Тоололго 14:24 - Библи

²⁴ Минии зараса Халээб тэдээнһээ гансааран илгаржа, Намда үнэн сэхэ зандаа үлөө. Тэрэнэйнь түлөө Би тэрэниие харагша газартань хүргэн абаашахаб. Үри һадаһадынь энэ орон нютагые эзэмдэн ажаһууха!

Тоололго 14:24 Referencias Cruzadas

1 Угай бэшэг 29:18

Манай эсэгэнэрэй, Абраһаамай, Исаагай, Израилиин Эсэгэ Бурхан. Өөрынгөө арадай зүрхэ сэдьхэл, ухаан бодолой мэдэрэлые хэтын хэтэдэ үршөөн байгыт, тэдэнэй зүрхэ сэдьхэлые өөртөө шэглүүлэн ябыт.

1 Угай бэшэг 29:9

Тэдэнэй оролдолго хэшээлдэ арад түмэн урмашан баясабад, юуб гэхэдэ, тэдэнэр үнэн сэдьхэлһээ Эзэндээ үргөө бшуу, мүн Давид хааншье соёрхон баясаба.

2 Угай бэшэг 25:2

Тэрэ Эзэндэ таарамжатай хэрэгүүдые бүтээжэ байбашье, үнэнхэ зүрхэнһөө Тэрээндэ гүйсэд шүтэн байгаагүй.

Һургаал 23:26

Хүбүүмни, зүрхэ сэдьхэлээ намда үгэ. Нюдэеэ минии зам тээшэ шэглүүлэ.

Тоололго 13:30

Амалээгүүд Нээгэбта ажаһууна. Хадалиг газарта хээдүүд, евүүсүүд, эмооршууд ажаһууна. Ханаһаанууд далай шадар, Иордан мүрэнэй эрьеэр ажаһууна.

Тоололго 14:30

Тиимэһээ үгэхэб гэжэ Минии гараа үргэн тангариглаһан тэрэ газарта таанадай хэншье хүрэжэ ошохогүй. Гансал Епуннээгэй хүбүүн Халээб, Нүүнэй хүбүүн Иисүүс тэрэ газар дээрэм хүлөө табиха.

Тоололго 26:65

Ушар юуб гэхэдэ, тэдэнэрые булта сүл губида үхэхэ гэжэ Эзэн айладаһан байгаа. Гэбэшье Епуннээгэй хүбүүн Халээб, Нүүнэй хүбүүн Иисүүс хоёр лэ амиды үлөө һэн.

Хэрэгүүд 11:23

Барнааба Антиох хүрэжэ ерэхэдээ, Бурханай үршөөһэн буян хэшэгые өөрөө хаража, ехээр баярлаба. Тиигээд бүхы зүрхэ сэдьхэлээрээ Эзэндэ үнэн сэхэ байхыень хүн зониие уряалаа.

Эфесэйхиндэ 6:6

Һайшаалдань хүртэхын тула тэдэнэйнгээ гансал хаража байхадань бү тиигэжэ байгаарайгты, харин Христоосой барлагуудтал адляар Бурханай хүсэһэн юумые үнэн зүрхэнһөө хэжэ байгаарайгты.

Хуули дабталга 1:36

гансал Епуннээ гэгшын хүбүүн Халээб тэрэниие үзэхэ. Намда үнэн сэхэ зандаа үлэһэнэйнь түлөө тэрээндэ болон үри хүүгэдтэнь Би шэнжэлһэн газар дайдыень бэлэглэхэб».

Хуули дабталга 6:5

Бүхы зүрхэ сэдьхэлээрээ, бүхы амин һүлдөөрөө, бүхы хүсэ шадалаараа Эзэн Бурхандаа дуратай байгты.

Колоссынхидтэ 3:23

Ямаршье юумэ хэхэдээ, эзэдынгээ магтаалда хүртэхын тула бэшэ, харин Эзэнэй һайшаалда хүртэхын тула үнэн зүрхэнһөө зүдхэжэ байгаарайт.