Тоололго 11:17 - Библи

¹⁷ Би дээрэһээ буужа, Шамтай хөөрэлдэхэб. Шамда шэнгэһэн Һүлдэһөө зарим тэдые абажа, тэдэ далан зон дээрэ табихаб. Зоной ашаа гансаараа шинии тээжэ ябахагүйн тула тэдэ туһалха.

Тоололго 11:17 Referencias Cruzadas

Эхин 11:5

Эзэн хүн түрэлтэнэй барижа байһан хото самхаг хоёрые харахаяа буужа,

Эхин 17:22

Иигээд Бурхан ябашаба.

Эхин 17:3

Абрам газар мүргэн һүгэдэбэ. Бурхан тэрээндэ хандан, үгэеэ үргэлжэлүүлбэ:

Эхин 18:33

Энээнэй һүүлээр Эзэн Абраһаамые орхин ошожо, Абраһаам гэртээ бусаба.

4 Хаан түрэнүүд 2:15

Ерихоон мүрэнэй эрьеһээ тээ саанахана зогсожо байһан лүндэншэдэй зүблэлэй гэшүүдэй түлөөлэгшэд энэ үйлэ хэрэг хараад: – Элияагай һүлдэ Элишаада ороо! – гэжэ хашхаралдаад, тэрэнэй урда ерэжэ, доро дохиһоной һүүлдэ

4 Хаан түрэнүүд 2:9

Мүрэн гаталамсаараа, Элияа Элишаада хандажа: – Минии шамтай байһан сагта, шамда минии юу хэбэл дээрэб? – гэжэ һураба. – Танай эди шэдитэ бэлиг шадабари намда нэмэжэ, минии бэлигые хоёр дахин ехэ болгог, – гэжэ Элишаа хэлэбэ.

Нэхэмьяа 9:20

Өөрынгөө һайхан Һүлдые тэдэндэ үгэжэ, Та юу хэхыень заагаат. Та саг үргэлжэ Өөрынгөө будаа эльгээжэ байгаат, ундыень харяаха уһа үгэжэл байгаат.

Египедһээ гаралга 18:18

Ши өөрөө зобонош, зоншье зобоно. Шамда хүндэ, гансаараа диилэхэгүйш.

Египедһээ гаралга 18:22

Тэдэ зоной зарга хэрэгүүдые шиидхэжэ, хододоо улад зонтой байха. Шухала хэрэгүүдые шамда дамжуулдаг байна ааб даа. Харин шухала бэшэ, жэжэ хэрэгүүдые өөһэдөө шиидхэнэ бэзэ. Тиигэжэ шинии ашаан нэгэ бага хүнгэн болохо, тэрэниие шамтай хамта тэдэ хубаалсаха.

Египедһээ гаралга 19:11

Нүгөөдэрэй үйлэдэ бэеэ зэһэг: зоной хараһаар байтар Эзэн Синай хадын оройдо морилхонь гээшэ.

Египедһээ гаралга 19:20

Эзэн Синай хадын оройдо буужа, Моисейе дуудаба. Моисей дээшээ гараба.

Египедһээ гаралга 34:5

Үүлэн бахана доошоо оробо, Эзэн тэрээн соо бууба, Моисейн урда тогтоод, алдар нэрэеэ тунхаглаба.

Исай 44:3

Ангаһан-хатаһан газарта Би уһа адхахаб, хуурай газар дээгүүр гол горхо урдахуулхаб. Би таанадай үри ашанар дээрэ Өөрын Һүлдэ адхажа, уг удамдатнай Өөрын юрөөл хүртөөхэб.

Исай 63:11

Тиихэдэнь арад түмэниинь Моисей гэгшын ажаһууһан урданай саг һанажа, иигэжэ асуун байба: «Өөрын арад түмэниие удамаршатайнь хамта тэнгис далайһаа гаргагша Эзэн хаанаб? Удамаршадань Өөрын Арюун Һүлдэеэ үгэгшэ Эзэн хаанаб?

Ёһээл 2:28

Би Өөрын Һүлдөөрөө хүн бүхэниие нэбтэрүүлхэб. Таанадай хүбүүд басагад зүн бэлиг мэдэдэг болохо, үбгэд хүгшэдтнай зүүдэ зүүдэлхэ, залуушуултнай үзэгдэл үзэжэ захалха.

