Тоололго 10:12 - Библи

¹² Тиихэдэнь израильшууд аян замаа үргэлжэлүүлхэеэ Синайн сүл губиһаа гараба. Үүлэн тамаран саашалжа, Параанай сүл губи дээрэ тогтобо.

Тоололго 10:12 Referencias Cruzadas

Эхин 14:6

Хории обог зониие Сэһиир гэдэг хадалиг газар нютагһаань элһэн губиин хилэ дээрэ оршодог Эл-Параан хото хүрэтэр намнаба.

Эхин 21:21

Тэрэ Параан гэдэг хээрэ талада нүүжэ һуурижаба. Эхэнь тэрээндэ Египедһээ һамга асаржа үгөө һэн.

3 Хаан түрэнүүд 11:18

Тэдэ Мидианһаа гаража, Параан руу ерээд, хэдэн хүниие дахуулан, Египедэй фараондо ошоо. Фараон тэрээндэ гэр байра, газар үгэбэ, эдеэ хоолоор хангадаг болобо.

Египедһээ гаралга 13:20

Суккоодһоо гаража, Израилиин зон сүл губиин захадахи Этаам гэжэ газарта тогтобо.

Аввакуум 3:3

Тэмаанһаа болон Параан хадаһаа Арюун Бурхан заларжа байна. Тэрэнэй һүр жабхалан тэнгэри дүүрэн хушаа, дэлхэй Тэрэнэй алдар солоор дүүрэн байна.

Тоололго 1:1

Израильшуудай Египедэй газар дайдаһаа гаража ошоһонһоо хойшо хоёрдохи һарын нэгэдэхи үдэр, Синайн сүл губида майхан һүмэ соо Эзэн Моисейдэ иигэжэ айладаба:

Тоололго 10:33

Тэдэнэр аян замаа Эзэнэй хадаһаа эхилжэ, гурбан хоногой зайе гаталбад. Хотон хүреэнээ табин зохёохо газар оложо үгэхэ зорилготойгоор Эзэнтэй хэлсээ баталһан ханза урдань тээгдэн ябажа байгаа.

Тоололго 13:26

Тэдэ дүшэн үдэр соо тэндэхи орон нютаг шэнжэлэн шалгаад, һөөргөө бусаба.

Тоололго 13:3

– Ханаһаанай газар дайдые тагнан шэнжэлхын тула хэдэн хүниие тиишэнь эльгээ. Би тэрэ газарые израильшуудта үгэнэб. Арбан хоёр обогһоо нэгэ нэгэ ударидагшые тагнан шэнжэлхыень эльгээ.

Тоололго 2:34

Израильшууд Эзэнэй Моисейдэ айладаһан зарлиг дүүргэжэ, өөһэд өөһэдынгөө тугууд доро обог обогуудаараа, гэр бүлэнүүдээрээ, эсэгэ эсэгынхидээрээ хубааран, бултадаа хамта ябаа юм.

Тоололго 9:1

Египедһээ израильшуудай гараһанһаа хойшо хоёр жэл нэгэ һара үнгэрөөд, Синайн сүл губида ерээд байхадань, Эзэн Моисейдэ иигэжэ айладаба:

Тоололго 9:17

Майхан һүмэһөө дээшээ дэгдэжэ, тэрэ үүлэнэй тамаран саашалхадань, израильшууд аян замаа үргэлжэлүүлэн, тэрэниие дахадаг байба. Тогтоходонь, тогтодог байба.

Тоололго 9:5

Эзэнэй Моисейдэ үгэһэн зарлигые жэншэдгүй сахин, түрүүшын һарын арбан дүрбэнэй үдэшэ Синайн сүл губида тэдэнэр Паасха һайндэрлэбэ.

Хуули дабталга 1:1

Иордан голой саада тээ, элһэн сүл губида, Арабаада, Суупай хажууда, Параан, Тоопэл, Лаваан, Хацэроот, Диизаһаб хотонуудай хоорондо байхадаа, Моисейн бүхы Израилиин улад зондо хэлэһэн үгэнүүд иимэ.

Хуули дабталга 1:19

Эзэн Бурханайнгаа захирһанай ёһоор, Хорээб хадаһаа буужа, энэ үргэн, аймшагтай элһэн сүл губи бултыень гаталан гараабди, энээниие та бүгэдэ өөһэдөө хараа гээшэ аабзат даа. Иигэжэ эмоор обог зоной уулархаг нютаг руу зорижо, Кадээш-Барнээ гэгшэдэ хүрөөбди.

Хуули дабталга 1:7

Эрьежэ, аян замда гаража, эмоор обог зоной уулархаг нютаг руу ошогты, мүн оршон тойронхи хүршэнүүдтэнь – Арабаа руу, хада уулархаг нютагууд руу, тала руу, Нээгэб руу, далайн эрье руу, ханаһаануудай нютаг болон Ливаан руу, агууехэ Евфрат мүрэн хүрэтэр зоригты.

Хуули дабталга 33:2

Тэрэ хэлэбэ: Эзэн Синайһаа ерээ, Сэһиир дээгүүр мандаа, Параан хадаһаа толороо. Мэрибаа-Кадээшһээ, ташаланһаа, урда зүгһөө Тэрэ ерээ.

1 Хаан түрэнүүд 25:1

Самуил наһа бараба. Бүхы Израиль сугларжа, тэрээн тухай гашуудан, түрэл Рамаа хотодонь тэрэниие хүдөөлүүлбэ. Давид зэһэжэ, Параанай элһэн сүл губи руу ябаба.