Тоололго 14:9 - Библи

⁹ Эзэнэй урдаһаа эсэргүүсэн таанад бү бодогты! Тэрэ орон нютагай арадһаа таанад бү айгты! Тэдэниие бидэ илахабди! Тэдээндэ ямаршье аршалалта үгы. Тиихэдэнь Эзэн бидэнтэй хамтал! Тэдээнһээ таанад бү айгты!

Тоололго 14:9 Referencias Cruzadas

Эхин 48:21

Һүүлээрнь Израиль Иосифто хэлэбэ: – Абашни удахагүй хада гэртээ харихань. Харин Бурхан таанадтай хамта байжа, үбгэ эсэгэнэрэйтнай нютаглан байһан Ханаһаан орон таанадые бусаан абаашаха.

2 Угай бэшэг 13:12

Харыт, маанадые ударидан, бидэнтэй хамта Бурхан байна, урдаһаатнай байлдаа эрхилһэнэй дохёо үгэдэг үхэр бүреэнүүдтэеэ хамта Бурханай санаартад бии. Израилиин улад зон! Элинсэг хулинсагайнгаа Эзэн Бурханай урдаһаа байлдаа бү үүдхэгты. Юуб гэбэл, амжалта туйлахагүйт.

2 Угай бэшэг 15:2

Тэрэ Асаада ерэжэ, иигэжэ хэлэбэ: – Асаа болон Иудын, Бэньямиинэй улад зон, намайе шагныта! Эзэнтэй хамта байбалтнай, Тэрэ таанадтай хамта оршохо. Тэрэниие бэдэрээ һаа, олохот; харин Эзэниие орхиболтнай, Тэрэ таанадые орхихо.

2 Угай бэшэг 20:17

Энэ удаа таанад дайлалдана бэшэт, һуурияа эзэлэн зогсожо, Эзэнэй таанадта үршөөһэн илалта харан байгты. Иудын болон Иерусалимай улад зон, бү айгты, һүрдэн бү сошогты. Үглөөдэр тэдэнэй урдаһаа добтологты, Эзэн таанадтай хамта!

2 Угай бэшэг 32:8

Тэрэ хүнэй талаар хүсэтэй, харин маанадтай хамта Эзэн Бурхамнай! Тэрэ бидэндэ туһалха, байлдаануудта маанадтай хамта дайлалдаха. Арад зон хаанайнгаа үгэнүүдые шагнаад, шанга зоригтой болобо.

Нэхэмьяа 4:14

Би бултыень хараһанай һүүлээр ноёд һайдта, дарганарта, бусад зондо иигэжэ хэлэбэб: – Бү һүрдэн айгты! Агууехэ, аймшагтай Эзэнээ һанан дурдагты, мүн тиигээд, өөһэдынгөө гэрнүүдэй, өөһэдынгөө һамгадай, өөһэдынгөө хүбүүд, басагадай, өөһэдынгөө аха дүүнэрэй түлөө тэмсэн бодогты!

Псалманууд 106:24

Эзэнэй хэрэгүүдые харана, гүн уһан дундуур үйлэдэгшэ гайхамшагта хэрэгүүдынь үзэнэ.

Псалманууд 121:5

Эндэ зарга шүүбэриин сэнтиинүүд, Давидай хан түрын сэнтиинүүд табяатай.

Псалманууд 14:4

Шоодбори хүн Тэрэнэй нюдэндэ жэгшүүритэй, гэбэшье Эзэнһээ айдаг зониие Тэрэ хүндэлдэг. Хэн нэгэндэ тангариг үргэбэл, тэрэнээ заабол бэелүүлдэг.

Псалманууд 46:7

Бурханда магтаал үргэгты, магтаал үргэгты! Хаандамнай магтаал үргэгты, магтаал үргэгты!

Псалманууд 46:8

Юуб гэбэл, Бурхан хадаа бүхэдэлхэйн Хаан мүн! Ирагуу үгэнүүдые дуулан үргэгты!

