Тоололго 11:16 - Библи

¹⁶ Эзэн Моисейдэ иигэжэ айладаба: – Арад түмэнэй аха захатан, удамаршад гэжэ өөрынгөө мэдэдэг Израилиин далан аха захатаниие асара Нам руу. Шамтай хамта зогсохыень тэдэниие майхан һүмын дэргэдэ асара.

Тоололго 11:16 Referencias Cruzadas

Эхин 46:27

Энээнһээ гадна Египедтэ түрэһэн Иосифой хоёр хүбүүд болон Яковые, Иосифые нэмэхэдэ, Яковай гэр бүлын тоо дала болоно.

Египедһээ гаралга 18:25

Израилиин зон сооһоо хүндэтэй зониие шэлэжэ, толгойлогшод болгон табиба. Тэдэниие мянганай, зуунай, табинай, арбанай толгойдо табиба.

Египедһээ гаралга 24:1

Эзэн Моисейдэ айладаба: – Аһароон, Надааб, Абиһуу болон Израилиин далан аха захатаниие абаад, хада өөдэ гаража, Намда, Эзэндэ, холоһоо мүргэгты.

Египедһээ гаралга 24:9

Удаань Моисей, Аһароон, Надааб, Абиһуу болон Израилиин далан аха захатан хада дээрэ гаража,

Египедһээ гаралга 4:29

Моисей Аһароон хоёр сугтаа ябажа, Израилиин аха захатаниие бултыень суглуулба.

Ерэмияа 19:1

Эзэн минии ошожо, шабар амһарта худалдан абахыем захирба. Арад түмэнэй ахамад зоной, мүн ахамад санаартадай заримые абан ошохо тухайм Тэрэ мүн лэ захираа.

Эзэкээл 8:11

Израилиин далан удамаршад, Шапаанай Яазаанияа хүбүүнтэй хамта, тэдэнэй урда зогсожо байна, хүн бүхэнэй гарта бойпуур, уталгын утаан анхилан дээшээ бааяжа байба.

Тоололго 11:24

Моисей майхан һүмэһөө гаража, Эзэнэй айладаһан зарлигые арад зондоо дамжуулан хэлээд, израильшуудай далан ахалагшые дуудан, майхан һүмын хажууда ерүүлбэ.

Тоололго 16:25

Моисей Датаанай болон Абираамай майханууд тээшэ ошобо. Израильшуудай ахалагшад тэрэниие дахабад.

Лука 10:1

Тэрэнэйнгээ һүүлээр Иисүүс үшөө далан хоёр хүниие шэлэжэ абаад, Өөрынгөө ошохо гэһэн хото хүдөө руу хоёр хоёроор эльгээхэдээ, иигэжэ захиба:

Лука 10:17

Далан хоёр түлөөлэгшэдынь хото хүдөөгөөр ябаһанаа ехэ баяртай бусажа ерээд: – Эзэн аа, Танай нэрэһээ захирхадамнай ада шүдхэрнүүдшье үгыемнай дуулана, – гэжэ хэлэбэд.

Хуули дабталга 1:15

Иигэжэ би таанадай шэлэһэн, обогуудайтнай ухаатай сэсэн, дүй дүршэлтэй эрэшүүлые абажа, таанадай толгойлогшод болгон табяаб. Тэдэниие мянганай, зуунай, табинай, арбанай толгойдо табяаб, ахамадууд болгон, обог изагуураартнай табяа бэлэйб.

Хуули дабталга 16:18

Эзэн Бурханайнгаа үршөөһэн бүхы хото соо обог бүхэндэ хэрэг шүүн шиидхэгшэдые болон ахамадуудые томилон табигты. Тэдэнэр улад зоной хэрэгүүдые зүбөөр шиидхэжэ байг лэ.

Хуули дабталга 31:28

Минии урда обогуудайнгаа ахамадуудые, хинадаг дарганарые суглуулагты. Тэдээндэ сэхэ өөһэдтэнь эдэ үгэнүүдые хэлэхэб, тэдэнэй урда гэршэ болгон огторгой газар хоёрые дуудахаб.