Тоололго 13:20 - Библи

²⁰ Тэдэнэй ажаһуудаг газар тунга ногоотой гү, али үгы гү, тэдэнэй ажаһуудаг хотонууд хэрэм ханатай гү, али үгы гү гэжэ хаража тэндэһээ мэдэгты.

Тоололго 13:20 Referencias Cruzadas

1 Угай бэшэг 22:11

Хүбүүмни! Тэрэнэй намда хэлэһэнэй ёһоор Эзэнэй гэр бодхоожо, амжалтатай ябахаш. Бурхан шамтаяа байха.

Нэхэмьяа 9:25

Израильшууд бүхэлэгдэмэл хотонуудыень, мүн үрэжэл ехэтэй газарнуудыень буляажа абаба, элдэб зөөреэр дүүрэн гэрнүүдыень, шулуутай газарта һэндэһэн худагуудыень, уһан үзэм, олива жэмэсэй олон сэсэрлигүүдыень, жэмэстэ шугынуудыень эзэлбэ. Танай агуу үршөөлөөр тэдэнэр садатараа эдеэлжэ, баян тарган һуунад лэ.

Нэхэмьяа 9:35

Танай тэдэнэртэ бэлэглэһэн захагүй үргэн үрэжэл һайтай газар дээрэ өөрынгөө хан түрэдэ Танһаа сэгнэшэгүй туһа абажа байгаад, тэдэнэр Танда алба хэхые хүсөөгүйл, харша үйлэ хэрэгүүдээ үүсхэһээр лэ байгаал.

Эзэкээл 34:14

Тунга ногоон бэлшээридэ Израилиин хада уулаар тэдэ бэлшэхэ, аюулгүй амгалан тиирэхэ.

Даниил 11:24

Эгээл баян орон нютагууд руу тэрэ гэнтэ орожо, үбгэ эсэгэнэрэйнь хэнэйшье хээгүй юумэ тэндэ эрхилхэ. Дээрмэдэн абаһан эд зөөри, олзо, баялигые тэрэ өөрын хүнүүдэй дунда тараажа, хэрэмүүдтэ добтолхо тушаа түсэблэн байха, теэд тэрэнэй саг удахагүй дууһаха.

Михей 7:1

Ямар гасалантай гээшэбиб даа! Жэмэс түүжэ, үзэм хуряажа байһанай удаа нэгэшье жэмэс оложо эдиһэйб гэжэ бэдэрһэн, харин юушье олоогүй хүндэл адлиб!

Тоололго 13:19

Харагты тэндэһээ ямар газар бэ гэжэ. Ханаһаанай дайда дээрэ ажаһуудаг арадые хүсэтэй гү, али хүсэгүй гү, хэмгүй олон гү, али үсөөн гү гэжэ хаража тэндэһээ мэдэгты.

Хуули дабталга 1:24

Тэдэнэр ошожо, уулархаг нютагаар саашалжа, Эшхоолой хүндыдэ ошон шэнжэлээд,

Хуули дабталга 1:25

тэрэ нютагай жэмэс бидэндэ асаржа, һураг суу дуулган иигэжэ хэлэбэ: «Бидэндэ Эзэн Бурханаймнай бэлэглэжэ байһан дайда угаа үрэжэлтэй һайхан газар байна даа».

Хуули дабталга 31:23

Удаань Эзэн Нүүнэй хүбүүн Иисүүстэ захирба: – Хатуу шанга, эрэлхэг зоригтой бай, юуб гэхэдэ, Израилиин арад түмэниие Минии тангариглан найдуулһан газарта хүтэлэн абаашахаш. Би шамтай суг байхаб.

Еврейнүүдтэ 13:6

Тиимэһээ: «Бурхан минии туһалагша, би айхагүйб. Хүн намда юу хэжэ шадахаб?» – гэжэ бидэ зоригтойгоор хэлэхэбди.

Нүүнэй Иисүүс 1:6

Хатуу, зоригтой байгаарай; юундэб гэхэдэ, эсэгэнэртэнь үгэхэб гэжэ тангариглаһан газарым ши тэдээндэ эдлэхынь үгэхэш.

Нүүнэй Иисүүс 1:9

Би шамда зарлиг буулганаб: хатуу ба зоригтой байгаарай, бү ай, бү һүрдэн бахарда. Хаанаш ошоо һааш, Эзэн, шинии Бурхан хажуудаш байха.

Нүүнэй Иисүүс 2:1

Нүүнэй хүбүүн Иисүүс Шиттиимһээ хоёр тагнуулшые нюусаар эльгээгээд: – Ошожо газараа, Ерихоониие харагты, – гэжэ захиба. Хоёр залуу хүбүүд Рахааб нэрэтэй залихай эмын гэртэ ерээд, тэндээ хонобо.

Нүүнэй Иисүүс 2:3

Ерихооной хаан Рахаабда хүниие эльгээжэ: «Шамда ерэһэн, шинии гэртэ ороһон зониие гаргажа үгэ, тэдэш бүхы газарымнай харахаа ерээ», – гэжэ хэлүүлбэ.