Тоололго 18:30 - Библи

³⁰ Левидүүдтэ үшөө иигэжэ хэлэ: израильшууд таанадта өөһэдынгөө ургасын, үзэмэй дараһан архиин арбанай нэгэ хубиие үгэдэг байха. Тиихэдэнь тэрээнһээ эгээл һайн хубиие таанад Эзэндэ үргэдэг байхат.

Тоололго 18:30 Referencias Cruzadas

Эхин 43:11

– Зай, яахаб, – гэбэ Израиль. – Тиигээ һаа, иимэ юумэ хэгты: энэ газар дайдын хамагай һайн бэлэг бэлдээд, тэрэ хүндөө абаашагты. Бага-багаар янза бүриин үнэ сэнтэй гүгэлнүүдые, зүгын бала, бүйлөөһэ, миндаль һамарһаашье абалсаад ошогты.

Эхин 50:10

Тэдэ Иордан голой зүүн талада оршодог Атаад гэдэг хүнэй таряанай тээрмэ дээрэ ерээд, дахин уйлалдаба. Иигэжэ Иосиф тэндэ долоон хоногой туршада тогтожо, эсэгынгээ хойноһоо угаа ехээр шаналан-гашуудан ёһолоо бэлэй.

Египедһээ гаралга 29:27

Эзэндэ гэжэ үргэһэн хониной үбсүү болон бэлэг гэжэ үргэһэн хүлые – Аһарооной болон хүбүүдэйнь һахил хүртөөлгын үргэлые – нангин гэжэ соносхохо ёһотойш.

Малаахи 1:8

Таанар һохор мал тахил болгон үргэжэ байхадаа, энэ муу бэшэ гэнэ гүт? Таанад дохолон болон үбшэн хони мал үргэжэ байхадаа, энэ муу бэшэ гэнэ гүт? Энээниие удамаршадаа абаашажа үгэгты. Тэрэ юун гэгшэ ааб? гэжэ Түмэн Сэрэгтэ Эзэн айладажа байна.

Тоололго 18:29

Израильшууд олоһон бүхы олзынгоо арбанай нэгэ хуби асарха. Тиихэдэнь тэрээнһээнь шэлэжэ, эгээл һайнииень, эгээл арюунииень абаад, Эзэндэ үргэхэдэтнай, тэрэ бэлэг таанадай үргэхэ арбанай нэгэ хуби болохо юм.

Тоололго 18:31

Таанад, гэр бүлынхидтнай үлөөшыень хаанашье эдихэдэтнай болохо. Энэ хадаа майхан һүмын албанда таанадай хэһэн ажалай түлбэри гээшэ.

Матвей 6:33

Түрүүшээр Бурханай хаан түрые, Бурханай үнэн зүбые бэдэрэгты, тиигээ һаатнай, бусад бүгэдэ юумэнүүд танда үгтэхэ.

Хуули дабталга 6:5

Бүхы зүрхэ сэдьхэлээрээ, бүхы амин һүлдөөрөө, бүхы хүсэ шадалаараа Эзэн Бурхандаа дуратай байгты.