Тоололго 18:7 - Библи

⁷ Гэбэшье ши, Аһароон, шинии үринэр гансал санаартын ажал хэхэт. Гансал таанад хүшэгын саана ородог, гансал таанад үргэлэй шэрээдэ дүтэлдэг байха ёһотойт. Санаартын нангин албые шамда Би бэлэг болгон үгэнэб. Шамһаа ондоо хэн нэгэн Нангинай Нангин таһалгада ороо һаа, шархияа хатааха тэрэ дары!

Тоололго 18:7 Referencias Cruzadas

Псалманууд 115:10

Иерусалим, шинии тэгэн дунда, Эзэнэй нангин үргөөгэй хашаа дотор тангариглаһанаа бэелүүлхэб. Эзэндэ магтаал үргэгты!

Египедһээ гаралга 28:1

Израилиин үри һадаһад сооһоо шинии аха Аһароониие хүбүүдтэйнь дуудажа асара. Аһароон болон тэрэнэй хүбүүд Надааб, Абиһуу, Эльазаар ба Итамаар Минии санаартад болохо табилантай.

Египедһээ гаралга 29:9

Аһароондо болон хүбүүдтэнь бүһэ бүһэлжэ, толгойдонь боолтонуудые боохош. Санаартын нэрэ зэргэ Аһароон ба тэрэнэй хүбүүдтэ хэтэдээ үгтэхэ, тэдээндэ зорюулагдаһан ёһолол ши үнгэргэхэ болонош.

Эзэкээл 44:15

Израилиин зарим зоной Намһаа буруу хараад байһан үедэ гансал Намда үнэн сэхэ үлэгшэ Цадоок санаартанай үри һадаһад, Левиин обогой санаартан, Минии ёһололнуудые ябуулха, тоһо өөхэ, шуһа үргэл болгон үргэхэ эрхэтэй.

Эзэкээл 44:16

Гансал тэдэ Минии нангин үргөө руу орожо, үргэл үргэхэ ёһолол хэхэ, мүргэл ябуулха болоно.

Эзэкээл 44:8

Нангин үргөө соо үнгэрдэг ёһололнуудые хинан байха ёһотой аад, таанад өөһэдынгөө орондо хариин зониие табижа, тэдэ ёһололнуудые хинан байгуулдаг һэнта.

Левит 16:2

Эзэн Моисейдэ иигэжэ үгүүлбэ: – Аһароон ахадаа хэлээрэй: дуратай сагтаа Һүмын нангин газар руу халхабшын саана, хэлсээнэй ханзын хушалтада бү дүтэлэг, юуб гэхэдэ, үхэлдэ дайрагдажа болохо – хаалта дээгүүрнь үүлэн шэнгеэр бии боложо байхаб.

Левит 7:35

Аһароон ба тэрэнэй удамынь Эзэнэй санаартан боложо, һахил хүртэһэн үдэрһөө хойшо Эзэндэ үргэһэн үргэлнүүдһээ иимэ хуби абадаг юм.

Тоололго 1:51

Нүүхэдээ, левидүүд майхан һүмэеэ задалан хуряаг, байрлан тогтоһон газартаа майхан һүмэеэ татаг. Хэрбэеэ ондоо хүн эдэ бүгэдые хэбэл, үхэхэ.

Тоололго 16:40

израильшуудай хэтын хэтэдэ һанажа ябахын тула һүлдэ тэмдэг болгожо хабтайлгуулба. Моисей Эзэнэй айладаһан захяаень дүүргэжэ, Аһарооной үринэрһээ бэшэ хэншье Эзэнэй урда уталга носоохо ёһогүй болобо. Хэрбэеэ ондоо хүн уталгые носоогоо һаа, Коорах болон тэрээнтэй үгэеэ үгэсэлдэгшэд мэтээр үхэхэ.

Тоололго 18:20

Эзэн Аһароондо иигэжэ айладаба: – Ши ямаршье газар абахагүйш. Шамда хубиин зөөри байха ёһогүй. Израильшуудай дунда шинии хуби бол Би мүн. Би уг залгамжалан дамжуулагдаха шинии заяан гээшэб.

