Тоололго 16:5 - Библи

⁵ Коорахта болон тэрээнтэй үгэеэ нэгэдэн үгэсэлдэгшэдтэ иигэжэ хэлэбэ: – Үглөө үглөөгүүр Эзэн үнэхөөрөө хэн Тэрэнэйб, хэн арюун нангин бэ, Өөр руугаа хэниие дүтэлүүлдэг байха тухайгаа харуулха даа. Тэрэнэй шэлэһэн хүн лэ Тэрээндэ дүтэлдэг байха.

Тоололго 16:5 Referencias Cruzadas

Псалманууд 105:26

Сүл губида хосорхынь тула Тэрэ гараа далайгаа –

Псалманууд 115:10

Иерусалим, шинии тэгэн дунда, Эзэнэй нангин үргөөгэй хашаа дотор тангариглаһанаа бэелүүлхэб. Эзэндэ магтаал үргэгты!

Псалманууд 65:4

Бүхы дэлхэй урдатнай һүгэдэн байг лэ! Таниие магтаг, Танай нэрые алдаршуулаг!» [Хүгжэм]

Египедһээ гаралга 28:1

Израилиин үри һадаһад сооһоо шинии аха Аһароониие хүбүүдтэйнь дуудажа асара. Аһароон болон тэрэнэй хүбүүд Надааб, Абиһуу, Эльазаар ба Итамаар Минии санаартад болохо табилантай.

Египедһээ гаралга 28:41

Аһароон ахадаа, хүбүүдтэнь эдэ хубсаһа хунар үмдэхүүлэ. Аһарооной болон хүбүүдэйнь магнайда оливын тоһо түрхи, санаартан болгохо ёһолол бүтээ, арюудха. Тэдэ Минии санаартад болохо.

Египедһээ гаралга 28:43

Майхан һүмэ соо Бурхантай уулзадаг газарта ороходоо гү, али һүмэ соо үргэлэй үедэ үргэлэй шэрээдэ дүтэлхэдөө, Аһароон болон хүбүүдынь тэдэниие үмдэхэ ёһотой. Үгы гэбэл, тэдээндэ зэмэ тохогдожо, ами наһаяа алдаха. Аһароондо болон удамдань хэтын заабари тэрэ гээшэ.

Ерэмияа 30:21

Ударидагшань – тэдэнэй нэгэн, захирагшань – өөһэд дундаһаань тодорхо. Минии тэдэниие урихада, тэдэ дүтэлэн ерэхэ. Урилгагүйгөөр Нам руу дүтэлхэеэ зүрхэсэхэ хэн байхаб даа?

Ерэмияа 49:19

Иорданай шугы шэдхэһээ тунга ногоон бэлшээри руу ошожо байһан арсаландал Би гаража, Эдоомой улад зониие гэнтэ орон нютагһаань тэрьедүүлхэб. Минии шэлэһэн хүн арад түмэниие хүтэлбэрилхэ. Хэн Намтай зэргэсэжэ шадахаб? Хэн Минии урдаһаа тулажа шадахаб? Ямар удамарша урдаһаамни һөөргэдэхэб?

Ерэмияа 50:44

Иорданай шугы шэдхэһээ тунга ногоон бэлшээри руу ошожо байһан арсаландал Би гаража, Вавилооной улад зониие гэнтэ орон нютагһаань тэрьедүүлхэб. Минии шэлэһэн хүн арад түмэниие хүтэлбэрилхэ. Хэн Намтай зэргэсэжэ шадахаб? Хэн Минии урдаһаа тулажа шадахаб? Ямар удамарша урдаһаамни һөөргэдэхэб?

Эзэкээл 40:46

хойто хаалгануудай дэргэдэхи таһалга үргэлэй шэрээгэй дэргэдэ алба ябуулдаг санаартанай. Тэдэ болбол бултадаа Цадоогой үри һадаһад, ганса тэдэл Левиин обогһоо Эзэндэ алба ябуулхаар нангин үргөө руу орохо зүбшөөлтэй.

Эзэкээл 43:19

Цадоок санаартанай үри һадаһад, Левиин обогой санаартад, Минии нангин үргөө соо алба хэхэ эрхэтэй. Нүгэл сагааруулгын үргэл хэхэдэнь, буруу тэдээндэ үгөөрэй.

Левит 10:3

Моисей Аһароондо үгүүлбэ: – Эзэн энээниие айладаһан байгаал, иигэжэ үгүүлхэдээ: Намда дүтэ хүнүүд дээрэ Өөрын нангиниие харуулхаб; бүхы арад зоной үмэнэ Алдараа харуулхаб. Аһароон абяа аниргүй байба.

Левит 8:2

– Аһароон болон тэрээнэй хүбүүдые абаад, хубсаһа хунар, тоһолхо тоһо, нүгэл сагааруулгын үргэл болохо нэгэ буха, хоёр хуса, нэгэ түрсүүг эһээлтэгүй хилээмэ асара.

Малаахи 3:18

Тиихэдэ таанар дахяад Намда ерэхэт, һайн муугай, зүб буруугай хоорондохи илгаа, Бурханда һүгэдэдэг үнэн шударга хүнэй ба нүгэл үйлэдэгшын хоорондохи илгаа ойлгохот.