Тоололго 11:25

Тиихэдэнь майхан һүмэ дээрэ Эзэнэй бахана үүлэнэй буухадань, Моисей Эзэнтэй хөөрэлдэбэ. Моисейдэ үгэһэн нангин һүлдэеэ Эзэн далан ахалагшатай хубаалсаба. Тэдэнэртэ Эзэнэй һүлдын ороходонь, тэдэнэр ерээдүйн сагта болохо юумэнүүд тухай уридшалан хэлэбэ, тиигээд болибо.

Тоололго 12:5

Эзэнэй үүлэн бахана майхан һүмын үүдэн дээрэ тогтоод, Аһароон Мириам хоёрые дуудахадань, тэдэ хоёр дүтэлэн ошобо.

Тоололго 12:8

Тэрээнтэй Би улаан нюураараа уулзалдан, далда хэлээр бэшэ, сэхэ хөөрэлдэнэб. Тэрэ Минии дүрсэ үзэдэг. Тиигээд таанад Моисейдэ, Минии зарасада, юундэ эсэргүүсэхэ болообта?!

Тоололго 27:18

Эзэн Моисейдэ: – Нүүнэй хүбүүн Иисүүс шэнэ ударидагша болог. Сэсэн ухаатай тэрэниие шэнэ ударидагша болго.

Тоололго 7:89

Моисей Эзэнтэй хөөрэлдэхэеэ Уулзалгын майхан һүмэ соо оробо. Тэндэхи хэлсээнэй ханза дээрэхи херүүбүүдэй хоорондохи талмайһаа Эзэнэй айладахыень дуулаба.

Иоанн 3:13

Тэнгэриһээ буужа ерэһэн Хүн түрэлхитэнэй Хүбүүнһээ ондоо хэншье Тэнгэридэ гаража үзөөгүй ха юм.

Иоанн 7:39

Иисүүс тиигэжэ хэлэхэдээ, Арюун Һүлдэ тухай хэлэбэ гээшэ: Иисүүстэ этигэһэн хүнүүд хожомынь Арюун Һүлдэтэй болохо ёһотой байгаа. Тэрэ үедэ Арюун Һүлдэ үшөө үгтөөдүй һэн, юундэб гэхэдэ, Иисүүс алдар солодо хүртөөгүй байгаа.

Римэйхиндэ 8:9

Таанад нүгэлтэ мүн шанарайгаа хүсэлэнгүүдые даханагүйт, тиин зосоотнай Бурханай Һүлдын оршожо байхадань, Һүлдын эрхэ хүсэлөөр ажамидарнат. Зосоогоо Христоосой Һүлдэгүй хүн Тэрэнэй бэшэ.

Коринфынхидтэ 1-дэхи 2:12

Бидэ энэ дэлхэйн зондол адляар бодомжолхогүйн тула энэ дэлхэйн һүлдые тогтоожо абаагүй хүмди, зүгөөр Бурханай эльгээһэн Һүлдые тогтоожо абаа хүмди, тиимэһээ Бурханай маанадта үршөөһэн бүхы юумые мэдэхэбди.

Фессалоникиинхидтэ 1-дэхи 4:8

Тиимэһээ энэ һургаал буруушааһан хүн болбол хүниие буруушаана бэшэ, харин таанадта Арюун Һүлдэеэ үршөөжэ байгаа Бурханиие буруушаана.

Пётрой 1-дэхи хандалга 1:22

Үнэн зүбые дахажа, Бурханда һүзэглэдэг аха дүүнэртээ үнэн зүрхэнһөө дуратай байхын тула таанад сэдьхэлээ арюудхабат. Тиимэһээ бүхы һанал бодолоороо бэе бэедээ дуратай байгты.

Иудын хандалга 1:19

Тиимэ зонһоо боложо хүнүүд эбээ таһалдаг, тэдэ зон бэеынгээ хүсэлэнгүүдтэ хүтэлүүлэн, Арюун Һүлдэгүй ажамидардаг.

1 Хаан түрэнүүд 10:6

Эзэнэй һүр һүлдэ шам дээрэ хүсэтэй буужа, ши тэдэнтэй хамта бүжэглэн, абарал буулган, ондоо хүн болон хубилхаш.