Псалманууд 91:1

[Псалма. Амаралтын үдэрэй дуун.]

Египедһээ гаралга 14:13

– Бү айгты! – гэжэ Моисей арад зондо хэлэбэ. – Хаража байгаарайгты, Эзэн таанадые абарха. Мүнөө египет сэрэгшэдые хаража байнат – харин саашадаа тэдэниие үзэхэшьегүйт!

Египедһээ гаралга 33:16

Угсаата арадтаа талархажа байһанайтнай гэршэ ямар бэ? Маанадтай ябаха гээшэтнайл болоно! Тиибэл, дэлхэйн ондоо арадуудһаа бидэниие үлүү тооһонойтнай гэршэ энэ мүн лэ даа.

Исай 1:2

Огторгой, соносо, газар дэлхэй, шагна! Эзэн иигэжэ айладана: «Тэжээн үндылгэһэн хүүгэдни урдаһаамни эсэргүүсэн бодобол.

Исай 32:2

Эдэ удамаршадай хүн бүхэниинь һалхинһаа хорохо газар, шуурганһаа халхалха халхабша мэтэ, хуурай газараар урдагша уһанай һубаг, ангаһан-хатаһан газарта үндэр хабсагайн һүүдэр мэтэ болохо.

Исай 41:10

Бү айгты, Би таанадтаяа хамтаб! Би таанадай Бурхамби, тиимэһээ бү һанаагаа зобогты! Би таанадые хүсэтэй болгожо, туһалхаб! Таанадые хамгаалжа, абархаб!

Исай 41:14

Жаахан, хүсэгүй Израиль, бү ай, Би шамда туһалхаб. Би болбол Израилиин арюун Бурхан, таанадай Абарагша мүн.

Исай 63:10

Харин арад түмэниинь урдаһаань эсэргүүсэжэ, Тэрэнэй Арюун Һүлдые гомдохообо. Тиимэ ушарһаа Эзэн эрьен, тэдэнэй дайсан боложо, урдаһаань дайлаһан юм.

Ерэмияа 42:11

Вавилооной хаанһаа бэшэ бү айгты. Би таанадтайб, тэрэнэй мэдэлһээ Би таанадые абархаб.

Ерэмияа 48:45

Тэрьедэжэ байгаашад хүсэгүй болоходоо Сиһоон хаанай хэзээ нэгэтэ зонхилжо байһан Хэшбоон хотодо хорохоёо һанаха, теэд гал дүлэн тэндэһээ гаража, Моһаабай хилэ дайдануудые, хадын оройнуудые хайран галдаха.

Даниил 9:5

Харин бидэ нүгэлтэйбди, гэм хээбди, буруугаар юумэ үйлэдөөбди, үсэрэлдөөбди, ёһо гуримуудыетнай, хуули ёһонуудыетнай хазагайруулаабди.

Даниил 9:9

Эзэн Бурхамнай маанадые энэрэл хайраараа орхингүй, хүлисэг лэ. Бидэ урдаһаань эсэргүүсээбди,

Тоололго 13:30

Амалээгүүд Нээгэбта ажаһууна. Хадалиг газарта хээдүүд, евүүсүүд, эмооршууд ажаһууна. Ханаһаанууд далай шадар, Иордан мүрэнэй эрьеэр ажаһууна.

Тоололго 17:6

Эзэнэй энэ зарлигые Моисейн арад зондоо хэлэжэ үгэхэдэнь, обогуудай ударидагшад тулажа ябадаг дулдынуудаа тэрээндэ асаржа үгэбэд. Арбан хоёр дулды сугларба. Аһарооной тулгууршье байба.

Тоололго 20:2

Ууха уһанай байхагүйдэ, улад зон Моисей Аһароон хоёрой урдаһаа үгэсэлдэжэ,

Тоололго 24:8

Тэрэ арадые Бурхан Египедһээ гаргаа, тэдээндэ зэрлиг бухын түргэн гүйдэл бии. Харша арадуудые залгижа, яһынь бутаргажа, годлинуудаараа бэеынь нэбтэ харбана.

