Тоололго 18:6 - Библи

⁶ Ойлгоорой, Би израильшуудай дундаһаа левидүүдые, танай аха дүүнэрые, шэлэн абааб. Эзэндэ алба хэхыень, майхан һүмэ соо ажаллахыень таанадта мүнөө тэдэниие үгэнэб.

Тоололго 18:6 Referencias Cruzadas

Эхин 6:17

Амиды хамагые үгы хэхэеэ Би түби дэлхэйдэ уһан галаб – асари ехэ үер буулгахаб. Энэ дэлхэй дээрэ байгаа амитан бүхыдөө хосорхо.

Эхин 9:9

– Би таанадтай болон таанадай үри һадаһадтай хэлсээ баталнаб.

Египедһээ гаралга 14:17

Уланхатаһан египет сэрэгэй хойноһоотнай хушууран орохые баадхаһан үйлэ хэхэб – одоол тэндэ фараоной сэрэг суур, тэдэнэй дайшалхы тэргэнүүд болон морин сэрэгые һүнөөжэ, илалта туйлахалби!

Египедһээ гаралга 31:6

Туһалагшаар тэрээндэ Даан обогой Ахисамаахай хүбүүн Оһолиаабые үгэбэб. Шадаха, туһалха зондо һүбэлгэн ухаа, уран шадабари хүртөөбэ гээшэб. Минии шамда захирһан юумэ бүгэдыень тэдэ хүүжэг:

Исай 48:15

Бил тэрэниие дуудажа, асаржа, амжалта үршөөнэб.

Исай 51:12

Эзэн иигэжэ айладхана: Таанадай түшэг тулгуубари Би, гансал Би мүн! Юундэ таанад үхэхэ табисууртай, хагдардаг үбһэндэл адли хүнһөө айха болообта?

Эзэкээл 34:11

Эзэн Бурхан иигэжэ айладхана: – Би Өөрөө хонидоо бэдэрхэб, харууһалхаб.

Эзэкээл 34:20

Мүнөө хадаа Би, Эзэн Бурхан, тэнхээ тамиргүй хони хүсэ шадалтай хонидһоо илгахаб.

Тоололго 3:12

– Израилиин зоной дундаһаа Би левидүүдые абанаб. Эхын умайн түрүүшын жэмэсэй – Израилиин ууган хүбүүдэй орондо Би тэдэниие Өөртөө абанаб. Левидүүд Минии болохо.

Тоололго 3:13

Ушар юуб гэхэдэ, алишье ууган хүбүүн ба малай түрүүшын бүхы түл – Минии. Египедэй ууган хүбүүдые болон малай түрүүшын түл үгы хэхэдээ, Би Израиль соо бүхы ууган хүбүүдые ба малай түрүүшын түлые илгааб Өөртөө. Тэдэ Минии юм. Би Эзэн мүн!

Тоололго 3:45

– Израильшуудай түрүүшын бүхы хүбүүн үхибүүдэйнь орондо левидүүдые, тэдэнэй үхэр малнуудай түрүүшын бүхы түлнүүдэйнь орондо левидүүдэй үхэр мал Намда үгэ. Левидүүд Минии болог. Би Эзэнтнай гээшэб!

Тоололго 3:6

– Левиин бүхы обогойхидые санаарта Аһароондо асаржа, тэрэнэй туһамаршад болго.

Тоололго 3:9

Левидүүдые Аһароондо, тэрэнэй хүбүүдэй мэдэлдэ үгэ. Левидүүд израильшуудһаа шэлэгдэжэ, Аһароон болон тэрэнэй хүбүүдтэ майхан һүмын албанда үгтэхэ ёһотой.