Тоололго 15:15 - Библи

¹⁵ Энэ хуули, гурим сахилга Эзэнэй арадшье, ерүүл зоншье хэтын хэтэдэ сахиха ёһотой. Эзэндэ шүтэдэг таанадта, эндэхи ерүүл зондошье Энэ хуули үеһөө үедэ мүнхэ байг!

Тоололго 15:15 Referencias Cruzadas

Эстээр 9:27

өөһэд хоорондоо болон үеһөө үедэ дамжуулан, захин хэлсэжэ, иудей угай хүн бүхэн тэрэ хоёр үдэрые жэл бүри тэрэл һарадаа, тэрэл үдэртөө Мордохайн заабарилһанай ёһоор заабол тэмдэглэхэ заншал тогтоогоо бэлэй.

Египедһээ гаралга 12:14

Энэ үдэрые дурсажа байгты. Хойшодоо үеын үедэ энэ Эзэнэй һайндэр гэжэ тэмдэглэжэ байгты. Энэтнай таанадта хэтын тогтоол болоно.

Египедһээ гаралга 12:24

Энэ хадаа нангин тогтоол болохонь дамжаггүй, таанар болон үри һадаһантнай сахижа ябуужаг.

Египедһээ гаралга 12:43

Эзэн Моисей Аһароон хоёрто зарлиг болобо: – Энэ Паасхын ёһо гээшэ: ондоо угсаата хэншье эдихэ ёһогүй.

Египедһээ гаралга 12:49

Удамайшье хүндэ, танай дунда һуудаг ерүүлшье хүндэ хуули адли байха зэргэтэй.

Египедһээ гаралга 28:43

Майхан һүмэ соо Бурхантай уулзадаг газарта ороходоо гү, али һүмэ соо үргэлэй үедэ үргэлэй шэрээдэ дүтэлхэдөө, Аһароон болон хүбүүдынь тэдэниие үмдэхэ ёһотой. Үгы гэбэл, тэдээндэ зэмэ тохогдожо, ами наһаяа алдаха. Аһароондо болон удамдань хэтын заабари тэрэ гээшэ.

Левит 24:22

Ерүүл зондошье, нютагай зондошье адли, танда нэгэл зарга шүүбэри байха ёһотой. Юуб гэхэдэ, Би Эзэн Бурхантнайб».

Тоололго 10:8

Санаарта Аһарооной уг удам бүреэ үлеэхэ ёһотой. Энэ хуули хэтын хэтэдэ таанадта болон таанадай уг гарбалнуудта үгтэнэ.

Тоололго 15:14

Таанадай дунда ажаһуудаг хари зон ба ерээдүй сагта уг удамайтнай дунда ажаһуулсаха ерүүл зон таанадтал адляар Эзэндэ һайхан хэншүү уталгата үргэл үргэхэ ёһотой.

Тоололго 15:29

Энэ хадаа израильшуудай үндэһэн зондо, хамта тэдэнтэй ажаһуудаг ерүүл хүнүүдтэ эндүүржэ хэһэн нүгэлһөөнь арюудхалгын нэгэн адли хуули мүн.

Тоололго 18:8

Эзэн Аһароондо иигэжэ айладаба: – Улад зоной Намда асарһан нангин бүхы үргэл бэлэгүүдыень Би шамда Өөрөө даалганаб. Би шамда нангин тэдэ бэлэгүүдые үгэнэб. Ши, шинии үринэр үргэлэй тэдэ бэлэгүүдһээ өөһэдынгөө хубитые абахат. Абадаг тэрэ хубитнай хэтын хэтэдэ таанадай болохо.

Тоололго 9:14

Хэрбэеэ таанадай дунда ажаһуудаг ерүүл зон таанадтай хамта Эзэнэй зарлиглаһан Паасха һайндэрлэхэ гэбэл, тэдээндэ һайндэрлэлгэ зүбшөөгдэнэ. Зүгөөр тэдэ зон Паасхын хуулита бүхы ёһо гуримуудые сахиха ёһотой. Ушар юуб гэхэдэ, эдэ хуулита ёһо гуримууд бултанда зорюулагдана.

Галадуудта 3:28

Тиимэһээ мүнөө еврейнүүд, бусад арадуудшье илгаагүй, барлагууд, сүлөөтэйшүүлшье илгаагүй, эрэшүүл, эхэнэрнүүдшье илгаагүй. Таанад булта мүнөө нэгэн адли боложо, Иисүүс Христоостой нэгэдэбэт.

Колоссынхидтэ 3:11

Эсэстээ грегүүдэй болон иудейнүүдэй хоорондо, отолуулһан болон отолуулаагүй хүнүүдэй хоорондо, хариин болон зэрлиг зоной хоорондо, барлагуудай болон сүлөөтэй хүнүүдэй хоорондо ямаршье илгаа үгы юм, гансал Христоос бии, тиин бүхы юумэн Христоос, бүхы юумэн соо Христоос байха.

Нүүнэй Иисүүс 8:33

Бүхы Израиль, тэрээнэй ахамадууд ба хинадаг дарганар, зарга шүүгшэд Эзэнэй хэлсээнэй ханза үргэһэн шажанай албатан левидүүдэй урда ерүүлшье, анханай байһаншье хоёр талаһаа зогсоо; нэгэ хахадынь Гэризиим хадын хажууда, нүгөө хахадынь Эбаал хадын хажууда урдань Эзэнэй богоол Моисейн захирһанай ёһоор Израилиин арадые үреэл хэшэгтээ хүртээхэеэ зогсоо.

1 Хаан түрэнүүд 30:25

Тэрэ үдэрһөө хойшо Давидай энээниие Израилиин сахиха хуули, тогтоол болгоһониинь мүнөө болотор дамжан ерэнхэй.