Тоололго 13:33 - Библи

³³ Тагнаад ерэгшэ орон нютаг тухай муу һураг израильшуудай дунда тэдэ тараажа эхилбэ: – Манай шэнжэлэн шалгажа ерэһэн тэрэ орон нютаг хадаа тэрээн дээрэ ажаһуухаяа зүрхэлэгшэ хүн бүхэниие залгиха. Тэндэхи зон бултадаа үндэр гэгшын бэетэй гэжэ хараабди.

Тоололго 13:33 Referencias Cruzadas

Эхин 6:4

Бурханай хүбүүдэй хүн түрэлтэнэй басагадтай ханилхада, тэдэнь түрэжэ, түрэһэн хүүгэдынь абарга мантан бэетэйнүүд байгаа. Тэдэ эртэ урдын нэрэ солотой баатарнууд болоно.

1 Угай бэшэг 11:23

Тэрэ баһа табан тохой үндэртэй, Египедэй нэгэ абарга эрые хюдаа бэлэй. Тэрэ египет хүн гартаа томо гэгшын жадатай байгаа. Харин Бэнайяа һаба модотой ерэжэ, египет хүнэй гарһаа жадыень буляан абаад, тэрэ жадаарнь өөрыень алаа һэн.

Исай 40:22

Таршаа шумуул мэтэ улад зонтой дэлхэйн тойрог дээрэ заларагшань Тэрэ бэлэй. Тэрэ огторгойе хүшэгэ мэтэ татажа, майхан мэтэ дэлгээ.

Тоололго 13:22

Тэдэ ошожо, Циин губиһаа эхилээд, Лэбоо-Хамаат руу ябаха харгыда оршодог Рэһооб хүрэтэрхи газар шэнжэлэн тагнаба.

Тоололго 13:28

Тиигээд тэдэнэр Моисейдэ иигэжэ хэлэбэ: – Бидэ эльгээһэн газартатнай ошообди. Бүхы эдеэ хоолоор элбэг дэлбэг орон нютаг байна. Тэрэ газарай дээжэнь энэ мүн.

Тоололго 14:1

Тэрэ һүни бүхы зон оог хашхаралдан, бархиран байгаа.

Хуули дабталга 1:28

Юундэ тиишээ ошохобибди? Бидэ айнабди. Тэндэхи зон маанадта орходоо томо, үндэршье, хотонуудынь мантан, огторгой тулама хэрэм ханануудтай гэжэ тагнуулаар ошоһон зомнай дуулгаа һэн. Тэндэ айхабтар томо бэетэй Анаагай үри һадаһадые тэдэ хараал!»

Хуули дабталга 2:10

(Урдань Аарта анаакшууд мэтэ хүсэтэй, угаа олон, үндэр эмиимүүд гэдэг арад зон ажаһуугаа.

Хуули дабталга 3:11

(Башаанай хаан Оог рэпаиимүүдэй дундаһаа эгээл һүүлшын үлөөшэнь бэлэй. Тэрэнэй шулуун хуурсаг мүнөөшье болотор аммоонуудай Раббаа хотодо байһаар: утань юһэн, үргэниинь эрэ хүнэй дүрбэн тохой болохо юм.)

Хуули дабталга 9:2

Зониинь арсалан хүсэтэй, үндэр бэетэй гэжэ Анаак гэгшын уг залгамжалагшад тухай, хэншье тэдэниие диилэжэ шадахагүй тухай дуулаһан байхат.

Нүүнэй Иисүүс 11:21

Тэрэл үедэ Иисүүс хада дээрэ, Хэброондо, Дэбииртэ, Анаабта, Иудын бүхы хада дээрэ, Израилиин бүхы хада дээрэ анаакшуудые хюдаа; хотонуудтайнь хамта Иисүүс тэдээниие хараалда үгөө.

Нүүнэй Иисүүс 14:12

Тиимэһээ Эзэнэй тэрэ үдэр хэлэһэн энэ хадые намда үгэ. Тэндэ Анаагай хүбүүд һууна гэжэ тэрэ үдэр ши дуулааш, тэдээнэй хотонууд томо ба бэхилэгдэһэн; Эзэнэй намтай ябаа һаань, тэрээнэй хэлэһэн ёһоор би тэдээниие үлдэхэб.

Нүүнэй Иисүүс 15:14

Тиигээд Халээб тэндэһээ Анаагай хүбүүдые: Шэшайе, Ахимааниие ба Талмаайе, Анаагай үхибүүдые үлдөө.

1 Хаан түрэнүүд 17:24

Израилиин бүхы эрэшүүл тэрэ хүниие хараад, ехэ айн зугадаба.

1 Хаан түрэнүүд 17:42

Пилишт хүн шэртэжэ хараад, Давидые голобо. Юуб гэхэдэ, Давид ягаа улаахан, һайхан түһөөтэй залуухан хүбүүн байгаа.