Тоололго 16:15 - Библи

¹⁵ Моисей аргагүй ехээр уурлажа, Эзэндэ иигэжэ хэлэбэ: – Эдэнэй нэгэндэшье би муу юумэ хээгүйб. Эдилгэ болгожо нэгэшье элжэгэ абаагүйб. Эзэн, тэдээнһээ үргэл бэлэг бү абыт!

Тоололго 16:15 Referencias Cruzadas

2 Хаан түрэнүүд 22:22

Юуб гэбэл, Эзэнэй замһаа хадуураагүй, өөрын Бурханһаа буруу харан, мууе хээгүйм түлөө.

Египедһээ гаралга 32:19

Хүреэндэ дүтэлхэдөө, Моисей алтан тугалыень хараба. Зугаа дэлгэжэ, хатаржа байһан зониие хараба. Уур сухалда абтаһан Моисей абажа ерэһэн шулуун хабтаһануудаа хадын хормойдохи газарта биса хаяба.

Һургаал 21:27

Нүгэлтэнэй үргэһэн үргэлыншье бузартай, илангаяа хорон муу һанаагаар үргэһэн үргэл бүришье муухай.

Тоололго 12:3

Моисейһээ бэшэ даруу номгон зантай хүн энэ дэлхэй дээрэ үгы байгаа.

Тоололго 16:16

Моисей Коорахта иигэжэ хэлэбэ: – Ши болон шамтай үгэеэ үгэсэлдэгшэд үглөөдэр Эзэнэй урда зогсогты. Ши, шамтай үгэеэ нэгэдэн үгэлсэгшэдтэй хамта Аһароон тэндэ байлсаха.

Матвей 5:22

Хүндэ дэмы уурлаһан хүн зарга шүүбэридэ орохо зэргэтэй гэжэ Би мүнөө таанадта хэлэнэб. Хүниие «рака» гэһэн хүн Зүблэлэй гэшүүдэй заргада үгтэхэ ёһотой; хүниие «тэнэг» гэһэн хүн гал тамада унаха ёһотой гэжэ Би таанадта хэлэнэб.

Марк 3:5

Иисүүс тэдэниие сухалтайгаар хараад, зүрхэ сэдьхэлэйнь мохооршоһондо уйдан гашуудажа, үбшэн хүндэ хандан: – Гараа һарбай, – гэбэ. Үбшэн хүнэй гараа һарбайхадань, хатаһан гарынь эдэгэшэһэн байба.

Коринфынхидтэ 1-дэхи 9:15

Гэхэтэй зэргэ би энэ дурдаһан эрхэнүүдээ нэгэтэшье хэрэглээгүй һэнби, тиин эрхэеэ мэдүүлхын тулашье энэ бүхэниие мүнөө бэшэнэгүйб. Тиигээ һаа, үхэбэлни дээрэ. Хэншье минии хүлһөөрөө олоһон магтаалые хооһон үгэ болгожо шадахагүй.

Коринфынхидтэ 2-дохи 1:12

Энэ дэлхэйдэ байхадаа, илангаяа таанадтай харилсахадаа, бидэ Бурханһаа үгтэһэн үнэн сэхэ, арюун сэбэр ажамидаралтай байгаабди, һэшхэл бодолнайшье тэрэниие батална, тиимэһээл бидэ ехэл бахархадагбди. Бидэ хүнэй сэсэн ухаагаар бэшэ, харин Бурханай үршөөлөөр тиигэжэ ажамидараабди.

Коринфынхидтэ 2-дохи 7:2

Маанадта дуратай байһанаа харуулыт даа. Бидэ хэнииешье мэхэлээгүйбди, хэнииешье дээрмэдэн хооһолоогүйбди, хэн дээрэшье баяжаха гэжэ оролдоогүйбди.

Эфесэйхиндэ 4:26

Уур сухалда абтаһаншье һаа, нүгэл шэбэл бү үйлэдэгты, наранай орохоһоо урда уур сухалтнай бууран намдаг.

Фессалоникиинхидтэ 1-дэхи 2:10

Та һүзэглэгшэдтэ бидэ арюун һайханаар, үнэн сэхээр хандадаг һэмди. Бидэниие зэмэлхээр юумэн үгы. Таанад өөһэдөөшье, Бурханшье тэрэниие гэршэлхэ.