Тоололго 16:3

Тэдэнэр булта Моисей Аһароон хоёрто ерээд, иигэжэ хэлэбэд: – Болигты бидэндэ һургаал заабари хэлэхэеэ! Бидэнэр булта нангин бүлгэм гээшэбди! Маанадай дунда Эзэн байна! Таанад Эзэнэй арадһаа юугээрээ үлүү дээрэ болошоо юмта?

Тоололго 16:6

Харин мүнөө ши, Коорах, шамтай үгэеэ үгэсэлдэгшэд, иимэ юумэ хэгты: улаан согтой амһарта абаад,

Тоололго 17:5

Би таанадай дундаһаа нэгые шэлэхэдэм, һүлдэ тулгууртань ногоон набшаһан ургаха. Таанад руу ходо гэмэрэлдэжэ байдаг израильшуудай гэмэрэлдээе Би иигэжэ болюулхаб!

Тоололго 17:8

Үглөөдэрынь Моисей Хэлсээнэй бэшэгэй хадагалагдажа байһан майхан һүмэ соо оробо. Левиин уг гарбалай үенүүдые дамжан ябаһан Аһарооной һүлдэ тулгуурта ногоон набшаһад, сэсэгүүд ургажа, һалаануудтань бүйлсын һамар бии боложо байба.

Иоанн 15:16

Таанар Намайе шэлэжэ абаагүйт, харин Би таанадые шэлэжэ абааб, хүнүүдтэ ошожо, саг үргэлжын үрэжэл асархыетнай заяагааб. Тиин таанарай Минии нэрэһээ эриһэн, хүсэһэн бүхы юумыетнай Эсэгэмни үгэхэ.

Хэрэгүүд 1:24

– Эзэн, аа! Та хүнүүдэй һанал бодолые мэдэнэт. Тиимэһээ байха ёһотой газартаа ошохын тула албаяа хэхэеэ болиһон Иудын орондо алба хэжэ, элшэн болохыень эдэ хоёрой хэниие шэлэжэ абаһанаа бидэндэ харуулыт, – гэжэ суглараашад зальбарба.

Хэрэгүүд 13:2

Нэгэтэ тэдэнэй Эзэндэ алба хэжэ, масаглажа байхада Арюун Һүлдэ тэдээндэ: – Ямар үүргэ даалган Барнааба Саул хоёрые дуудаа һэнби, тэрэ хэрэгыемни бүтээхыень тэдэ хоёрые Намда табигты, – гэжэ хэлэбэ.

Хэрэгүүд 15:7

Арсалдаан гараһаар нилээд удаан сагай үнгэрһэн хойно Пётр бодожо: – Аха дүүнэрни! – гэбэ. – Бусад арадуудай дунда Һайн Мэдээсэл номнон этигэл түрүүлхымни тула Бурхан үни гэһээр намайе таанадай дундаһаа шэлэжэ абаа һэн гэжэ һайн мэдэнэт.

Хэрэгүүд 22:14

«Манай үбгэ эсэгэнэрэй Бурхан эрхэ хүсэлөө шамда мэдүүлхын тула Үнэн сэдьхэлтэниие шамда харуулхын тула, Тэрэнэй абяа дуулахыншни тула шамайе шэлэжэ абаа, – гэжэ Анания үргэлжэлүүлбэ. –

Эфесэйхиндэ 2:13

Харин мүнөө Иисүүс Христоостой нэгэдээд, урдань Бурханһаа холо байһан хүнүүд Христоосой шуһаар Тэрээндэ ойртобот.

Тимофейдэ 2-дохи 2:19

Тиигэбэшье Бурханай татаһан бата һуури хүдэлөөгүй. «Эзэн Өөрынгөө хүнүүдые мэдэхэ», «Эзэнэй харьяалда орооб гэжэ хэлэһэн хүн нүгэлтэ хэрэгүүдые хэхэеэ болихо ёһотой» гэһэн үгэнүүдтэй тамга тэрэ татагдаһан һууриндань табигданхай байна.

Еврейнүүдтэ 12:14

Хүн бүхэнтэй эбтэй эетэй байхые, арюун амидаралтай һуухые оролдожо байг, тиигээгүй хүнүүд Эзэн Бурханиие харахагүй.

Гэршэлгэ 1:6

Иисүүс Христоос бидэниие хаан түрэ дотор нэгэдүүлээд, Эсэгэ Бурхандаа алба хэдэг санаартаниинь болгоо. Иисүүс Христоосто хэтэ мүнхын алдар соло, эршэ хүсэн байхань болтогой!

1 Хаан түрэнүүд 2:28

Минии санаартан боложо, Минии үргэлэй шэрээдэ үндэрлэн гаража, санзай ууюулжа, Минии урда эфод үмдэн ябахынь тула Би Израилиин бүхы обогуудһаа тэдэниие шэлэн абаа бэшэ аалби? Израилиин зоной галаар үргэдэг бүхы үргэлнүүдһээ хуби абажа байхыень Би эсэгыншни гэр бүлэдэ зүбшөөгөө бэшэ аалби?