Тоололго 18:20 - Библи

²⁰ Эзэн Аһароондо иигэжэ айладаба: – Ши ямаршье газар абахагүйш. Шамда хубиин зөөри байха ёһогүй. Израильшуудай дунда шинии хуби бол Би мүн. Би уг залгамжалан дамжуулагдаха шинии заяан гээшэб.

Тоололго 18:20 Referencias Cruzadas

Эхин 15:1

Энэ болоһон үйлэ хэрэгүүдэй удаа нэгэ хэды сагай үнгэрөөд байхада Абрамда үзэгдэл үзэгдэжэ, тэрэ Эзэнэй иимэ айладхал дуулаба: – Абрам, юунһээшье бү ай! Би шамайе хододоо хаража хамгаалжа, угаа ехэ һайн һайханиие үршөөхэб.

Псалманууд 142:5

Урданай үе саг һананам, Танай хэһэн хэрэгүүд тушаа бодомжолном, Танай бүтээһэн зүйл тушаа бодоном.

Псалманууд 16:5

Танай харгы замаар алхалхыем, хүлэймни буруу гэшхэхэгүйень баталжа-шангалжа үгыт.

Гашуудал 3:24

«Эзэн – минии хуби мүн, тиимэһээ Тэрээндэ найданаб!» гэжэ минии сэдьхэл хэлэнэ.

Эзэкээл 44:28

Би хадаа тэдэнэй уг залгамжалгын хуби гээшэб. Тиимэһээ тэдээндэ Израиль соо ямаршье газар үгтэхэгүй. Би тэдэнэй хубиин газар гээшэб!“

Тоололго 18:7

Гэбэшье ши, Аһароон, шинии үринэр гансал санаартын ажал хэхэт. Гансал таанад хүшэгын саана ородог, гансал таанад үргэлэй шэрээдэ дүтэлдэг байха ёһотойт. Санаартын нангин албые шамда Би бэлэг болгон үгэнэб. Шамһаа ондоо хэн нэгэн Нангинай Нангин таһалгада ороо һаа, шархияа хатааха тэрэ дары!

Тоололго 26:62

Нэгэ һараһаа дээшэ наһатай бүхы левит эрэшүүлэй тоое бүридхэн абахадань, тэдэнэр 23 000 хүн болобо. Гэбэшье тэдэнэр израильшуудай хамтын тоо бүридхэлдэнь ороогүй, Эзэнэй үгэһэн хубита газарта хүртөөгүй юм.

Хуули дабталга 10:9

Бусад уг гарбалнуудта орходоо Левиин обогой зон өөрын хуби газаргүй. Юуб гэхэдэ, Эзэн Өөрөө тэдэнэй хуби болоно. Эзэн Бурхантнай тэдээндэ тиигэжэ айладаа бэлэйл.)

Хуули дабталга 12:12

Таанад үхи хүүгэдтэеэ хамта, зарасанартнай, хото һуурин соотнай байдаг левидүүд тэндэ ошожо, бултадаа Эзэн Бурханайнгаа урда хүхилдэгты. Левидүүд өөрын хуби газаргүй гээшые бү мартагты.

Хуули дабталга 14:27

Гэбэшье шинии хотодо ажаһуудаг левидүүд тухай бү марта. Юундэб гэхэдэ, шамда орходоо тэдээндэ газарай хуби үгы ха юм.

Хуули дабталга 14:29

Тиихэдэш өөрын хубиин газаргүй левидүүд, ерүүл зон, шинии хотын үншэн хэнзэнүүд, бэлбэһэн эхэнэрнүүд ерэжэ, садатараа эдеэлжэ байг. Иигээд байгаа һаашни, Эзэн Бурханшни хэһэн хэрэг бүхэнииеш үреэхэл.

Нүүнэй Иисүүс 13:14

Гансал Левиин обогто хубитые үгөөгүй: Эзэнэй, Израилиин Бурханай үргэл тэрээнэй хубита болоно, тэрээндэ Эзэн тиижэ хэлээ.

Нүүнэй Иисүүс 13:33

Зүгөөр Левиин обогто Моисей хубаари үгөөгүй: Эзэн, Израилиин Бурхан Өөрөө тэдээнэй хубита болоно, Өөрөө Тэрэ тэдээндэ тиижэ хэлээ.

Нүүнэй Иисүүс 14:3

Хоёр обогто, Мэнашшээгэй хахад обогто Моисей Иорданай саана хубаари үгөө; левидүүдтэ тэдээнэй хоорондо хубаари үгөөгүй.

Нүүнэй Иисүүс 18:7

Левидүүд танай дунда үмсын газаргүй байха, юундэб гэхэдэ, шажанай албан тэдээнэй хуби болоно; Гаад, Рэүбээн ба Мэнашшээгэй обогой хахад Моисейн, Эзэнэй богоолой үгэһэн хубитаяа тэдэ Иорданай саана зүүн тээшэ абаа.

Гэршэлгэ 21:3

Хаан шэрээгэй тэндэһээ шангаар иигэжэ хэлэхые дуулабаб: «Харалши, энэ Бурханай майхан гээшэ. Хүнүүдшье тэрэ майханда байна, Бурхан хододоо тэдэнтэй байха! Тэдэ хүнүүд Тэрэнэй арад зониинь болохо, Бурхан Өөрөөшье тэдэ хүнүүдтэй хамта ажаһууха, тэдэнэй Бурханиинь болохо.