Тоололго 18:1 - Библи

¹ Эзэн Аһароондо иигэжэ айладаба: – Ши, шинии үринэр, бүхы хотон бүлэтнай майхан һүмэдэ эсэргүү элдэб гэмэй түлөө харюусахат. Ши, мүн шинии үринэр санаартанай алба ябуулхада алдуу эндүү гарабал, мүн лэ харюусалгада татагдахат.

Тоололго 18:1 Referencias Cruzadas

Египедһээ гаралга 28:38

Аһарооной духа дээрэ уягдаха. Израиль угсаатанай оруулдаг үргэлэй зүйлнүүдтэ бүхы дутуу дундыень Аһароон өөр дээрээ абаха уялгатай. Аһарооной духа дээрэ тэрэ хабтаһаниинь ходо байха ёһотой – тиихэдээ үргэлынь Эзэнэй һанаанда таараха жэшээтэй.

Исай 53:11

Зобоһонойнгоо удаа Тэрэ баясаха, дэмы зобоогүйб гэжэ Тэрэ мэдэхэ. Минии Зүб Шударга Зараса Тэрэ олоной хэһээлтэ Өөр дээрээ даажа абаха.

Исай 53:6

Бидэ булта хонид мэтэ төөрижэ, хүн бүхэн өөр өөрын замаар ябаа. Харин Эзэн маанадай гэм зэмые бултыень Тэрээн дээрэ тохоо!

Эзэкээл 4:4

Тиигээд ши зүүн таладаа хэбтэжэ, Израилиин арад зоной гэм зэмые өөр дээрээ даажа хэбтэхэш.

Левит 10:17

– Таанад нүгэл сагааруулгын үргэлые арюун нангин газарта юундэ эдеэгүйбта? Энэ хадаа аргагүй ехэ нангинай нангин зүйл гээшэ. Тиигээд энэ арад зоной нүгэл даажа, тэрэ нүгэлыень Эзэнэй үмэнэ сагааруулхынтнай түлөө танда үгтэһэн гээшэ!

Левит 22:16

Нангин эдеэ бү эдиг, өөртөө муу юумэ татажа, зүгнэжэ болохогүй, юуб гэхэдэ, тэдэниие арюудхагша Эзэн гээшэб.

Левит 22:9

Нүгэл абаад, тэрээнһээ боложо үхэхэгүйн тула Минии захиргаа тэдэ дүүргэг, сахижа ябаг. Тэдэниие арюудхагша Би Эзэн гээшэб.

Тоололго 14:34

Таанад тэрэ газарые дүшэн үдэр соо тагнан шэнжэлээт. Тиимэһээ мүнөө хэһэн нүгэлэйнгөө түлөө дүшэн жэл соо тулиха зобохот, нэгэ үдэр нэгэ жэлтэй сасуу. Тиихэдээл таанад Намһаа холодолго ямар бэ гэжэ ойлгохот».

Тоололго 16:10

Таанадые, левидүүдые, Эзэн Өөртөө дүтэлүүлээ. Тиихэдэнь мүнөө таанад улам саашаа нэтэржэ, тахилай санаартад болохоёо эрмэлзэбэт.

Тоололго 17:13

Эзэнэй майхан һүмэдэ дүтэлһэн хүн бүхэн үхэдэг. Булта бидэнэр үхэхэмнай гээшэ гү?!

Тоололго 17:3

Левиин обогой һүлдэ тулгуур дээрэ Аһарооной нэрэ бэшэ. Обогой удамарша бүхэнһөө нэгэл тулгуур байха ёһотой.

Тоололго 17:7

Моисей тэдэ дулдынуудые Хэлсээнэй бэшэгэй хадагалагдажа байһан майхан һүмэ соо оруулжа, Эзэнэй урда табиба.

Тоололго 18:11

Израильшуудай асарһан бүхы үргэлнүүд шинии хубита бэлэг болохо. Шамда, шинии хүбүүд болон басагадта Би эдэ үргэлнүүдые хэтын хэтэдэ үгэнэб. Шинии гэр бүлын хүн бүхэн сээрлэжэ, нүгэл хээгүй һаа, тэдэ бэлэгүүдыем эдихэдэнь болохо.

Тоололго 3:6

– Левиин бүхы обогойхидые санаарта Аһароондо асаржа, тэрэнэй туһамаршад болго.

Хуули дабталга 10:8

Тэрэ үедэ Эзэн Левиин обогой зониие бусадһаа тусгаар илгажа, Өөрынгөө хэлсээнэй ханза абан ябахыень даалгаба. Тэдэнэр Эзэнэй урда зогсодог, санаартанай уялга дүүргэдэг, Тэрэнэй нэрээр зониие үреэдэг болобо. Мүнөөшье болотор тэдэ энэ ажалаа хэһээр.

Еврейнүүдтэ 13:17

Өөһэдынгөө хүтэлэгшэдэй мэдэлдэ байгты, захиралтануудыень дүүргэжэ байгты. Тэдэнэр һүүлдэнь алба хэһэн тухайгаа Бурханай урда тоосоо хэхэ ёһотой ушарһаа танай һүнэһэ һүлдэдэ үргэлжэ һанаагаа табидаг. Хэрбээ таанадай хүтэлэгшэдэйнгөө үгөөр байбалтнай, тэдэнэр баяртайгаар ажалаа хэхэ, үгы болбол, тэдэнэр гунигтайгаар үүргэеэ дүүргэжэ байха, тиимэ ажалынь таанадта ашаг туһагүйл.

Еврейнүүдтэ 4:15

Манай Ахамад Санаарта бидэнэй ядаруу тулюур байдал тухай һанаагаа зобонгүй ябажа шадахагүй. Тэрэ бидэндэл тон адли бүхы талаһаа туршуулбашье, нэгэшье нүгэл хээгүй.

Пётрой 1-дэхи хандалга 2:24

Бидэнэй нүгэл шэбэлһээ зайсажа, үнэн зүбөөр амидархымнай тула Иисүүс Өөр дээрээ нүгэл шэбэлыемнай даажа абаа, модон дээрэ үргэгдөө: Тэрэнэй шархаар таанад аршалагдан эдэгээт.

Ударидагшад 17:12

Михаа залуу хүбүүндэ һахил хүртүүлжэ, өөрынгөө санаарта болгобо.