Тоололго 16:46 - Библи

⁴⁶ Моисей Аһароондо иигэжэ хэлэбэ: – Өөрынгөө бойпуур абаад, үргэлэй шэрээ дээрэһээ улаан сог болон уталга тэрээн соогоо хээд, аятай һайхан үнэр хангалтуулан, арад зондоо түргэн ошожо, тэдэниие аршалан арюудха. Ушар юуб гэхэдэ, Эзэнэй уур сухал хүрэжэ, гай тодхор эхилбэ, тэрэниие болюулха хэрэгтэй!

Тоололго 16:46 Referencias Cruzadas

1 Угай бэшэг 27:24

Цэруяагай хүбүүн Ёһааб тооложо эхилһэн аад, тиигээд дүүргээгүй. Энэ хэрэгэйнь түлөө Бурхан Израильда ехээр сухалдаа. Давидай угай бэшэгтэ тоо бүридхэлдэ тиигээд оруулагдаагүй юм.

Псалманууд 106:29

Тэрэ шуурга номгоруулжа, нам гүм болобо, долгинууд шааяхаа болибо.

Псалманууд 141:2

Урдань гомдолоо урасхуулнам, зоболонгоо Тэрээндэ хөөрэнэм.

Левит 10:6

Моисей Аһароон болон тэрээнэй Эльазаар Итамаар хоёр хүбүүдтэнь хэлэбэ: – Үхэхэгүйн тула, уур хилэнгэйнь хамаг хүн зондо хүрэхэгүйн тула толгойгоо бү нюсэгэлэгты, хубсаһаа бү хахалагты, юрэдөө, гай гашуудалаа бү харуулагты. Зүгөөр Эзэнэй галаар дүргэгдэһэн тухай танай аха дүүнэр, бүхы израильшууд уйдхар гашуудалаа харуулхадань болохо.

Левит 9:24

Гэнтэ Эзэнһээ гал ялабхин бадараад, үргэлэй шэрээ дээрэ байгша түгэс шатаалта үргэл ба өөхэ шатаажархиба, энээнииень арад зон хараад, баярлаһандаа хашхаралдан, уруугаа харан унаба.

Аввакуум 3:5

Урдань тахал үбшэн ябана, хойноһоонь һүйдхэлтэй хамшаг дахана.

Малаахи 1:11

«Наранай гараад ородог газар хүрэтэр нэмжыһэн дэлхэйдэ Минии нэрэ үргэмжэлэгдэхэ. Газар бүхэндэ Минии нэрэдэ арюун сэбэр үргэл үргэдэг, уталга санзай ууюулдаг болохо». Тиигэжэ Түмэн Сэрэгтэ Эзэн айладаба.

Тоололго 1:53

Израильшуудта гай тодхор ушархагүйн тула левидүүд Гэршэлгын майхан һүмын хажууда хотон хүреэнээ баряад, Гэршэлгын майхан һүмэеэ харууһалан харуулда зогсохо ёһотой.

Тоололго 11:33

захаһаань шанажа, шаража, бэе бэеһээ үрдилдэжэ, хүсэд жажалангүйгөөр, тэдэнэй залгин хомхойрходонь, Эзэнэй сухал дэлбэржэ, садахаяа мэдэдэггүй хэжэг үбшэ тэдэнэй дунда дэлгэрүүлбэ.

Тоололго 18:5

Дахяад израильшуудта Минии дураа гутан уурлахагүйн тула нангин һүмын, үргэлэй шэрээгэй ажалые сахин таанад өөһэдөө харюусаха болонот.

Тоололго 25:13

Баталһан хэлсээмни иимэ: тэрэнэй гэр бүлэ хододоо санаартад болохо. Ушар юуб гэхэдэ, тэрэ өөрынгөө Бурханда оролдосотойгоор хандажа, иимэ үйлэ хэрэг бүтээгээд, израильшуудай гэмые сагааруулаа.

Тоололго 25:8

израиль хүбүүнэй хойноһоо дахан ошожо, майхан соонь оромсоороо тэдэ хоёрые хадхажа алаба. Тэдэниие алахадань, тэрэ үедэ израильшуудай дунда дэлгэрэн тараһан үхэл тахал замхаба.

Тоололго 8:19

Бүхы израильшуудай дундаһаа левидүүдые шэлэжэ абаад, тэдэниие Аһароондо ба тэрэнэй хүбүүдтэ үгэбэб. Тэдэнэр майхан һүмын дэргэдэхи алба гүйсэдхэжэ, бүхы израильшуудай энхэ амгалан байхын түлөө алба хэхэ. Усадхалда орохогүйн тула израильшууд нангин газарта дүтэлхэ ёһогүй.

Хуули дабталга 9:22

Табэраада, Массаада, Киброот-Һа-Таһаваада байхадаа таанад Эзэниие мүн лэ сухалдуулаат.