Тоололго 11:20 - Библи

²⁰ бүхэли һара эдихэт. Танай дунда байгааша Эзэниие буруушаажа гэмэрэлдэһэнэйнгээ түлөө эдихэт тэрэниие ойгоо гутатараа, бөөлжэтэрөө. «Египедһээ бидэнэр юундэ гаража ошоо гээшэбибди?!» – гэлдэн, Эзэнэй урда уйлалдаат.

Тоололго 11:20 Referencias Cruzadas

2 Хаан түрэнүүд 12:10

Тиимэ ушарһаа одоо шинии уг удамһаа хэн нэгэн заабол хүндэ хороолгожо үхэдэг байха. Иимэ юумэн хэтэ мүнхэдөө үргэлжэлхэ. Юуб гэхэдэ, ши Намда хайхарамжагүйгөөр хандажа, хээт хүн Урияа гэгшын һамгые өөрын һамган болгон абаа бэлэйш.

Псалманууд 106:15

Энэрэл хайрынь, зоной аша туһада Тэрэнэй хэдэг гайхамшагта хэрэгэй түлөө зон Эзэниие магтан байха болтогой!

Египедһээ гаралга 16:13

Үдэшэлэн тоогүй олон бүднэ шубууд ниидэжэ ерэбэ. Зоной тогтоһон хүреэн соогуур дүүрэн шубуун бии болобо. Үглөөгүүр хүреэень тойроод шүүдэр унаһан байба.

Египедһээ гаралга 16:3

– Египедтэ Эзэнэй гарһаа үхөө һаамнай дээрэ һэн ха, – гэлдэбэ. – Тэндэ мяхатай тогоо тойроод һуугша һэмди, дуран соогоо талха эдигшэ бэлэйбди. Арад зоноо үлэсхэлэндэ дайруулжа үхүүлхэ гэжэ энэ сүл губида асарба гүт?

Египедһээ гаралга 16:8

– Үдэшэндөө Эзэн мяха үршөөхэ, харин үглөөдэр садатараа хилээмэ эдихэт. Юуб гэхэдэ, танай гэмэрэлдээе Тэрэ дуулаа. Харин бидэ хэн гээшэбибди? Маанадые бэшэ, Эзэниие муушална гээшэт, – гэжэ Моисей хэлэбэ.

Һургаал 27:7

Садхалан хүн зүгын балай һархинагшье гэшхэжэ болохо, үлдэһэн хүндэ гашуун юумэншье амтатай.

Малаахи 1:6

Минии нэрэ дарадаг санаартад, «Хүбүүниинь эсэгээ, зараса эзэнээ хүндэлдэг. Би эсэгэтнай болодог юм һаа, Намайе хүндэлһэнтнай алин гээшэб?» гэжэ Түмэн Сэрэгтэ Эзэн таанадта айладхажа байна. Харин таанад «Бидэ Танай нэрэ яажа доройтуулаабибди?» гэжэ асуудагта.

Тоололго 11:13

«Маанадта мяха үгэ» гэжэ уйлан гуйхадань, хамаг бүхы энэ арадые хооллуулха мяха хаанаһаа би олохобиб?

Тоололго 11:19

Таанар тэрэ мяхыень нэгэ, хоёр үдэршье бэшэ, табан, арбан үдэршье бэшэ, хорин үдэршье бэшэ,

Тоололго 11:21

Моисей иигэжэ хэлэбэ: – Минии хажууда зургаан зуун мянган хүн лэ. Харин Та: «Бүхэли һара хүрэхэ мяха тэдээндэ үгэхэб», – гэнэт.

Тоололго 14:3

Эзэн бидэниие эндэ асаржа, эритэ һэлмээр алуулха гээ гү? Һамгад болон үхибүүдыемнай дайсанай олзо болог гээ гү? Египет руу бусабалнай бидэндэ дээрэ ха!

Тоололго 14:4

Зон өөһэд хоорондоо иигэжэ хэлсэдэг болобо: – Шэнэ ударидагшые һунгаад, һөөргөө Египет руу бусая!

Тоололго 16:13

Эдеэ хоолоор элбэг дэлбэг газарһаа энэ сүл губида асаржа, бидэниие тураажа алахашни багадаад, маанадые зонхилхо гээбши?!

Тоололго 20:4

Юундэ бидэниие дахуулжа, эзэгүй хооһон губида асараабта? Али бидэниие үхэр малтаймнай хамта алаха гэжэ эндэ асараа гүт?!

Тоололго 21:5

Эзэндэ болон Моисейдэ дураа гутан иигэжэ гэмэрэлдэбэд: – Таанад бидэниие юундэ Египедһээ гаргаабта? Бидэнэр энэ сүл губида үхэхэмнайл! Эндэ хилээмэншье, уһаншье үгыл! Энэ муухай эдеэ хоолһоо ойгоо гутажа эхилээбди!

Хэрэгүүд 13:41

«Харагты даа, шоглон гасаалагшад, гайхалдагты, хосорогты! Таанадта дуулгаашье һаа, танай үнэншэхөөр бэшэ Агууехэ үйлэ хэрэг эдэ үдэрнүүдтэ Би бүтээхэмни».

Фессалоникиинхидтэ 1-дэхи 4:8

Тиимэһээ энэ һургаал буруушааһан хүн болбол хүниие буруушаана бэшэ, харин таанадта Арюун Һүлдэеэ үршөөжэ байгаа Бурханиие буруушаана.

Нүүнэй Иисүүс 24:27

Тиигээд Иисүүс бүхы арад зондо хэлээ: – Энэ шулуун манда гэршэ болохо, юуб гэхэдэ, Эзэнэй манда хэлэһэн бүхы үгэнүүдые тэрэ дуулаа; Бурханайгаа урда танай худалаар хэлэбэлтнай, тэрэ таниие гэмнэһэн гэршэ болохо.

1 Хаан түрэнүүд 10:19

Бүхы гай тодхорһоо, зоболонһоо абардаг Намайе, өөрынгөө Бурханиие, таанад мүнөөдэр үлүү харабат. Маанад дээрэ хааниие табигты гэбэт. Зай, мүнөө Минии урда обог болон мянгаараа зогсогты.

1 Хаан түрэнүүд 2:30

Шинии гэр бүлэ болон үри һадаһаншни Минии урда хэтэ мүнхэдөө санаартад ябаха гэжэ Би, Израилиин Эзэн Бурхан, найдуулаа бэлэйб. Теэд мүнөө иимэ юумэн дүүрээ гэжэ айладханаб! Юуб гэхэдэ, Намайе хүндэлдэг зониие Би үргэхэб, Намайе баһадаг зондо хараал хүртөөхэб!