Тоололго 18:3

Эдэ хүнүүд шинии харгалзалга доро майхан һүмэ соохи ажалда хамһалсаг. Таанад болон тэдэнэр үхэхэгүй гэбэл, нангин шүтөөнүүдтэ болон үргэлэй шэрээдэ бү дүтэлэгты.

Тоололго 3:10

Аһароон болон тэрэнэй хүбүүдтэ санаартанай уялга даалга. Ондоо хэн нэгэн энээниие хэхэеэ һэдэбэл, алуулагдаха.

Тоололго 3:38

Майхан һүмын үүдэн талада, наранай гарадаг зүгтэ Моисей Аһароон хоёрой, тэдэнэй хүбүүдэй хотон хүреэнүүд баригдаха ёһотой. Тэдэнэй харууһалган доро израильшуудай энэ Нангин һүмэ үгтэнэ. Хэрбэеэ эндэ ондоо хүнүүд оробол, тэдэнэр алуулагдаха ёһотой.

Матвей 10:8

Үбшэн хүнүүдые эдэгээгты, үхэһэн хүнүүдые амидыруулагты, һэлхэ бузар үбшэнтэниие арюудхагты, ада шүдхэрнүүдые намнажа гаргагты. Таанад түлөөһэгүй абаһанаа түлөөһэгүй үгэжэ байгты.

Иоанн 3:27

– Тэнгэриин үршөөгөөгүй юумэ хэншье абажа шадахагүй, – гэжэ Иоанн харюусаба. –

Эфесэйхиндэ 3:8

Ой ухаандаа оруулхын аргагүй ехэ Христоосой баялиг тухай Һайн Мэдээсэлые бусад арадуудта номнохые, Бурханай нюусын яажа бэелхэ тухай бүхы хүнүүдтэ харуулхые Бурханай хүнүүдэй эгээл багань байһан намда Бурхан хайрлаа. Үнгэрһэн сагуудта хамаг юумые Бүтээгшэ Бурхан нюусаяа хадагалжа байгаа. Тиин мүнөөнэй үе сагта Тэрэ Өөрынгөө оюун ухааниие һүзэглэгшэдэй бүлгэмөөр дамжуулан тэнгэриин захирагшадта, огторгойн хүсэнүүдтэ элдэб янза хэбээрнь харуулаа.

Хуули дабталга 18:2

Бусад обогой зондо орходоо левидүүд газарай өөрын хубигүй байха. Эзэнэй тэдээндэ айладаһанай ёһоор, Эзэн лэ Өөрөө тэдэнэй хуби мүн.

Еврейнүүдтэ 5:4

Хүн өөртөө ахамад санаартын нэрэ хүндые олгодоггүй, харин Аарондол адли Бурханай уряалаар ахамад санаарта болодог.

Нүүнэй Иисүүс 18:7

Левидүүд танай дунда үмсын газаргүй байха, юундэб гэхэдэ, шажанай албан тэдээнэй хуби болоно; Гаад, Рэүбээн ба Мэнашшээгэй обогой хахад Моисейн, Эзэнэй богоолой үгэһэн хубитаяа тэдэ Иорданай саана зүүн тээшэ абаа.

Пётрой 1-дэхи хандалга 5:2

Таанадта даалгагдаһан Бурханай һүрэгые адуулжа байгты. Баалалтаар хэжэ байһан мэтэ бэшэ, харин сэдьхэлээрээ энэ хэрэгые бүтээжэ байгты. Олзо олохо зорилготойгоор бэшэ, харин оролдосотойгоор алба хэжэ байгты.

Пётрой 1-дэхи хандалга 5:3

Таанадта даалгагдаһан хүнүүдые захирха гэжэ бү оролдогты, харин тэдэндээ һайн жэшээ харуулжа байгты.

1 Хаан түрэнүүд 2:28

Минии санаартан боложо, Минии үргэлэй шэрээдэ үндэрлэн гаража, санзай ууюулжа, Минии урда эфод үмдэн ябахынь тула Би Израилиин бүхы обогуудһаа тэдэниие шэлэн абаа бэшэ аалби? Израилиин зоной галаар үргэдэг бүхы үргэлнүүдһээ хуби абажа байхыень Би эсэгыншни гэр бүлэдэ зүбшөөгөө бэшэ аалби?