Тоололго 14:33 - Библи

³³ Таанадай бултадаа энэ сүл губида үхэтэр, таанадай Намда үнэн сэхэ бэшэ ябаһанай түлөө үри хүүгэдтнай тэнэжэ, сүл губида дүшэн жэл соо зобохо.

Тоололго 14:33 Referencias Cruzadas

Псалманууд 107:4

Эзэн, арадуудай дунда Таниие алдаршуулхаб, бүхы обогуудай дунда Таниие магтан байхаб.

Египедһээ гаралга 20:5

Тэдээндэ бү һүгэдэ, бү мүргэ. Юуб гэхэдэ, Би, Эзэн Бурханшни, жүтөөрхэн сахидаг Бурхан гээшэб. Намайе хэрэгсээнгүй ябаһан эсэгэнэрэй түлөө үри хүүгэдыень, аша гушанарыень гурбадахи, дүрбэдэхи үе хүрэтэрынь хэһээдэгби.

Эзэкээл 23:35

Ши Намайе мартажа, буруу харааш, тиимэһээ һальхай забхай байһанайнгаа түлөө хэһээгдэхэш.

Һошээ 9:1

Израилиин арад зон, ондоо арадуудтал һайндэрнүүдые хэжэ, сэнгэжэ байхаяа болигты! Таанад өөрын Бурханһаа холодожо, Тэрээндэ шүтэхэеэ болёод байнат. Орооһо сохидог газарта та янхан эхэнэртэл, мүнгэ абаха дуратайт.

Тоололго 32:13

Эзэн израильшуудта сухалаа хүрөөд, эбсэшэгүй нүгэл хэһэнэйнь түлөө дүшэн жэлдэ тулижа, тэнэжэ хосорхынь түлөө тэдэниие элһэн губида орхёо!

Тоололго 33:38

Санаарта Аһароон Эзэнэй зарлиг дүүргэжэ, тэрэ Һоор хада дээрэ гараад, израильшуудай Египедһээ гараһанһаа хойшо дүшэн жэлэй табадахи һарын нэгэнэй үдэр эндэ наһа бараба.

Тоололго 5:31

Тиихэдэнь тэрэнэй үбгэн ямаршье нүгэлгүй сэбэр үлэхэ, харин һамган нүгэлтэй байбал, өөрөө тэрэ һамганиинь зоболон үзэхэ.

Хэрэгүүд 7:36

Египедэй нютагаар, Улаан далайн шадар, мүн сүл губяар дүшэн жэлэй туршада ябахадаа, тэрэ гайхамшагта хэрэгүүдые бүтээн, юрэ бусын дүлгэ тэмдэгүүдые харуулан, арад зоноо Египедһээ гаргаа һэн.

Хуули дабталга 1:3

Израилиин арад зоной Египедһээ гаража, энэ газарта хүрэһөөрнь дүшэн жэл үнгэрөө. Дүшэдэхи жэлэй арбан нэгэдэхи һарын түрүүшын үдэр Моисей Израилиин зондо дуулгахыень Эзэнэй өөртэнь захираашые бултыень дамжуулһан гэхэ.

Хуули дабталга 2:14

Кадээш-Барнээ гэгшэһээ манай ошоһонһоо хадын жалга Зээрэдые гаталһан саг хүрэтэр гушан найман жэл үнгэрөө. Эзэнэй тэдээндэ тангариглаһанай ёһоор обогоймнай тэрэ үеын сэрэгэй зон барандаа наһа бараа.

Хуули дабталга 2:7

Эзэн Бурханайнгаа бүхы ажал хэрэгүүдыетнай үреэһэн, агууехэ элһэн сүл губяар ябажа байхадатнай таанадые хаража байһан тухайнь бү мартагты. Дүшэн жэлэй туршада Эзэн Бурхантнай таанадтай хамта ябана, тиимэһээ та бүгэдэ ямаршье юумээр дуталдаагүйт“».

Хуули дабталга 29:5

Дүшэн жэл соо Тэрэ таанадые элһэн сүл губяар хүтэлэн ябаа. Энэ саг соо хубсаһантнайшье һанги набта болоогүй, гуталтнайшье һалаагүй,

Хуули дабталга 8:2

Дүшэн жэлэй туршада элһэн сүл губяар таанадые Эзэнэй хүтэлөөд ябаһан бүхы аян зам бү мартагты. Досоогоо юу сэдьхэжэ байһыетнай, захяа заабарииень сахиха гүт, али үгы гүт гэжэ мэдэхын тула, таанадые номгоруулхын тула Тэрэ туршажа байгаа.

Хуули дабталга 8:4

Энэ дүшэн жэл соо хубсаһантнай хуушаржа һалаагүй, хүлтнай хабдаагүй.

Нүүнэй Иисүүс 14:10

Тиигээд Эзэн намайе амиды үлөөгөө. Энэ үгэ Эзэнэй Моисейдэ хэлэһэнһээ хойшо дүшэн табан жэл үнгэрөө. Тиихэдэ Израиль элһэн губяар ябажа байгаа. Мүнөө би наян табатайб.

Нүүнэй Иисүүс 5:6

Юуб гэхэдэ, Израилиин хүбүүд дайлалдаха шадалтай бүхы зоной дууһан үхэтэр, дүшэн жэлдэ элһэн губида ябаа. Тэдэ зон Эзэнэй абяа дуулаагүй байгаа. Тиимэһээ эсэгэнэртэнь үгэхэб гэжэ Эзэнэй тангариглаһан һүнэй ба зүгын балай урдажа байдаг газарые тэдэ үзэхэгүй гэжэ Эзэн тангариглаа.