Матвей 1:23

«Басаган хээлитэй болоод, хүбүү түрэхэ, Тэрээниие Эммануил гэжэ нэрлэхэ», энэ нэрэнь Бурхан бидэнтэй хамта гэһэн удхатай.

Римэйхиндэ 8:31

Эдэ бүхэн тухай бидэ юун гэжэ хэлэхэбибди? Хэрбээ Бурханай манай талада байбал, маанадта эсэргүүсэһэн хүн байха аал?

Хуули дабталга 1:26

Теэд таанад тиишээ ошохо дурагүй, Эзэн Бурханайнгаа урдаһаа һөөргэдөө бэлэйт.

Хуули дабталга 1:29

Би таанадта иигэжэ хэлээ һэм: «Тэдэнһээ бү сошогты, бү айгты.

Хуули дабталга 31:6

Хатуу шанга, эрэлхэг зоригтой байгты, тэдээнһээ бү айгты, бү һүрдэгты, юуб гэхэдэ, Эзэн Бурхантнай таанадтай хамта ябана. Тэрэ таанадые орхихогүй, хаяхагүй.

Хуули дабталга 31:8

Эзэн Өөрөө шамайе хүтэлэн ябаха, Тэрэ шамтай байха, шамайе орхихогүй, хаяхагүй. Бү ай, бү һүрдэ!

Хуули дабталга 32:42

годлинуудтаа шуһа һоруулхаб, Минии һэлмэ зоной мяха эдихэ, алуулһан, баряанда абтаһан зоной шуһа ууха, дайсанай удамаршадай толгойнуудые сабшаха!»

Хуули дабталга 7:18

Теэд тэдээнһээ бү айгты! Фараондо, мүн бүхы улад зондонь Эзэн Бурханайтнай юу хэһые һанаад үзыт.

Хуули дабталга 7:21

Тэдэ арадуудһаа бү һүрдэгты, юуб гэхэдэ, Эзэн Бурхантнай – агууехэ, һүрөөтэй Бурхан. Тэрэ таанадтай хамта байна.

Хуули дабталга 9:7

Элһэн сүл губида Эзэн Бурханаа сухалдуулһанаа оройдоошье бү мартагты. Египедэй газар дайдаһаа гараһан үдэрһөө хойшо энэ газарта ерэтэрээ Эзэндэ таанад эсэргүүсээт.

Филиппынхидтэ 1:27

Эдэ бүгэдэндэ нэмэжэ хэлэбэл, таанад Христоос тухай Һайн Мэдээсэлэй һургаһан ёһоор амидарха ёһотойт. Тиимэһээ таанадта ошоно гүб, али ошонгүй байна гүб, таанад булта нэгэ зорилготой, Һайн Мэдээсэлэй һүзэгэй түлөө һанал нэгэн тэмсэнэт гэжэ дуулаһайб.

Нүүнэй Иисүүс 1:5

Шинии бүхы наһан соо хэншье шамтай тэнсэхэгүй; Моисейн хажууда байһандал адли Би хажуудаш байхаб: шамһаа холодохогүйб, шамайе орхихогүйб.

Нүүнэй Иисүүс 14:12

Тиимэһээ Эзэнэй тэрэ үдэр хэлэһэн энэ хадые намда үгэ. Тэндэ Анаагай хүбүүд һууна гэжэ тэрэ үдэр ши дуулааш, тэдээнэй хотонууд томо ба бэхилэгдэһэн; Эзэнэй намтай ябаа һаань, тэрээнэй хэлэһэн ёһоор би тэдээниие үлдэхэб.

Ударидагшад 1:22

Иосифой уг удамууд дайлалдахаяа Бэт-Ээл хото тээшэ ошобо. Эзэн тэдэнтэй хамта ябалсаба.