Тоололго 16:22 - Библи

²² Моисей Аһароон хоёр нюураараа газар дэрлэн унажа зальбараад, Эзэндэ иигэжэ хэлэбэ: – Өө, хүлисыт, Бурхан, амиды голтой алишье амитанай Бурхан! Ори ганса хүнэй нүгэл хэхэдэнь, бүхы арад зондо Та уураа бү гаргыт!

Тоололго 16:22 Referencias Cruzadas

Эхин 18:32

Абраһаам дахин: – Эзэмни намда бү уурлаг, дахин Танһаа зүрхэлжэ асууя. Гэнтэ тэндэ иимэ арбахан лэ хүнэй байбал, Та хотые усадхангүй үлөөхэ гүт? – гэбэ. Эзэн: – Зай, тэрэ арбан хүнэй түлөө хотые дүмэхэб, – гээ һэн.

2 Хаан түрэнүүд 24:1

Эзэн дахин Израильда уурлан хилэнтэжэ, Давидые арад зоной урдаһаа идхан баадхаба: – Ябаад, Израилиин болон Иудын улад зоной тоо бүридхэгты.

2 Хаан түрэнүүд 24:17

Арад зониие усадхажа байһан Эльгээмэлые хараад, Давид Эзэндэ зальбарба: – Нүгэл үйлэдэн, буруу зүйл хэһэн хүн бил гээшэб. Харин эдэ зон хонид мэтэ, ямар муу юумэ хээ юм? Та намайе болон минии гэр бүлые хэһээгыт.

Иоов 12:10

Амитан бүриин амидарал, хүнэй ами наһан Тэрэнэйл гарта байна.

Экклезиаст 12:7

Газарай тооһонһоо гараһан зүйл тэндээ бусажа, һүлдэнь тэрэниие үгэһэн Бурхандаа бусаха болоно.

Исай 57:16

Би зониие хэтэ гэмнэжэ байхагүйб, уур хилэмни таһалгаряагүй бэшэ. Ондоо байгаа бол Минии урда тэдэнэй һүлдэ, Минии байгуулагша халуун амид хүсэгүй болохо бэлэйл.

Ерэмияа 32:27

– Би болбол бүгэдэ зоной Бурхамби, Эзэмби. Юуншье намда хүшэр хүндэ бэшэ юм.

Ерэмияа 38:16

Тиихэдэм Цэдэкиия хаан нюусаар намда тангариглажа, «Бидэндэ ами наһа бэлэглэһэн Бурханаар тангаригланаб, би шамайе саазалхагүйб, алахаяа һанаашадташье үгэхэгүйб», – гэбэ.

Эзэкээл 18:4

Хүн бүхэнэй – эхэ, эсэгын, үхибүүнэйнь – ами наһан Минии мэдэлэй. Нүгэл үйлэдэгшэ хэн нэгэн өөрынгөөл хэһэнэй түлөө хосорхо.

Левит 10:6

Моисей Аһароон болон тэрээнэй Эльазаар Итамаар хоёр хүбүүдтэнь хэлэбэ: – Үхэхэгүйн тула, уур хилэнгэйнь хамаг хүн зондо хүрэхэгүйн тула толгойгоо бү нюсэгэлэгты, хубсаһаа бү хахалагты, юрэдөө, гай гашуудалаа бү харуулагты. Зүгөөр Эзэнэй галаар дүргэгдэһэн тухай танай аха дүүнэр, бүхы израильшууд уйдхар гашуудалаа харуулхадань болохо.

Левит 4:3

һахил хүртэһэн санаартын нүгэл хилэнсэ хээд, арад зоноо гэмтэй болгоо һаань, нүгэлэйнгөө түлөө тэрэ нүгэл сагааруулгын үргэл гэжэ зэмдэг дутагдалгүй нэгэ буруу Эзэндэ үргэг.

Захарияа 12:1

Үзэл: Израиль тухай Эзэнэй үгэ. Тэнгэри дэлгэжэ, дэлхэйн һуури табиһан, хүнэй һүнэһэ һүлдэ доторынь бии болгоһон Эзэн тунхаглажа байна:

Тоололго 14:5

Моисей Аһароон хоёр бүхы израильшуудай урда нюураараа газар дэрлэн унаба.

Тоололго 16:23

Тиихэдэнь Эзэн Моисейдэ иигэжэ айладаба:

Тоололго 16:4

Моисей тэдэнэй хэлэхые шагнажа, уруугаа харан унаад,

Тоололго 16:45

– Эдэ хүнүүдһээ таанад холо бологты. Энэ дары эдэниие үгы хэхэм! Моисей Аһароон хоёр нюураараа газар дэрлэн, Эзэндэ һүгэдэн зальбарбад.

Тоололго 27:16

– Та ямаршье амитанай амидаралай ба нүгшэлгын Эзэн Бурхан мүн. Энэ арадые ударидаха хүниие томилыт гэжэ би Таниие гуйнаб.

Римэйхиндэ 5:18

Тиимэһээ нэгэ нүгэлэй бүхы хүнүүдые гэмнэн буруудхажа байхада, үнэн зүб нэгэ хэрэгэй ашаар хүн бүхэн үнэн сэдьхэлтэй болоно, ами наһанда хүртэнэ.

Коринфынхидтэ 1-дэхи 13:7

Хайра дуратай хүн хэзээшье орхидоггүй, ходо этигэдэг, найдадаг, бүхы юумэ тэсэбэритэйгээр дабадаг.

Еврейнүүдтэ 12:9

Газар дэлхэйдэхи эсэгэнэрэйнгээ маанадые хэһээхэдэ бидэ тэдэниие хүндэлдэг һэмди. Тиимэһээ бидэ тэнгэриин Эсэгынгээ мэдэлдэнь бүрин байха ёһотойбди.

Нүүнэй Иисүүс 22:18

Таанар мүнөө Эзэнһээ хазагайрнат! Мүнөөдэр Эзэнэй урдаһаа буһалгаатанат, үглөөдэр Эзэн бүхы Израилиин олондо сухалаа хүрэхэ!