Тоололго 13:27 - Библи

²⁷ Тэдэ Параанай сүл губидахи Кадээшэй хажууда байһан хотон хүреэнүүдтэ бусажа, Моисейдэ, Аһароондо болон түрэл арадтаа хараһан-үзэһэнөө бултыень хөөрэжэ, тэндэхи газарһаа асарһан үзэм жэмэсээ улад зондоо харуулба.

Тоололго 13:27 Referencias Cruzadas

Нэхэмьяа 9:25

Израильшууд бүхэлэгдэмэл хотонуудыень, мүн үрэжэл ехэтэй газарнуудыень буляажа абаба, элдэб зөөреэр дүүрэн гэрнүүдыень, шулуутай газарта һэндэһэн худагуудыень, уһан үзэм, олива жэмэсэй олон сэсэрлигүүдыень, жэмэстэ шугынуудыень эзэлбэ. Танай агуу үршөөлөөр тэдэнэр садатараа эдеэлжэ, баян тарган һуунад лэ.

Египедһээ гаралга 13:5

Ханаһаан, хээт, эмоор, хиив ба евүүс угсаатанай анхан һууһан, һү тарагаар, бал тоһоор билтаржа байһан газар үгэхэб гэжэ эсэгэнэртэтнай Эзэн тангариглаһан юм. Эзэнэй тиишэнь таанадые оруулхада, энэ һарада алдангүй иимэ мүргэл хэдэг байхат:

Египедһээ гаралга 3:17

Таанадые Би Египедэй дарлалтаһаа зайлуулжа, ханаһаан, хээт, эмоор, пэриззии, хиив ба евүүс угсаатанай һуудаг, һү тарагаар, бал тоһоор дэлбэржэ байдаг нютагта абаашахам».

Египедһээ гаралга 3:8

Египедэй гарһаа аршалан мулталжа, һү тарагай, бал тоһоной дэлбэржэ байдаг үргэн һайхан нютагта, ханаһаан, хээт, эмоор, пэриззии, хиив, евүүс угсаатанай газарта абаашаха гэжэ Би газар түбидэ буужа ерээб, – гэжэ Эзэн айладаба. –

Египедһээ гаралга 33:3

Һү тарагаар, бал тоһоор дэлбэржэ байһан тэрэ газарта ошогты! Би тантай ошохогүйб. Юуб гэхэдэ, үсэдһөөтнай хилэнлэн, таанадые усадхажа магадгүйб гэжэ һанан нарилнаб.

Ерэмияа 11:5

Тиигэбэлнь, һүн далайн, зүгын балай урдажа байһан, мүнөө тэдэнэй эзэлжэ байгаа газар нютагые үгэхэб гэжэ элинсэг хулинсагтань тангариглаһан тангаригаа бэелүүлхэ байгааб. Би харюудань: – Мүн даа, Эзэмни! – гэбэб.

Ерэмияа 32:22

Элинсэг хулинсагтань тангариглаһанайнгаа ёһоор Та энэ баян, үрэжэлтэ һайхан газар тэдээндэ үгөөт.

Эзэкээл 20:15

Тэрэнэй орондо юумээр элбэг-дэлбэг эгээл һайхан газар нютаг руу таанадые оруулхагүйб гэжэ элһэн губи дотор Би тэдээндэ тангариглаа һэм.

Эзэкээл 20:6

Эгээл тиихэдээ тэдэниие Египедһээ гаргажа, өөһэдтэнь гэжэ шэлэһэн орон нютаг руу абаашахаб гээд тангариглаа һэм. Тэрэ газар нютаг һүөөр, зүгын балаар дэлбэржэ, бусад газарнуудһаа эгээл һайханиинь бэлэй.

Левит 20:24

«Үрэжэлтэй һайхан энэ газарые таанадай харьяата газар болохо,» – гэжэ найдуулаа һэм. Тиигээд мүнөө тэрэниие үгэнэб. Би танай Эзэн гээшэб, таанадые бусад арадуудһаа илган шэлээ һэм.

Тоололго 14:7

иигэжэ хэлэбэд: – Бидэнэй тагнан шэнжэлжэ хараһан тэрэ газар ехэ һайн, угаа һайн!

Тоололго 14:8

Эзэн бидэндэ энэрхы һаа, эдеэ хоолоор дэлбэржэ байдаг үрэжэлтэй тэрэ газарта бидэниие дахуулжа, үгэг лэ бидэндэ тэрэ газар.

Тоололго 16:13

Эдеэ хоолоор элбэг дэлбэг газарһаа энэ сүл губида асаржа, бидэниие тураажа алахашни багадаад, маанадые зонхилхо гээбши?!

Тоололго 16:14

Шинии хойноһоо юундэ дахаха болообибди? Эзэнэй үгэхэб гэһэн эдеэ хоолоор элбэг дэлбэг газарта бидэниие асараа гүш? Үзэм жэмэстэ мододой ургадаг үрэжэлтэй газар бидэндэ үгөө аалши? Бидэниие энэ үгөөр мэхэлхэ гэжэ борохон ухаандаа оруулаа гүш? Бидэнэр ошохогүйбди!

Хуули дабталга 11:9

Тиигэбэл, Эзэнэй танай үбгэ эсэгэнэртэ, уг удамдань үгэхөөр тангариглан найдуулһан газар дайдада, һүн далайн урдажа, зүгын балай дэлгэржэ байһан газарта, удаан сагта ажаһуухат.

Хуули дабталга 26:9

Тиигээд маанадые энэ газарта асаржа, һүн далайн урдажа, зүгын балай дэлгэржэ байһан энэ үрэжэлтэ һайхан дайда үршөөгөө.

Хуули дабталга 27:3

Тэдээн дээрэ энэ һургаалай бүхы үгэнүүдые бэшэгты. Эзэн Бурханайнгаа үгэжэ байһан, һүн далайн, зүгын балай урдажа байһан газарта ороходоо,

Хуули дабталга 31:20

Үбгэ эсэгэнэртэнь тангариглаһан, һүн далайн, зүгын балай урдажа байһан газарта Би тэдэниие асархаб. Тэдэнэр эдеэлжэ, садажа, таргалжа, ондоо бурхадта мүргэжэ эхилхэ. Намайе тоохоёо болижо, Минии хэлсээ эбдэхэ.

Хуули дабталга 6:3

Израилиин улад зон, соносогты, тиигээд эдэ бүгэдые жэншэдгүй сахин дүүргэхэеэ оролдогты! Тиигэбэл, таанадта һайн байха, угаа үнэржэн, шадал түгэс үндэһэ яһатан болохот, Эзэнэй, үбгэ эсэгэнэрэйтнай Бурханай, найдуулһаар, бүхы юумээр элбэг дэлбэг газартай болохот.

Нүүнэй Иисүүс 5:6

Юуб гэхэдэ, Израилиин хүбүүд дайлалдаха шадалтай бүхы зоной дууһан үхэтэр, дүшэн жэлдэ элһэн губида ябаа. Тэдэ зон Эзэнэй абяа дуулаагүй байгаа. Тиимэһээ эсэгэнэртэнь үгэхэб гэжэ Эзэнэй тангариглаһан һүнэй ба зүгын балай урдажа байдаг газарые тэдэ үзэхэгүй гэжэ Эзэн тангариглаа.