тула тэдээндэ тэдхэмжэ үгэжэ байхыень Иерусалимай улад зондо тэрэ захирба.

2 Угай бэшэг 31:5

Энэ захиралтын тунхаглагдаһанай удаа Израилиин улад зон бүхы юумэнэй арбанай нэгэ хубиие – орооһо таряанай, үзэмэй дараһан архиин, оливын тоһоной, зүгын балай, элдэб ургасын угаа ехэ дээжэ асарба.

Египедһээ гаралга 28:43

Майхан һүмэ соо Бурхантай уулзадаг газарта ороходоо гү, али һүмэ соо үргэлэй үедэ үргэлэй шэрээдэ дүтэлхэдөө, Аһароон болон хүбүүдынь тэдэниие үмдэхэ ёһотой. Үгы гэбэл, тэдээндэ зэмэ тохогдожо, ами наһаяа алдаха. Аһароондо болон удамдань хэтын заабари тэрэ гээшэ.

Египедһээ гаралга 29:21

Удаань шэрээ дээрэһээ шуһа ба оливын тоһо абажа, Аһароондо, хубсаһандань сүршэхэш, хүбүүдтэнь, хубсаһандань мүн лэ сүршэхэш. Тиигэжэ Аһароониие хүбүүдтэйнь, тэдэнэй хубсаһые арюудхаха болонош.

Египедһээ гаралга 29:28

Израилиинхин үхэр мал үргэхэдөө, эдэл хубинуудые Аһароондо, тэрэнэй хүбүүдтэ үгэхэ ёһотой. Израилиин уг удамда хэтэ наһандаа сахигдаха ёһо гурим энэ мүн. Израилиин зон амгалан байдалай үргэлһөө Эзэндэ мүн лэ үргэхэ ёһотой.

Египедһээ гаралга 29:29

Аһарооной һахилай хубсаһан тэрэнэй уг удамда дамжуулагдаха ёһотой. Тэрэ хубсаһаарнь лэ һахил хүртөөдэг байха.

Египедһээ гаралга 40:13

Аһароондо нангин ёһололой хубсаһыень үмдэхүүлжэ, оливын тоһо магнайдань түрхеэрэй: Минии санаартан болохынь тулада арюудхаарай.

Египедһээ гаралга 40:15

Минии санаартад болохынь тулада эсэгынь магнайда тоһо түрхиһэн шэнгеэр түрхеэрэй. Магнайдань тоһо түрхихэдэш, хэтын хэтэдэ үеһөө үедэ дамжуулагдадаг санаартанай нэрэ зэргэ тэдээндэ үгтэхэ.

Исай 10:27

Тэрэ сагай ерэхэдэ, тэрэнэй ашагша хүндэ ашаан мүр дээрэһээтнай унаха, хүзүүндэтнай үмдэхүүлһэн хөөмэгшэнь хухаран һалаха».

Левит 21:10

Аха дүүнэрэй эгээл ахань, санаартан, толгой дээрээ санаартын тоһо адхуулжа арюудхагдаһан, арюун нангин хубсаһа үмдэхэ эрхэтэй, толгойгоо нюсэгэн байлгахагүй, хубсаһаа хахалха, удара татаха ёһогүй.

Левит 23:20

Санаарта эдэ хоёр хурьга түрүүшын ургасын таряагаар бариһан хилээмэнтэй хамта Эзэнэй урда үргэг. Тэдэ болбол Эзэнэй нангин зүйл, санаартын болохо юм.

Левит 6:16

Бусадыень Аһароон хүбүүдтэеэ эдихэ ёһотой. Хилээмэ эһээлтэгүйгөөр, нангин газарта эдихэ хэрэгтэй – майхан һүмын хашаа соо.

Левит 6:18

Энээниие Аһарооной эрэ үри һадаһадай эдихэдэ болохо. Энэ хадаа тэдэндэ Эзэнэй үргэлнүүдһээ хэтэ мүнхын хубитань гээшэ. Юумэн бүхэн тэрээндэ хүрөө һаа, арюудхагдаха.

Левит 6:20

– Аһарооной хүбүүд тоһоор түрхюулһэн сагһаа хойшо Эзэндэ саг үргэлжэ иимэ үргэл үргэдэг байха: эфаагай арбанай нэгэ хуби шэниисын талха, хахадынь – үглөөгүүр, хахадынь – үдэшэ.

Левит 6:26

Нүгэлөө сагааруулха тахил бүтээгшэ санаарта энээнһээ хүртэхэ ёһотой. Хүртэхэдөө, нангин арюун газарта эдихэ ёһотой – майхан һүмын хашаа соо.

