Тоололго 18:23 - Библи

²³ Уулзалгын майхан һүмэ соо гансал левидүүд алба хэхэ, буруу юумэнэй болобол, гансал тэдэ харюусаха. Энэ хуули үеһөө үедэ дамжан үргэлжэлхэнь болтогой! Минии израильшуудта найдуулһан газарһаа левидүүд хуби газар абахагүй.

Тоололго 18:23 Referencias Cruzadas

Египедһээ гаралга 27:21

Аһароон ба тэрэнэй хүбүүд Намтай Уулзалгын Майхан һүмэ соо, хэлсээнэй ханзын байрладаг хүшэгын наана Эзэнэй үмэнэ үдэшэһөө үглөө болотор саг үргэлжэ зулануудай бадаржа байхыень хинаха ёһотой. Израилиин зон энэ тогтоол хэтэ мүнхэдөө, үеһөө үедэ сахин байха болоно.

Эзэкээл 44:10

Левит зарим зон Намһаа буруу хаража, онгонуудта мүргэжэ байгааша Израилиин зарим зонтой хамтаран мүргэдэг байгаа. Тэдэ левидүүд хэһээгдэхэ!

Тоололго 18:1

Эзэн Аһароондо иигэжэ айладаба: – Ши, шинии үринэр, бүхы хотон бүлэтнай майхан һүмэдэ эсэргүү элдэб гэмэй түлөө харюусахат. Ши, мүн шинии үринэр санаартанай алба ябуулхада алдуу эндүү гарабал, мүн лэ харюусалгада татагдахат.

Тоололго 18:20

Эзэн Аһароондо иигэжэ айладаба: – Ши ямаршье газар абахагүйш. Шамда хубиин зөөри байха ёһогүй. Израильшуудай дунда шинии хуби бол Би мүн. Би уг залгамжалан дамжуулагдаха шинии заяан гээшэб.

Тоололго 19:21

Энэ хуулиие таанад хэтын хэтэдэ сахиха ёһотойт. Арюун уһаар сүршэгшэ хүн хубсаһаа угааха ёһотой. Арюудхадаг уһаар бэеэ сүршүүлэгшэ хүн бүхэн үдэшэ болотор бузарлагданхай ябаха.

Тоололго 26:62

Нэгэ һараһаа дээшэ наһатай бүхы левит эрэшүүлэй тоое бүридхэн абахадань, тэдэнэр 23 000 хүн болобо. Гэбэшье тэдэнэр израильшуудай хамтын тоо бүридхэлдэнь ороогүй, Эзэнэй үгэһэн хубита газарта хүртөөгүй юм.

Тоололго 3:7

Аһарооной болон арад зоной урда тэдэ иимэ уялгатай – үргэл мүргэлэй үедэ майхан һүмын дэргэдэхи ажал хэхэ,

Тоололго 35:29

Таанадай хаанашье ажаһуухада, бүхы обог, урагуудаартнай энэ хуули гурим оршохонь болтогой!

Хуули дабталга 10:9

Бусад уг гарбалнуудта орходоо Левиин обогой зон өөрын хуби газаргүй. Юуб гэхэдэ, Эзэн Өөрөө тэдэнэй хуби болоно. Эзэн Бурхантнай тэдээндэ тиигэжэ айладаа бэлэйл.)

Нүүнэй Иисүүс 13:14

Гансал Левиин обогто хубитые үгөөгүй: Эзэнэй, Израилиин Бурханай үргэл тэрээнэй хубита болоно, тэрээндэ Эзэн тиижэ хэлээ.