Тоололго 14:14 - Библи

¹⁴ Энэ орон нютагай зондо тэдэ юу болоһые хөөрэхэ. Өөрынгөө арадтай хамта Эзэн ябалсана гэжэ, Өөрыгөө тэдээндэ үзүүлээ гэжэ, үдэртөө Таниие үүлэн бахана болоод тэдэниие дахуулна гэжэ, үдэшэндөө Таниие дүлэтэ үүлэн болоод тэдэниие аршалан бүрхөөнэ гэжэ мэдэнэл.

Тоололго 14:14 Referencias Cruzadas

Эхин 32:30

– Бурхантай нюураараа уулзаһан аад, амиды мэндэ үлэһэмни гайхалтай, – гэжэ Яков хэлээд, тэрэ газарые «Пэнүһээл», оршуулбал, «Бурханай нюур» гэжэ нэрлэбэ.

Нэхэмьяа 9:12

Та үдэртөө үүлэн баханаар харгыень заажа үгөөт, харин һүниндөө тэдэнэй гаталха замыень туяагаар гэрэлтүүлжэ үгөөт.

Нэхэмьяа 9:19

Өөрынгөө нигүүлэсхы сэдьхэлээр Та тэдэниие элһэн губидашье орхёогүйт: үдэртөө үүлэн баханаар заахаяа, һүниндөө замыень туяагаар гэрэлтүүлхэеэ орхёогүйт.

Псалманууд 105:39

Тэдэ хэрэгүүдээрээ өөрыгөө бузарлаба, бүхы хэрэг ябадалынь – зальхай ябадал бэлэй.

Египедһээ гаралга 15:14

Арадууд бүгэдөөрөө дуулан, айжа һүрдэжэ байнал! Пилиштын зон һалганан байна,

Египедһээ гаралга 33:11

Эзэн Моисейтэй урда урдаһаа харалсан хүнтэй хөөрэлдэжэ байһан шэнгеэр хөөрэлдэгшэ һэн. Удаань Моисей хүреэндээ бусадаг, харин Моисейн туһалагша Нүүнэй хүбүүн Иисүүс майхан һүмэһөөн гарадаггүй бэлэй.

Египедһээ гаралга 33:16

Угсаата арадтаа талархажа байһанайтнай гэршэ ямар бэ? Маанадтай ябаха гээшэтнайл болоно! Тиибэл, дэлхэйн ондоо арадуудһаа бидэниие үлүү тооһонойтнай гэршэ энэ мүн лэ даа.

Египедһээ гаралга 40:38

Үдэрынь майхан һүмэ дээрэ Эзэнэй үүлэн байдаг байба, харин һүниндөө энэ үүлэн соо гал носодог байба – тэрээнииень бүхы Израиль угсаатан хараа. Тэдэнэй бүхы аян замдань хододоо тиимэ байгаа бэлэй.

Тоололго 10:34

Үдэртөө Эзэнэй үүлэн дээгүүрнь дэгдэжэ, тэдэ аян замда гарадаг байгаа.

Тоололго 12:8

Тэрээнтэй Би улаан нюураараа уулзалдан, далда хэлээр бэшэ, сэхэ хөөрэлдэнэб. Тэрэ Минии дүрсэ үзэдэг. Тиигээд таанад Моисейдэ, Минии зарасада, юундэ эсэргүүсэхэ болообта?!

Иоанн 1:18

Бурханиие хэншье, хэзээдэшье хараагүй. Бурхантай нэгэн хамта, Эсэгэдээ ойро дүтэ ори ганса Хүбүүниинь лэ Бурханиие юртэмсэ дэлхэйдэ харуулаа.

Иоанн 14:9

– Филипп, ши Намайе мэдэнэгүй гүш? Би таанартай хамта иимэ удаан саг соо байналби! Намайе хараһан хүн Эсэгыемнишье хараба гээшэ. Харин ши юундэ «Эсэгэеэ бидэндэ харуулыт» гэнэбши?

Коринфынхидтэ 1-дэхи 13:12

Мүнөө бидэ Бурханиие бүүдэг гэрэлэй һүүдэртэ адли харанабди, харин һүүлдэнь Тэрээнтэй сэхэ харилсахабди. Мүнөө юумэ гүйсэд мэдэнэгүйб, харин һүүлдэ Бурханай намайе мэдэһэндэл адляар би юумые бүрин түгэс мэдэдэг болохоб.

Хуули дабталга 1:19

Эзэн Бурханайнгаа захирһанай ёһоор, Хорээб хадаһаа буужа, энэ үргэн, аймшагтай элһэн сүл губи бултыень гаталан гараабди, энээниие та бүгэдэ өөһэдөө хараа гээшэ аабзат даа. Иигэжэ эмоор обог зоной уулархаг нютаг руу зорижо, Кадээш-Барнээ гэгшэдэ хүрөөбди.

Хуули дабталга 34:10

Моисейдэл адли лүндэншэ Израилиин арад зоной дунда бэшэ хэзээдэшье үзэгдөөгүй бэлэй. Юуб гэхэдэ, Эзэн гансал тэрээнтэй улаан нюураараа ушарһан байна.

Хуули дабталга 5:24

иигэжэ хэлээ бэлэй: «Эзэн Бурхамнай Өөрынгөө алдар соло, һүр жабхалан бидэндэ харуулаа, Тэрэнэй абяаень гал дүлэн сооһоо дуулаалди! Улад зонтой Бурханай хөөрэлдэһые, удаань тэдэ зоной амиды мэндэ үлэһые мүнөөдэр үзөө хараабди.

Хуули дабталга 5:4

Таанадтай улаан нюураараа уулзалдан, Эзэн тэрэ хада дээрэһээ, гал дүлэн сооһоо үгэ хүүр айладаһан байна.

Нүүнэй Иисүүс 5:1

Иорданай энэ тала руу, далай тээшэ һууһан эмооршуудай бүхы хаашуул, далай шадар һууһан ханаһаануудай бүхы хаашуул тэдээнэй гол гаратар Эзэн Израилиин хүбүүдэй урда Иорданай уһа хатаагаа гэжэ дуулахадаа, зүрхэниинь һулараа, Израилиин хүбүүдэй урдаһаа тэдэ һүнэһэгүй болоо.

Иоаннай 1-дэхи хандалга 3:2

Инаг хайрата аха дүүнэрни, бидэ мүнөө Бурханай үхибүүд гээшэбди, теэд саашадаа ямар болохомнай үшөөл мэдэгдэнэгүй. Христоосой ерэхэдэ, Тэрээндэл адли болохобди гэжэ ойлгонобди, юундэб гэбэл, бидэ Тэрэниие үнэн бодото зандань харахабди.