Левит 7:14

Бүхы үргэһэн юумэнүүдһээн нэгыень абаад, Эзэндэ үргэл болгон үргэг: энэ амгалан байдалай түлөө үргэлэй шуһа сүршэгшэ санаартанай болохо юм.

Левит 7:28

Тиигээд Эзэн Моисейдэ иигэжэ үгүүлбэ:

Левит 7:6

Бүхы санаарта эрэшүүл энээниие эдихэ эрхэтэй. Эдихэдээ, нангин газарта эдихэ ёһотой: энэ хадаа аргагүй ехэ нангин шүтөөн мүн.

Левит 8:30

Тиигээд Моисей тоһолхо тоһонһоо болон үргэлэй шэрээ дээрэ байгша шуһанһаа абаад, Аһароон дээрэ, тэрэнэй хубсаһа, хүбүүдыень, хүбүүдэйнь хубсаһые бүгэдыень арюудхаба.

Тоололго 18:9

Улад зон Намда иимэ үргэлнүүдые асарха: талхан үргэл, нүгэл сагааруулгын үргэл, гарза харюулгын үргэл. Эдэ хадаа агууехэ нангин үргэлнүүд болоно. Үргэлнүүдэй хубинь шинии болон үринэрэйш хубита болохо.

Тоололго 5:9

Хэрбэеэ израильшуудай хэн нэгэнэйнь үргэлэй юумэ – нангин бэлэг асараа һаань, тэдэ бултадаа санаартын болохо.

Коринфынхидтэ 1-дэхи 9:13

Һүмэдэ алба хэгшэдэй Һүмэһөө эдеэ хоолоо олодогые, тиин тахилай газарта ажаллагшадай тахилай юумэнһээ хубаалсажа абадагые таанад мэдэхэгүй аалта?

Хуули дабталга 12:11

Эзэн Бурханайтнай нэрэеэ нэрлүүлхэ газар шэлэн заахадань, тиишэнь минии хэлэһэн бүхы юумэ асарагты: түгэс шатаалта үргэлөө, үргэлөө, ургасынгаа болон малай арбанай нэгэ хубиие, өөрынгөө хубиин үргэл, Эзэндэ үргэһэн шахаа тангаригаартнай хараалагдаһан эрхим үргэл.

Хуули дабталга 12:6

Түгэс шатаалта үргэлөө, үргэлөө, ургасынгаа болон малай арбанай нэгэ хубиие, өөһэдынгөө хубиин үргэл, шахаа тангаригаартнай хараалагдаһан үргэл, өөһэдын һайн дуранай үргэл, томо болон жэжэ малай түрүүшын түл тиишээ асарагты.

Хуули дабталга 18:1

Израилиин бүхы улад зоной газарай хуби абажа байхадань, Левиин санаарта обогтон иимэ юумэндэ хүртэхэгүй. Хубинь – Эзэндэ үргэдэг үргэлнүүд, тэдээгээр тэдэ хооллохо.

Хуули дабталга 26:13

Тиигээд Эзэн Бурхандаа иигэжэ хэлээрэй: «Танай намда захиһан һургаал заабариин ёһоор, би өөрынгөө гэрһээ нангин хуби гаргажа, левидүүдтэ, ерүүл зондо, үншэн хэнзэ үхибүүдтэ, нүхэрөө гээһэн эхэнэрнүүдтэ үгөөб. Танай захяа заабари эбдээгүйб, тэрэниие мартаагүйб.

Еврейнүүдтэ 1:9

Ши үнэн зүбтэ дуратайш, муу юумэ үзэн яданаш. Энээнэй түлөө Бурхан, Шинии Бурхан, хажуудашни байһан хэнииешье баярай тоһоор тоһодоогүй, харин гансал Шамайе тоһодон ёһолоол!», – гэжэ айладаа.

Иоаннай 1-дэхи хандалга 2:20

Таанарта Арюун Һүлдэ Бурханһаа үгтөө, тиимэһээ таанар бүхы юумэ мэдэнэт.

Иоаннай 1-дэхи хандалга 2:27

Бурханай таанадта үгэһэн Арюун Һүлдэ сэдьхэлдэтнай байна, тиимэһээ таанарые хэн нэгэнэй һургаһанай хэрэгынь үгы. Арюун Һүлдэ үнэн зүб юумэ хэлэнэ, худал юумэ хэлэнэгүй, тиигэжэ таанарые бүхы юумэндэ һургана. Арюун Һүлдын һургаһан ёһоор таанар Христоостой нэгэн хамта байгты.