Тоололго 13:28 - Библи

²⁸ Тиигээд тэдэнэр Моисейдэ иигэжэ хэлэбэ: – Бидэ эльгээһэн газартатнай ошообди. Бүхы эдеэ хоолоор элбэг дэлбэг орон нютаг байна. Тэрэ газарай дээжэнь энэ мүн.

Тоололго 13:28 Referencias Cruzadas

2 Хаан түрэнүүд 21:16

Абарга томо бэетэй Рэпаиимэй үри һадаһан Ишбиибэнооб Давидые алахаяа һанаба. Гуулин жадань гурбан зуун шээкэл жэнтэй, тэрэ шэнэхэн һэлмэ зүүһэн байгаа.

Тоололго 13:33

Тагнаад ерэгшэ орон нютаг тухай муу һураг израильшуудай дунда тэдэ тараажа эхилбэ: – Манай шэнжэлэн шалгажа ерэһэн тэрэ орон нютаг хадаа тэрээн дээрэ ажаһуухаяа зүрхэлэгшэ хүн бүхэниие залгиха. Тэндэхи зон бултадаа үндэр гэгшын бэетэй гэжэ хараабди.

Хуули дабталга 1:28

Юундэ тиишээ ошохобибди? Бидэ айнабди. Тэндэхи зон маанадта орходоо томо, үндэршье, хотонуудынь мантан, огторгой тулама хэрэм ханануудтай гэжэ тагнуулаар ошоһон зомнай дуулгаа һэн. Тэндэ айхабтар томо бэетэй Анаагай үри һадаһадые тэдэ хараал!»

Хуули дабталга 2:21

Анаак гэгшын үри һадаһад мэтэ замзууммшууд хүсэтэй, угаа олон, үндэр бэетэй арад бэлэй. Аммоонуудай замзууммшуудые хюдахадань, Эзэн туһалаа һэн. Иигэжэ тэдэнэй газарые аммоонууд эзэмдэжэ байрлаа бэлэй.

Хуули дабталга 3:5

Эдэ хотонуудынь бултадаа үндэр ханануудтай, бартаануудтай, шэбхэнүүдтэй, юрэдөө, ехэ бүхэлэгдэнхэй байгаа. Тэрээнһээ гадна хана хэрэмгүй һууринуудшье олон һэн.

Нүүнэй Иисүүс 11:22

Израилиин хүбүүдэй газар дээрэ анаакшуудһаа нэгэш хүн үлөөгүй, гансал Гаазада, Гаадта ба Ашдоодто үлөө.

Нүүнэй Иисүүс 14:12

Тиимэһээ Эзэнэй тэрэ үдэр хэлэһэн энэ хадые намда үгэ. Тэндэ Анаагай хүбүүд һууна гэжэ тэрэ үдэр ши дуулааш, тэдээнэй хотонууд томо ба бэхилэгдэһэн; Эзэнэй намтай ябаа һаань, тэрээнэй хэлэһэн ёһоор би тэдээниие үлдэхэб.

Нүүнэй Иисүүс 15:14

Тиигээд Халээб тэндэһээ Анаагай хүбүүдые: Шэшайе, Ахимааниие ба Талмаайе, Анаагай үхибүүдые үлдөө.

Ударидагшад 1:20

Моисейн хэлэгшээр Халээб Анаагай гурбан хүбүүдэй үри һадаһадыень тэндэһээ намнан үлдөөд, Хэброон хото эзэлбэ.