Тоололго 16:14 - Библи

¹⁴ Шинии хойноһоо юундэ дахаха болообибди? Эзэнэй үгэхэб гэһэн эдеэ хоолоор элбэг дэлбэг газарта бидэниие асараа гүш? Үзэм жэмэстэ мододой ургадаг үрэжэлтэй газар бидэндэ үгөө аалши? Бидэниие энэ үгөөр мэхэлхэ гэжэ борохон ухаандаа оруулаа гүш? Бидэнэр ошохогүйбди!

Тоололго 16:14 Referencias Cruzadas

Египедһээ гаралга 22:5

Хулуулгаһан мал хулгайшанда амидыгаар олдоо һаань, хулгайшан нэгэ бухын, элжэгэнэй гү, али хониной түлөө хоёрые үгэхэ ёһотой.

Египедһээ гаралга 23:10

Зургаан жэлэй туршада таряагаа тарижа, ургасаа хуряажа бай.

Египедһээ гаралга 23:11

Долоодохи жэлдэнь эдлүүри хэнгүй орхёорой. Угсаатанайш үгытэйшүүл ургасын үрэ олобол, эдиг, үлэһыень ан гүрөөлшье эдиг, хамаагүй. Уһан үзэмэй ба оливын модоной тарилга баһал тиихэ юм.

Египедһээ гаралга 3:17

Таанадые Би Египедэй дарлалтаһаа зайлуулжа, ханаһаан, хээт, эмоор, пэриззии, хиив ба евүүс угсаатанай һуудаг, һү тарагаар, бал тоһоор дэлбэржэ байдаг нютагта абаашахам».

Египедһээ гаралга 3:8

Египедэй гарһаа аршалан мулталжа, һү тарагай, бал тоһоной дэлбэржэ байдаг үргэн һайхан нютагта, ханаһаан, хээт, эмоор, пэриззии, хиив, евүүс угсаатанай газарта абаашаха гэжэ Би газар түбидэ буужа ерээб, – гэжэ Эзэн айладаба. –

Левит 20:24

«Үрэжэлтэй һайхан энэ газарые таанадай харьяата газар болохо,» – гэжэ найдуулаа һэм. Тиигээд мүнөө тэрэниие үгэнэб. Би танай Эзэн гээшэб, таанадые бусад арадуудһаа илган шэлээ һэм.

Тоололго 13:27

Тэдэ Параанай сүл губидахи Кадээшэй хажууда байһан хотон хүреэнүүдтэ бусажа, Моисейдэ, Аһароондо болон түрэл арадтаа хараһан-үзэһэнөө бултыень хөөрэжэ, тэндэхи газарһаа асарһан үзэм жэмэсээ улад зондоо харуулба.

Тоололго 14:8

Эзэн бидэндэ энэрхы һаа, эдеэ хоолоор дэлбэржэ байдаг үрэжэлтэй тэрэ газарта бидэниие дахуулжа, үгэг лэ бидэндэ тэрэ газар.

Тоололго 20:5

Бидэниие юундэ Египедһээ гаргажа, энэ муу газарта асараабта? Балгаха уһагүй энэ газарта инжир, уһан үзэм, анар модод, таряа талхан огто ургахагүйл!

Ударидагшад 16:21

Пилиштүүд тэрэниие барижа, нюдыень тэһэ хадхаад, Гааза асархадаа, тэрэниие хүрэл хоёр гэнжээр гэнжэлбэ. Тиигээд тэрэниие түрмэдэ һуулгажа, тэндэ һуугшадтай хамта шэниисын хоолос сохилгондо зараба.

1 Хаан түрэнүүд 11:2

Аммоон хүн Наһааш тэдээндэ: – Би таанадтай иимэ гуримаар хэлсээ баталхаб: хүн бүхэнэйтнай баруун нюдые тэһэлжэ, бүхы Израилиин нэрэ гутаахаб, – гэбэ.